Zigorrik gabe utzi ditu epaileak Maravillas gaztetxearekin lotu dituzten 22 gazteak
Akusazioak froga pattalak dituela ondorioztatu du epaileak. Bertan behera geratuko da, beraz, gazteei guztira eskatutako 56.000 euroko zigorra.
Gazteak zigorrik gabe uztea erabaki du Iruñeko 4. Instrukzio Epaitegiak. Epaileak esan du froga sendoen falta dagoela akusazioaren partetik. Gaineratu du akusazioaren aldeak ez duela aurkeztu eraikinen sartu-irtenak egin zituzten pertsonen inongo txostenik. Horrez gain, aurkeztu diren argazkietan ez da epaitutako gazteetako inor agertzen. Maravillas gaztetxean ardurak izatea egotzi diete bestalde gazteetako batzuei, baina akusazio horretan ere frogen falta nabaritu du epaileak.
Hortaz, bertan behera geratu da fiskaltzak guztira eskatu duen isunetan eta kalte-ordainetan ordaindu beharreko 56.000 euroko zigorra.
Bi aldiz hustu zuten Maravillas gaztetxea. Lehenengoz 2018ko abuztuan izan zen, eta bigarrena eta azkena 2019ko urtarrilaren 19an. Gaur egun, itxita dago eraikina, porlanez.
Kanal honetan irakurri ditzakezu gaztetxeari buruz argitaratu ditugun albiste eta erreportajeak.
Marqués de Rozalejo jauregiaren okupazioagatik auzipetutako 22 gazteak absolbitu zituen auzitegiak. Auzi horretatik "ikasiko" duela adierazi du gobernuak.
Fiskaltzak gazteen aurka egin zuen hasierako eskaria jaitsi du, eta 630 euroko isuna eskatzen ari da gehienentzat. 2017ko irailean Maravillas Gaztetxeak egoitza zuen Iruñeko Alde Zaharreko Rozalejo jauregia okupatzeagatik ari dira kideak epaitzen.
4.320 euroko isuna ere ordaindu beharko du. Zigorturiko gazteak helegitea aurkeztu zuen, baina Auzitegiak epaia berretsi du.
2018ko abuztuko desalojoaren harira, 22 kideen aurka izango da epaiketa. 150.000 euroko isuna ezarri nahi diete.
10:00etan hastekoa zen Iruñeko Maravillas gaztetxea okupatzeagatik ikertutako 22 lagunen aurkako epaiketa. Alabaina, gaztetxeko twitterrean adierazi dutenez, lau eta zazpi hilabete artean atzeratuko da epaiketa. 72.000 euroko erantzukizun zibila eskatu diete.