Emakumeak borrokan

Zubietako aurreko erraustegia geratu zenetik bost urte bete dira

  • Astearte honetan bete dira bost urte Zubietan eraiki asmo zuten lehen erraustegia geratu zenetik. 2013ko azaroaren 13an izan zen. Garai harta EHBildu buru zuen Gipuzkoako Foru Aldundiak, Gipuzkoako Hondakinen Kontsortzioak eta enpresa talde eraikitzaileak erraustegia geratzeko akordioa erdietsi zuten. 

Usurbilgo Noaua @noaua
2018ko azaroaren 14a
Erraustegiaren aurkako manifestazioa urriaren 27an. (Argazkia: Noaua)

Gerora, egungo GHK-ko EAJ eta PSE-ko agintariek bigarren erraustegi bat eraikitzea erabaki eta lanak abiarazi zituzten, aurreko erraustegia geratzeko erabakia epaitegietara eramatearekin batera. Gogoan izan, Espainiako Kontu Auzitegiak 2013an eraikitzekoak ziren Zubietako erraustegia geratu izana ez zela delitua izan adierazi zuen urria hasieran. Honenbestez, Madrilgo epaitegi honek errugabetu egin zituen, egungo Gipuzkoako Hondakinen Kontsortzioko (GHK) EAJ eta PSE-ren agintariek salatu eta joan den apirilean epaitu zituzten garai hartako EHBilduren bi ordezkariak, Ainhoa Intxaurrandieta (GHK-ren lehendakari ohia) eta Iñaki Errazkin (ingurumeneko foru diputatu ohia). Gogoan izan, bi ordezkari politiko hauei euren poltsikoetatik 46 milioi euro inguru ordaintzea eskatzen zieten EAJ eta PSE-ren egungo agintariek, 2013an Zubietako erraustegia eraikitzea geratzea erabaki izanagatik.  

Erraustegia, ETB-ko “Katebegia” saioan 

Egun Zubietan eraikitzen ari diren erraustegia izan zuten hizpide aurreko asteko ETB-ko “Katebegia” saioan. Erraustegia defendatzen dutenen eta aurkako zenbait ahots bildu zituen ordubeteko dokumentalak. 

Tartean, Erraustegiaren Aurkako Mugimenduko ordezkari batek ere parte zuen dokumentalean. Europan nahiz munduan hainbat tokitan erraustegiak ixten eta debekatzen ari direla ohartaraziz, zentzugabekeriatzat jo zuen Zubietan erraustegia eraikitzea, erraustegia geratzeko hamaika arrazoi daudela argudiatuz. Tartean, martxan direla Gipuzkoan gaikako bilketa %70etik gora igoarazi duten alternatiba merkeago eta osasuntsuagoak.

“Ez dago besterik”

“Lasai egon gaitezke”, zioen Gipuzkoako Foru Aldundiko ingurumen diputatu Jose Ignacio Asensiok Zubietan egiten ari diren obren eremutik bertatik, ETB-ko kameren aurrean. Hondakinak erraustea defendatu zuen energia iturri gisa. Zubietan Europako herri aurreratuenek erabiltzen duten punta puntako teknologia baliatuko dutela zioen, Europan hainbat erraustegi eraiki dituen enpresa bateko ordezkariak zioen moduan.

Erraustegia 2019. urte amaierarako martxan egotea aurreikusten du Asensiok, eta Zubieta gainean kokatuko diren azpiegiturekin “uste dut konponduta izango direla gure arazoak”, hondakinak Zabalgarbira garraitzen segi beharrik izan gabe. Eta horrekin, “gure ametsgaiztoen amaiera, gipuzkoarron arteko talka amaituko da”. Etorkizunera begira, egun %53an dagoen Gipuzkoako hondakinen gaikako bilketa %70era igoaraztea dute helburu. Gainerako %30a kudeatzeko erraustegiaren beharra defendatu du ingurumen diputatuak. “Ez dago besterik”, bestela, “zabortegiak ireki behar” zirela eta hori litzatekeela erabaki txarrena.  

Modu honetan, bere ustez Gipuzkoak duen egoera okerrenari irtenbidea aurkitu diote, hondakinak kudeatzeko azpiegitura ezari alegia. Eraikitzen ari diren erraustegia geratzeko herri mugimendu anitz eta milaka herritarren eskakizunari dagokionez zioen, errespetatzen dituen arren, “geroz eta gutxiago dira. Oso mugimendu txikia da. Baina gehiengoaren iritzia errespetatu behar da”, 2015eko hauteskundeetako emaitzei erreferentzia eginez.

