Nafarroako suhiltzaileek salatu dute uholdeetan agerian geratu dela baliabide falta dutela
Uretako babes indibidual eta kolektiborako material “egokia” eskatu dute, bestela gaueko esku-hartzeetan segurtasuna “arriskuan” baitago. ELA sindikatuak ohartarazi du 2017an ere zuzendaritzan salatu zutela egoera bera, baina ez dela irtenbiderik eman.
Nafarroako uretako erreskate taldeko suhiltzaileek salatu dute baliabide eskasia agerian geratu dela azken uholdeetan. Iruñeko Trinitarioen parkeko suhiltzaileei dagokie ibaietako lehen jarduera-ildoa, uholdeekin edota uretako erreskateekin loturikoa; azken uholdeetan lanean aritu dira, eta kritikatu dute ekipamenduak ez dituela betetzen langileen segurtasunerako “gutxieneko baldintzak”.
Suhiltzaileek ohartarazi dute babes-ekipamenduak “zaharkituta” daudela: ez dago langile guztientzako neurriko neoprenorik, eskarpinik, ezta eskularrurik ere; ikuspen handiko ekipamendua falta dute (txalekoetan, kaskoetan, enbarkazioetan argiak), gauez suhiltzailea korronteak eramanez gero aurkitu ahal izateko erabiltzen dena.
ELA sindikatuak eskatu dio Nafarroako Suhiltzaile Zerbitzuari “berehala inbertitzeko” suhiltzaileen segurtasunean, horrela herritarren segurtasuna ere areagotzeko hurrengo uholdeei begira. Sindikatuak gogorarazi du 2017an ere salatu zutela materialaren eskasia, baina ez dutela aintzat hartu haien eskakizuna. Azpimarratu dute “beharrezkoa” dela ekipamendu “teknikoki egokia” uretan “arrisku handiko baldintzetan” lan egiteko.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]