Emakumeak borrokan

Maravillas gaztetxea hustu aurretik eraikinak segurtasuna bermatzen zuen, txosten tekniko baten arabera

  • Arkitekto tekniko batek ikuskatu zuen Maravillas gaztetxea azaroan eta abenduan, abuztuan eraikinaren segurtasuna ez zela bermatzen leporatu zielako Nafarroako Gobernuak.

Gorka Peņagarikano Goikoetxea @gorkap34
2019ko urtarrilaren 22a
Maravillasen Foruzaingoa sartu aurretik ateratako argazki bat.

Lehen hustea 2018ko abuztuan pairatu zuen Iruñeko Alde Zaharrean dagoen Maravillas gaztetxeak. Antza, Nafarroako Gobernuaren aburuz, Rozalejo jauregiak ez zituen segurtasun neurriak betetzen. Gazteek konponketa lanei ekin zioten, eta abokatuen laguntzaz, iazko azaroan eta abenduan Almudena Perez de Diego arkitekto teknikoa kontratatu zuten eraikina ikuskatu eta egoeraren balorazio sakona egiteko. Berak egindako txostenaren arabera, gazteek arriskuak “murrizteko eta desagertzeko” neurriak hartu zituzten. Auzolanari esker, garbiketa eta instalazioen hobekuntza nabarmena eman zuten udazkenean. Eraikina ez zuen arriskuan ikusi: “Eraikinaren egoera ez zen larritzeko modukoa; epe ertainera behintzat ez zuen arriskurik”. Egokitutako gelak egoera onean egoteaz gain, segurtasun faltarengatik erabili ezin ziren “itxita eta behar bezala adierazita” zeuden.

Urtarrilaren 8ko kaleratzea

Arkitekto teknikoak jauregia ikuskatzeko baimena eskatu du, egungo egoera baloratu dezan. Momentuz behintzat ez diote baimenik eman, baina sarean zabaldutako irudiak ikusita, dagoen bezala gutxiengo segurtasun neurriak ez dituela gaindituko uste dute gaztetxeko kideek.

https://twitter.com/maravillasGTX/status/1087067205316038656

 

 

 

 

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Maravillas gaztetxea  |  Iruņea

Maravillas gaztetxea kanaletik interesatuko zaizu...
Azkenak
EGILEA
Eguneraketa berriak daude