“Berriro berdina egingo nuke”

Berriki, Espainiako Kontu Auzitegiak egungo GHK-ko EAJ eta PSE-ko agintariek salaturiko EHBilduko ordezkari Ainhoa Intxaurrandieta eta Iñaki Errazkin errugabetu izanaren harira onartzen zuenez, “pixka bat harritu digu nolako argudioak erabiltzen diren”. Gogoan izan, helegitea aurkeztuko dio GHK-k aipatu epai honi.

Berriki 2013ko azaroan, erraustegia geratzeagatik errugabetu zituen garai hartako Gipuzkoako Hondakinen Kontsortzioko lehendakari Ainhoa Intxaurrandieta eta Foru Aldundiko ingurumen diputatu ohi Iñaki Errazkin ere elkarrizketatu zituen saioak. Duela bost urte erraustegia geratzeko erabakia hartu izanagatik 46 milioi ordaintzea eskatu diete GHK-ren EAJ eta PSE-ko agintariek. Epaileak arrazoia eman die. “Ez zen espero genuena”, zioen Intxaurrandietak. Justiziarengan ez zutela esperantzarik, eta ezustean jaso dutela aldeko epaia. 

Baina denboran atzera eginda, argi dio Intxaurrandietak. “Berriro berdina egingo nuke”. Gaineratzen zuenez, “Gipuzkoarren interesak defendatu genituen” eta orain, “botereak larrutik ordainarazi nahi digu”.

Errazkinek Asesoren hitzak ukatu zituen. Erraustegia geratu ostean, alternatiba aurkeztu zutela gogorarazi zuen; Gipuzkoan utziak zeuden harrobiak berrerabili eta azpiegitura deszentralizatuen alde eginiko apustua oroitarazi zuen. 

Erraustegia eraikia eta martxan ikusiko ote dugun galdetuta, Errazkinek “arriskatu egingo gara?” galdetzen zuen. 10-15 urte igarota, erraustegiaren kalteen eragina nabarmentzen hastean, “atzera bueltarik ez denean, zer esango dugu?” galdetzen zuen.

Erraustegiaren etorkizunaz galdetuta, Intxaurrandietak argi zioen.”Batek daki. Hauteskunde batzuk daude aurretik”. Etorkizuna, herritarren erabakiaren esku egongo dela gogorarazi zuen. 

Eztabaida eske

Gipuzkoa Zutik mugimendutik ETB-k erraustegiari buruzko dokumentala eskaini arren, “erraustegiari buruzko eztabaida tekniko bat eskatzen jarraitzen dugu” gogorarazi du sare sozialen bidez. Erraustegiaren Aurkako Mugimenduak eskaera honekin bat egiten zuten 10.000 herritarren sinadurak entregatu zizkiola Euskal Telebistari gogorarazi dute.

Albiste hau Noauak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  Hondakinen kudeaketa

Gipuzkoako erraustegia kanaletik interesatuko zaizu...
2019-05-15 | Zero Zabor
Debagoienan Atez Atekotik kaleko edukiontzietara pasata, organikoaren zakarrek arazo larria sortu dute

Debagoieneko EHBilduko hautetsiek eskualde honetako Mankomunitatearen legealdiko balantzea egiterakoan esan dute sistema aldaketarekin asko ugaritu direla zakar edo inpropioak orain kaleko edukiontzi handietan biltzen den hondakin organikoan eta GHKk berak ohartarazi duela hori arazo larria dela, konpostatzeko gaitzat tratatzeko orde errefus bezala hartu beharko baita. Alegia, erraustegia elikatzeko zabor.


