J.M. Goikoetxea: «ETBn kanpoko produktorak dira jaun eta jabe»

1991ko otsailaren 24an

J.M. Goikoetxea: «ETBn kanpoko produktorak dira jaun eta jabe»
Hitz jario azkar eta bizikoak, tonu berezia eman diote Elene Lizarraldek eta Jose Mari Goikoetxeak "Terminus" programari. Heuren saioa kanpoko produktorek ordaindu eta ETBn grabatu ohi diren saio «mimatuen» zerrendan dagoenik ezin esan ordea.
ARGIA. Orain arte irrati munduan ibilia hintzen, zer moduzkoa izan duk telebistarekin izandako lehengo hartu-eman hori?
J.M. GOIKOETXEA.Segura irratian hamar urtez aritua nauk eta hau izan duk telebistan lehenengo lana. Lehendik ere banian medio honetan aritzeko gogoa, baina orain, bertan dihardudala, ez zaidak esku artean dudan beste lana uzteko aina erakargarria iruditzen mundu hau. Esperientzia bezala ezin diat esan hain txarra izan denik baina ez ta beste mundukoa ere.
A. ``Terminus"en ezaugarrietako bat entrebistak egiterakoan sortzen den giro berezia duk, ez dituk galdera-erantzuna moduko ohizko elkarrizketa hotzak izaten...
J.M.G. Programaren eskema hortik zihoak pixka bat, elkarrizketak betiko tono aseptiko eta hotzean egin beharrean eguneroko bizitzan gertatzen diren bezala eta tonu kolokialago batetan egiten ahalegintzen gaituk.
A. Eguneroko bizitzako edo kaleko pertsonaiak sarri elkarrizketatuta, ezingo dik inork esan telebistako betiko aurpegiak ateratzen ari zaretenik.
J.M.G. Oso ezaguna izan gabe ere, esateko zerbait duen edozein eramaten diagu. Helburua ez duk pertsonaia deigarriak eta espektakularrak azaltzea bakarrik, danetatik baizik. Telebistan eta irratian askotan pasatu ohi duk jendea errepikatzea, kultura munduan dabiltzanak gutxi batzu bait dira azken finean.
A. Gaur egun etxeko produkzioek ETBko programazioaren leku garrantzitsu bat betetzen ditek, nola baloratuko huke hik ematen ari den gorakada hori?
J.M.G. Ez zekiat ba... iruditzen zaidak azken alde honetako zuzendaritzak behintzat ETB barneko produkzioa ez duela gehiegi zaindu eta promozionatu. Bertan grabatuak izan arren asko dituk kanpotik produzitutako saioak eta horien ondoan beti ere etxekoak medio gutxien eta eskasenekin aritzen gaituk. Zalantzan jartzen diat beraz, telebista beraren iniziatiba zenbaterainokoa izango ote den. ETBn kanpoko produktorak dira jaun eta jabe.
EÑAUT APAOLAZA ALBERTO IRAZU
61

GaiezKomunikabidTelebistaETBAurkezleak
PertsonaiazGOIKOETXEA6
EgileezAPAOLAZA1Komunikabid
EgileezIRAZU1Komunikabid

Irakurrienak

Matomo erabiliz

"Pianoa da konpainia izatea bezala, ez zara inoiz bakarrik sentitzen"

Olaia L. Garaialde

EAJko karguen senide harrobia

Ahoztar Zelaieta

Bollera subjektua erdigunean jartzera datorren hitzordua

Jenofa Berhokoirigoin

"Gure Herriaren etorkizuna eta hizkuntzarena batera joango dira"

Miel Anjel Elustondo

"Gazteok zutik eta mugimenduan gaude, errealitate gordin baten aurrean"

June Fernández | Pikara Magazine

Azkenak

2024-04-29 | Nagore Iturrioz Lopez | Yolanda Porres García | Steilas sindikatua

Hezkuntza publikoari buruz hitz txintik ere ez hauteskundeetan!

2024-04-29 | Rober Gutiérrez

Errenta aitorpena, euskaraz

2024-04-29 | Iñigo Satrustegi

Beste 40 urtez esperoan egon nahi ez baduzue

2024-04-29 | Goiuri Alberdi | Aintzira Oñederra | Asunek

Ei politikariak, “pope” akademikoek esaten badizuete, aktibatuko al zarete behingoz?

Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]

2024-04-29 | Egoitz Alkorta Miranda

Mundu mailako lapurra

Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.

Eguneraketa berriak daude