Zourdine Thior jokalari oriotarrak Logroñes futbol taldearen jarrera arrazista salatu du
UD Logroñes taldeko zaletuen bere aurkako irainak ohikoak zirela salatu du, eta klubarekin hitz egin bazuen ere ez zuela neurririk hartu. Apirilean zaletu baten aurka oldartu zen Thior, berari eta bere aitari zuzendutako irainengatik, eta klubak taldetik bakartu du. Klubak, berriz, komunikatu baten bidez adierazi du ez duela irainen berri izan orain arte.
Zourdine Thior UD Logroñes taldeko jokalari ohiak salatu du bere aurkako irain arrazistak jasan dituela taldeko zaleen aldetik, eta klubak ez diola babesik adierazi. Apirilean, Amorebietaren aurkako partidan Logroñoko zaletu bati eraso egitea egotzita, klubak taldetik bakartu zuen jokalari oriotarra. Thiorrek EITBri azaldu dionez, irain arrazistak egin zizkioten berari eta bere aitari, eta horregatik heldu zion kolkotik zaletuari: "Klubak errazena egin zuen, ni baztertu".
Thiorrek adierazi du klubaren partetik babes falta sumatu duela. Azaldu duenez, Zornotzakoa ez da jasan duen irain bakarra izan: "Partidaro jasotzen genituen irain arrazistak, baina, batez ere, Instagramen eta Twitterren". Klubaren webgunean bertan irain arrazista ugari irakur daitezkeela ere esan du. Thiorren esanetan, klubarekin hitz egin zuen irainez, baina taldeak ez du horien aurkako neurririk hartu.
EITBko adierazpenen ondoren, UD Logroñesek komunikatua atera du, eta adierazi du ez duela irain arrazisten berri izan orain arte.
Neurri arrazista berri bat hartu du Danimarkako gobernu sozialdemokratak: hurrengo hamar urteetarako, auzoetan %30eko muga jarri nahi du biztanleria "ez mendebaldarrarentzat". Azken urteetan, beste hamaika neurri arrazista ezarri dituzte herrialdean.
LABeko Idazkaritza Antirrazistako arduradun Josefina Txefi Rocok eta zenbait afiliatu migratzailek azaldu dute nola sindikatuak helburu duen langile migratuen eta/edo arrazializatuen eskubideak eta antolaketa kolektiboa defendatzeko tresna baliagarriak eraikitzea.
Bilboko Deustuko Erriberako Janari Saskiak, Atxuri Harrerak, SOS Arrazakeria Bizkaia eta Ongi Etorri Errefuxiatuak elkarteek hamairu etxegabe migratzaile izateagatik Poliziak "gaizkile gisa" tratatu dituela salatu dute, astelehenean egindako elkarretaratzean.
SOS Arrazakeriak protesta egin du Hauteskunde Batzorde probintzialaren aurrean, Nafarroan bozkatzeko eskubidea aitorturik ez duten herritar guztien boto eskubidea eskatzeko. Diotenez, 60.000 pertsona inguruk ezingo dute bozkatu maiatzaren 28ko hauteskundeetan, eta... [+]
Duela mende bateko esperimentua errepikatu dute Euskal Herriko ikastetxe batean, 7-8 urteko haurrei panpina zuria eta panpina beltza aurrean jarrita, eta emaitzek garbi utzi dute: zuriari ezaugarri positiboak egotzi dizkiote, beltzari negatiboak (behean bideoa). “Umeak... [+]