2019-05-13 | Zero Zabor
GuraSOSek gazteei proposatu die maiatzaren 24an mobilizatzea erraustegiaren aurka

GuraSOS elkarteak hedabideen aurrean egin du Gipuzkoako hondakinen kudeaketaz sustatu duen Hitzartu prozesuaren urteotako balorazioa eta proposamen berria mahairatu du: gazte erakundeei eta oro har gazteei proposatu die maiatzaren 24an, ostirala, mobilizatzea gai honen inguruan


2019-05-13 | Txintxarri
Manifestazio egin dute Lasarte-Orian erraustegiaren kontra eta hondakinen bilketa eraginkorraren alde

Ehunka herritar atera dira kalera beste behin, errausketaren aurka egin eta hondakinak kudeatzeko alternatiba hobeak daudela aldarrikatzera. 'Bilketa eraginkorra bai, errausketarik ez!' lelopean, salatu dute Lasarte-Oriak ez dituela behar bezain ondo gaika biltzen hondakinak. "Gipuzkoako azken bagoian goaz"


2019-05-09 | Zero Zabor
Lasarten larunbatean manifestazioa "Bilketa eraginkorra bai, errausketarik ez!" aldarrikatzeko

Lasarte-Orian Aire Garbia plataformak dei egin die herritarrei larunbatean, maiatzak 11, manifestaziora irten daitezen aldarrikapen bikoitz honen inguruan: "Bilketa eraginkorra bai, errausketarik ez!". Protesta arratsaldeko 18:00-etan abiatuko da Okendo plazatik.


2019-05-06 | Zero Zabor
Hernaniko eta Usurbilgo udalek (EHBildu) debekua salatu eta organikoa herrian bertan konpostatzen ahaleginduko dira

Hernaniko udalak eta Usurbilgoak (bien gobernu taldeak EHBilduko zinegotziek osatzen dituzte) publikoki erreazionatu dute Atez Ate bildutako hondakin organikoak tratatzeko konpost planta bana eraikitzeko baimenak ukatu zaizkiela eta. ARGIAk argitaratu ditu bai Hernaniko udalak eta bai Usurbilgoak jaso dituzten debekuei buruzko informazioak. Herritarrei nork bere proiektuaren zertzeladak azaltzeaz gain, bi udalek salatu dituzte GHK eta Diputazioaren debekuak eta bio-hondakinak udalerrian bertan... [+]


2019-05-02 | Zero Zabor
Usurbili ere debekatu egin diote atez ate bildutako organikoaren parte bat baserritarrekin konpostatzea

Usurbilgo udalak atez ate biltzen duen hondakin organikoaren parte bat –100 tona urtean– herriko bi baserritarrekin elkarlanean konpostatzen hasteko proiektua zeukan abian, Espainiako goberenuaren diru-laguntza ere lortuta. GHK kontsortzioak debekatu dio horrelakorik egitea, bildutako hondakin guztiak bere eskumenekoak direla eta.


2019-04-26 | Patxi Aznar
Hautaketa okerra

2016an diputazioko agintariek esaten zuten, (Noticias de Gipuzkoa-k Si la incineradora supera argitaratua 2016/06/24) errauskailuak isuritako dioxinen  kopurua uneoro neurtuko zela. (…) Hurrengo manifestazioa, Erausketarik ez lemapean, maiatzaren 11n, arratsaldeko seietan, Lasarteko Okendo plazan izango da.

 

 


2019-04-23 | Usurbilgo Noaua
Errausketak osasunean duen eraginari buruzko datu gehiago plazaratu dituzte OEITeko medikuek

Osasuna eta Errausketa Ikerketa Taldeak (OEIT) erraustegiak osasunean duen eragina aztertzen eta nazioartean gai honi buruz landu diren ikerlaneko azterlanak argitaratzen segitzen du astero sare sozialen bidez. Datu berri eta kezkagarri gehiago plazaratu dituzte azken aldian.


2019-04-16 | Usurbilgo Noaua
Zubietako erraustegia hondakinak jasotzen hastear da, Aldundiaren aurreikuspenak betetzen badira

Zubietako erraustegiaren eraikitze lanek ez dute etenik. Gipuzkoako Foru Aldundiaren aurreikuspenak betez gero, erraustegia laster hasi daiteke hondakinak biltzen.


Abel Arkenbout (ToxicoWatch): "Erraustegi mondernoenek ere dioxinak isurtzen dituzte, hala erakutsi dugu Holandan"

Azken belaunaldiko erraustegiak seguruak dira ala badaukate arriskurik elikadura katea, ingurumena eta gizakiarentzat? Benetan kontrolatzen dira ala ez dioxina isuriak? Apirilaren 13an Hernanin (Gipuzkoa) izango da Abel Arkenbout toxikologoa jende aurrean azaltzen nola aurkitu dituzten agintariek aitortu gabeko dioxina isuri ezkutuak Harlingeneko erraustegian, Holandako Frisia eskualdean.

 


Azkenak
EGILEA
Eguneraketa berriak daude