Zinebi jaialdian 123 film emango dituzte, erdia baino gehiago emakumeek zuzenduak
Zinebi Bilboko Dokumentalen eta Film laburren Nazioarteko Zinemaldiaren 63. edizioa hibridoa izango da: Bilboko zinema-aretoetan zein online ikusi ahalko dira ikus-entzunezkoak. Ohorezko Mikeldi sariak Imanol Uriberi eta Margarethe von Trottari emango dizkiete.
Azaroaren 12an Bilboko Arriaga antzokian izango da irekiera gala eta astebetez 123 film proiektatuko dituzte; horietatik 34 film labur eta 11 luze euskal ekoizpenak dira. Astelehenean aurkeztu zuten jaialdia prentsaren aurrean Gonzalo Olabarria Bilboko Udaleko Kultura eta Gobernantzako zinegotziak, Bingen Zupiria Eusko Jaurlaritzako Kultura eta Hizkuntza Politika sailburu eta bozeramaileak eta Vanesa Fernandez Zinebiko zuzendariak. Azpimarratu dute edizio honetako pelikulen erdia baino gehiago emakumeek zuzendu dituztela. Jaialdia ixteko, azaroaren 19an amaiera-gala eta sari-banaketa izango dira.
Edizio hibridoa izango da, iaz bezala: Arriaga antzokian, Azkuna Zentroan, Arte Ederren Museoan eta BBK Aretoan izango dira emanaldiak, baina Filmin online plataformaren bidez ere ikus-entzun ahalko dira. Guztiek izango dituzte euskarazko azpitituluak. Sarrerak dagoeneko salgai daude.
Ohorezko Mikeldi sariak
Imanol Uribe euskal zinemagilea eta Margarethe von Trotta Alemaniako aktore, gidoilari eta zuzendaria sarituko ditu Zinebik. Antolatzaileen esanetan, Europako eta Euskal Herriko zinemako “ezinbesteko” pertsonak dira, eta Ohorezko Mikeldi sariarekin haien ibilbidea goraipatu nahi dute.
Uribek Zinebi jaialdiarekin hasieratik lotura izan duela gogorarazi dute, eta sari bana irabazi zuela 1977an Ez eta 1982an Ikuska 13: Euskal kantagintza film laburrengatik. Von Trotta, aldiz, Zinemaren Historiako “zinemagile feministarik eragileenetako bat” dela nabarmendu dute. Haren zinemaren “sendotasuna, zintzotasuna eta bikaintasuna” aitortu nahi dute.
Programazio anitza
Bi ataletan banatu dute zine-jaialdia: Sail Ofiziala eta gainerakoak. Sail Ofizialean daude Film Laburren Nazioarteko Lehiaketa eta ZIFF Zinebi First Film Nazioarteko Lehiaketa. Beste atalen artean daude, besteak beste, nazioarteko dokumentalei zuzendutako saila eta Euskadin ekoitzitako ikus-entzunezkoen saila.
Horrez gain, hainbat mahai-inguru eta topaketa antolatu dituzte. Vanesa Fernandez Zinebiko zuzendariak adierazi du aurten ere emakumeen alde egin nahi izan dutela. Hortaz, onartu du “ilusio berezia” egiten diola “Focus: Mexico, emakumea eta jatorrizko zinea” atala aurkezteak. Mexikoko jatorrizko kulturetako emakume zinemagileen inguruko ziklo bat izango da, andreei eta gutxitutako hizkuntzei garrantzia emango diena. Jaialdiko programazio osoa Zinebiko webgunean topatu daiteke.
Bilbok berriro ere zinema konprometituaren epizentro bihurtuko da urriaren 16tik 23ra, Film Sozialak Zinema Ikusezina Nazioarteko Jaialdiaren 17. edizioarekin.
Elkarrekin esnatzeko ordua (Susa, 2016) Kirmen Uriberen nobelan oinarrituta, Karmele pelikula zine aretoetan estreinatzear da Asier Altuna (Bergara, 1969). Lehen lurreratzea Donostiako Zinemaldian izan du, eta bertako ateak ireki orduko eman dio elkarrizketa ARGIAri, goizean... [+]
Elkarteak salatu dutenez, Aditu adimen artifizialeko erreminta tresna bikoizketak ere egiteko gai da, eta bikoiztaileen ogibidea zein bikoizketaren kalitatea arriskuan ikusten ditu.
Emakume zinemagileentzako egoitza artistikoa da Etxe Betea eta Bilboko erdigunean sortu zen 2022an, Gariza Films ekoiztetxe feministaren eskutik. Ordutik, lau egoitzaren bidez –Gela bat norberarena, Elkarrekin Sortzen, A Shelter of One’s Own eta Two Weeks... [+]
Zinemaldi Alternatiboaren amaierarekin batera antolatzaileek haien esker onak eta balorazioa plazaratu dituzte. 17. edizioa izan den honetan, azpimarratu dute zinema tresna gisa hartuta komunitatea ehuntzen aritu direla.
Azken urteetako euskal thrillerren maisutzat dute askok Koldo Almandoz (Donostia, 1973). 2020an kaleratu zuen Nerea Garcia (Nagore Aranburu) inspektorearen lehen telesaila, Hondar Ahoak, eta Ondarroan pasatakoek publikoa poltsikoratu zuten bizkor. Lehen zatitik bost urtera,... [+]
Die my love
Zuzendaria: Lynne Ramsay
Herrialdea: Kanada
Iraupena: 118 minutu
Estreinaldia: Azaroaren 21ean, zinemetan
Erditze osteko doluan dago Grace (Jennifer Lawrence), baina ez zaigu amaierara arte hitzez adieraziko. Kontakizun ero eta kaotikoa da, bere begiradatik... [+]
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
Alauda Ruiz de Azua zuzendari barakaldarren lanak jaso du sari preziatua, baita Euskal Zinemaren Irizar saria ere. Bestalde, hunkituta jaso du garaikurra Jose Ramon Soroizek, mende erdiko ibilbide oparoaren ostean.
Zinemaldi eder honi amaiera emateko, Jay Kelly ikusi dut, Noam Baumbachek zuzendu eta George Clooneyk protagonizatu duen pelikula. Bertan Jay Kelly izeneko aktore asmatu baten bizitza kontatu da, Hollywoodek sorturiko famatu generikoaren erretratu. Film honetan, Jay ikusi dugu... [+]
Aurreko urteko Zinemaldian, Paolo Sorrentinok Parthenope luzemetraia aurkeztu zuen, eta gogo handiz joan nintzen ikustera, baita gustura atera ere. Aurten film berria aterako zuela jakitean, ez nuen duda izpirik izan, eta, finean, azken egunerako utzi nuen gozokia. La Grazia,... [+]
Molt lluny klasiko bat da, barrura begirako klasiko bat. Gerard Oms zuzendariaren lehen obrak beste pelikula askotan ikusi den barne bilaketa proposatzen du: gizon heterosexual oso normatibo batek antsietate dezentekoa du, ez daki zer gertatzen zaion, baina ez dago gustura... [+]
Testuinguru historiko, politiko eta sozialik gabea, kasik azalpenik ez... Eskasa iruditu zait oso Donostiako Zinemaldiaren itxiera galako pelikula, The Winter of the Crow.
Poloniako Varsovian kokatzen da, 1981eko abenduan. Psikiatra irakasle britainiar bat da... [+]