Zuberoako ikastolak laguntzeko otarrea salgai jarri dute
Azaroaren 1ean hasiko da otarren salmenta eta ekimenaren aldeko zuberotarrek saskiak erosteko deia egin zuten astelehenean Andoaingo Martin Ugalde Kultur parkean egindako agerraldian. Kanpainarekin, halaber, Zuberoako produktuak eman nahi dituzte ezagutzera.
Abenduaren 1a arte iraunen du kanpainak eta hegoaldeko herritarrei laguntza eskaera egin diete Zuberoatik. 2003an hasi ziren ekimenarekin eta iaz 1.400 otarre saldu zituzten, Zuberoako bi ikastolentzat 15.000 euro bilduz.
Ekimenetik adierazi dutenez, "Ipar Euskal Herrian euskarak ez du babes ofizialik. Euskara hizkuntza gutxiagotua da gure lurraldean. Euskararen etxeko transmisioa Zuberoan eteten ari den heinean, ikastolek dute euskararen transmisioa bermatzen".
Egun, bi ikastola dira Zuberoan, Basaburuan, Alozeko herrian lehena. Pettarrean, Sohütako herrian bigarrena. Alozen 36 haur dira eskolatuak ama eskolan eta lehen mailan. Sohütako Epherra ikastolan 103 haur biltzen dira ama eskolatik lehen mailara.
Kolegioan Ikastolan jarraitzen duten haurrek Lartzabalera joan behar izaten dute. Eta lizeoari dagokionez aldiz, egun Baionakoa da Seaskaren lizeo bakarra.
Andoaingo agerraldian azaldu dutenez, "gaur gaurkoz murgiltze eredua burutik-buru soilik Seaskak proposatzen du. Seaskak eskaintzen duen eredua euskara berreskuratzeko bide eraginkor bakarra den heinean, ikastolen garapena lagundu behar da".
Saskiak www.ikaskoli.eus webgunean erosi daitezke eta hauek eskuratzeko guneak webgunean hautatzeko aukera izanen da.
Hirugarren urtez Xiberoako ikastolei bultzada emanen die Tulalaika bestak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Ostiral goizaldean igaro zen Korrika Zuberoatik, eta denbora tarte txikia egin bazuen ere, balio izan du erakusteko euskararen aldeko atxikimendua handituz doala, eta gazteak indartsu datozela. “Ikastolatik kanpo euskarazko aktibitateak egitea konplikatua da, baina... [+]
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.