Grafikoan ikusi daiteke azken egunetan Arga ibaiaren emariak izan duen bilakaera eta bertan ikusi liteke emaria hasi dela jaisten. Grafikoa 15:00etan gaurkotu da. Antonio Aretxabala geologoak bere Twitter kontuan (@AAretxaba) jakinarazi duenez, Ibaiaren emaria urriaren 12an Iruñean 0,47 m3/s-koa zen eta hilabete eta erdi geroago 612 m3/s-koa; hau da, emaria duela ia bi hilabete baino 1.300 aldiz handiagoa da. Orain Nafarroako erdialdean eta Erriberan dago alerta deia. Iturria: Antonio Aretxabala geologoa (.

Mendebaletik ekialdera jo du denboraleak eta Iruñerria bete-betean harrapatu du. Arga ibaia eskualdeko hainbat tokitan atera da eta azken bi hamarkadetako uholde handienak eragin ditu, arazo ugari eta kalte handiak eraginez.

Video cedido por @CarabiasMartin . Parque Uranga y piscinas de Burlada engullidos por el agua.
Que desastre todo! ?#inundacionesPamplona pic.twitter.com/gXTL3zgxrf

— Virginia Mongay (@VirginiaMongay) December 10, 2021

Ondoko bideoan ikus daiteke Iruñeko Belosoko aldapatik joanda Burlatako sarrera nola geratu den. 

Abenduaren 11n jokatu behar ziren eskola kiroleko jarduerak bertan behera uztea erabaki du Gipuzkoako Foru Aldundiko Kirol departamentuak, alerta laranjak jarraituko duelako uholde arriskuengatik. Hala, natur inguruneko haurrentzako kirol jarduerak, espazio itxietakoak nahiz espazio irekietakoak ezin izango dira egin.

Aldundiak eskatu du egoeraren aurrean "zentzuz" jokatzeko, eta gogorarazi du "asteburuan zehar alarma gorria aktibatuz gero eskola kiroleko jarduera guztiak suspendituta geratuko liratekeela".

Foruzaingoak eguerdian topatu du emakumea. Bere baserriaren atzeko aldeko estalpe batean zuen autoa eta barruan harrapatu du luiziak. Foruzaingoa eguerdia baino minutu batzuk lehenago iritsi da baserrira, herritar batek estalpea luiziaren azpian zegoela ikusi eta Poliziari dei egin dionean. Egun hauetan Euskal Herrian bizi den denboralearen ondorioz Euskal Herrian hildako lehen pertsona da.

Nafarroan, Altsasun ere ibaia gogor doa.

Altsasu gaur: pic.twitter.com/m6OiVsFWvS

— Mikel Berdud (@MBerdud) December 10, 2021

Lapurdin, Urdazubi ibaia gainezka dago, eta hainbat herritako kaleak hartu ditu.

Azkainen etxeetaraino iritsi da ura, eta suhitzaileak etxebizitzak husten ari dira.

Urdazuri ibaia gainezka eta ura Azkaingo etxeetaraino sartu da. Suhiltzaileak heldu berri dira ura husten laguntzera https://t.co/BB3qd9EVnA pic.twitter.com/QcS3NOSRzu

— Mikel Irastorza (@mikel_irastorza) December 10, 2021

Ipar Euskal Herriko errepideetan kalte ugari eragin ditu. Hauek Euskal Irratiak emandako datuak:

?️ LAPURDI

? Errepideak hetsirik:
❌ Uztaritze - Baiona (D932), Arruntzan uholdea.
❌Uztaritze - Milafranga + Jatsu (Xopolotik)
❌ Larresoro - Haltsu
❌ Azkaine - Sara - Dantxarinea (D4)
❌ Kanbo Beherea
❌ Bidarte - Ahetze (D655)
❌ Basusarri (D932)
❌ Senpere (D918) pic.twitter.com/AA9BupBwyZ

— Euskal Irratiak (@euskalirratiak) December 10, 2021

Arga ibaia gainezka dago Iruñean; udalaren arabera azken bi hamarkadetan ez da hainbeste hazi ibaia.

Kale batzuk itxita daude, eta arrisku eremu batzuetatik autoak kendu dituzte gauean zehar.

Errotxapeako bizilagunei eskatu diete Argatik gertu dauden garajeetako ibilgailuak ateratzeko.

⚠️ #RiadaPamplona_Así transcurre ahora mismo el río Arga a su paso por Pamplona
?Estamos viviendo su mayor crecida de las últimas dos décadas
?El pico de la crecida paso por la ciudad a ls 5.30 de la mañana pic.twitter.com/rAZkzxEiNq

— Ayuntamiento de Pamplona (@Pamplona_ayto) December 10, 2021

Gipuzkoan, Mendaro isolatuta dago, inguruko errepideak itxita baitaude. Deba ibaia gainezka dago, eta AP-8 errepidean luizi bat egon da. Ezin da Mendarora iritsi Debatik ezta Elgoibartik. Osakidetzak eskatu du Mendaroko ospitalera ez joateko, hitzordua izan arren, sarbideak itxita baitaude.

❗️? OHARRA ↪️ Euri jasak eta ibaiaren ur-goraldia direla eta, zailtasunak daude #Mendaro-ko Ospitalera iristeko.

Langile batzuk ospitalera sartu ahal izan dira, eta, beraz, osasun-arreta bermatuta dago gaur egun zentroan dauden 90 paziente ingururentzat. pic.twitter.com/0R5RtAgWX1

— Osakidetza (@osakidetzaEJGV) December 10, 2021

Euskalmeten iragarpenaren arabera, atzo baino euri gutxiago egingo du. Egunaren erdiko orduetan zaparradak ahulagoak eta tartekatuagoak izango dira.

? ? #EguraldiaBideoa #EguraldiaGaur
Gaurko eguraldiaren iragarpena. Ostirala, abenduak 10. pic.twitter.com/NxDeCMUCX7

— Euskalmet (@Euskalmet) December 10, 2021

Giro euritsuarekin jarraituko dugu ipar partean. Euri kopuru handiena egunaren hasieran pilatuko da bihar.

Haizeari loturiko datuak: 127 km / h neurtu da Karrantzan. 125 km / h Donostiako Santa Klara uhartean.

Itsasoan 5,8 metroko olatu altuera neurtu da Donostian.

Euskalmetek emandako datuak dira.

Donibane Garazi eta Kanbo artean luizia izan da 18:00ak inguruan SNCFren trenbide sarean, Berrian Mikel P. Ansak informatu duenez. Bidea eta tren zerbitzua eten dituzte. Bidaiariak autobusez ari dira batetik bestera garraiatzen, baina Lapurdiko eta Nafarroa Behereko hiriburuen arteko zerbitzua etenik dago.

Ibaiak gainezka egiten ari dira Lapurdin ere, Naizen informatu dutenez.

Uhabia eta Untxin ibaiek ere gainez egin dute beren bidean.

Baionan adi dira eta herritar ugarik neurriak hartu ditu lurraren mailan dauden lokaletan.

Nafarroako Gobernuak larrialdi-aurreko maila aktibatua dauka. Arreta bereziz jarraitzen ari dira Ega, Bidasoa edo Arga ibaiak.

Zadorrak gainezka egin du Gasteizko Aztegieta auzoan. Ondorioz bi atari urez bete dira eta hogei auzokide inguruk beren etxeak utzi behar izan dituzte, EiTBk informatu duenez.

Josu Erkoreka lehendakariorde eta Segurtasun sailburua mintzatu da hedabideekin. Jakinarazi du ostegunean 200 gertakari baino gehiago izan direla euriteei lotuta Araba, Bizkaia eta Gipuzkoan.

Ibaietako ur-emarien hazkundeak eragindako kezkaren une gorena ilunabarrean izango da Bizkaian eta goizaldean Gipuzkoan. Araban, Zadorra ibaiak sortzen dio kezka Jaurlaritzari.

Kadagua ibaiak gainezka egin du eta Quadra-Lakabexeko auzoko sarbide nagusiak itxi dituzte, Gueñeseko alkate Juan Andres Iragorrik eta EiTBk jaso duenez. Bideo honetan irudiak.

Eurite iraunkorrak direla eta, uholde arrisku gorrian dago Galdakao. Gune batzuetan ura gainezka egiten hasi da, eta adi egoteko eta autoak ibai inguruetatik kentzeko eskatzen du Galdakaoko Udalak.

Uholdeak izateko arriskua duten guneetan bizi direnei adi egiteko eskatzen die Udalak, eta autoak ibai edo erreka inguruetatik aldentzeko. Bereziki, autoa Zuhatzun, Olabarrin eta Puentelatorre inguruan aparkatuta dutenei egiten die handik kentzeko deia. Gune batzuetan gainezka egiten hasi dira urak. Ibai inguruko gainerako lekuetan dauden autoekin ere berdin jokatzeko gomendatu du. Erreka inguruetan bizi direnei edo autoak leku arriskutsuetan dituztenei telefonoz deitzen ari zaie Udaltzaingoa, egoeraren berri emateko.

Urreta kalea ixteko erabakia ere hartu du Larrialdi Mahaiak, Arantzile eta mendialdetik datozen urak irentsi ezinik, ur pilaketak sortzen ari baitira. Itxita egongo da kalea, eta garajeetara doazenei soilik utziko zaie bertatik pasatzen.

Uholde arriskuak handituz joango dira datozen orduetan, kontutan hartuta 20:46ean izango dela gaur itsas gora.

https://twitter.com/burutisasi/status/1468971382079774727?s=20 https://twitter.com/burutisasi/status/1468971382079774727?s=20 https://twitter.com/burutisasi/status/1468971382079774727?s=20 https://twitter.com/burutisasi/status/1468971382079774727?s=20

Gutxienez ostiral 15:00ak arte alerta laranjan daude Araba, Bizkaia eta Gipuzkoa prezipitazio iraunkorrengatik.

Nafarroan alerta laranja iparraldeko eskualdeetan dago ezarrita, gainerakoan horia, baina elurteengatik ere arazo ugari espero dira, batez ere ipar-ekialdean.

Uholdeen ondorioz, bestalde, aurre-alerta egoeran daude oraingoz.

Euriak luiziak ere eragin ditu. Horietako baten ondorioz Renfe konpainiako aldiriko zerbitzuetako trena trenbidetik irten da lur-metarekin talka egin ondoren Brinkola eta Beasain artean, Gabiria herriaren parean.

Zerbitzua etenda geratu da Irungo norabidean eta autobus zerbitzua jarri du Renfek.

Barruan zeuden pasaiarien artean ez da zauriturik izan, baina luiziak irudi ikusgarri eta arriskutsuak utzi ditu.