“Ziburuko Azokarako badut asmoa sendabelar bat eramatekoa eta inguruan ikusten ditudan belarrak komentatzekoa”
Ekainaren 4an izango da Ziburuko Euskal Liburu eta Diskoen III. Azoka. Egitarauaren baitan, Garbiñe Larreak Sendabelarrek dakitena liburua aurkeztuko du 17:15ean. Larunbaterako asmoez hitz egin digu.
Lehen aldia da Ziburuko Azokara joango zarena, baina guk proposatu aurretik ere ba omen zenuten joateko asmoa…
Bai, iaz ginen joatekoak eta azken orduko arazo batengatik bertan behera utzi behar izan genuen. Gero ikusi genituen hango berriak, argazkietan lagunak eta ezagunak... Eta liburu azoka bat izanik, erakargarri egiten zitzaigun eta asmoa bagenuen aurten han egotekoa.
Orain, erabat ezberdina den egoera eta planteamendu batekin, bertan izango naiz.
Zure hitzaldiren batean esan izan duzu zuk ez duzula liburua deskribatzera mugatzen hitzaldia. Ziburuko hitzaldirako zer asmo daukazu?
Lehen hitzaldia Larraulen ematera nindoala, sare sozialetatik idatzi zidan pertsona batek galdetuz ea liburuaz bakarrik hitz egingo nuen; hori horrela bazen bera ez zela joango, ez zitzaiola interesatzen. Hausnarketa hori gustatu zitzaidan eta hitzaldiaren erdia eskaintzen diot liburua azaltzeari eta beste erdia garai horretan eskura ditugun sendabelarrekin lan egiteko proposamenak egiten ditut. Saiatzen naiz hitzaldietara lehenago joaten, inguruan zein sendabelar dituzten ikusteko.
Ziburun ordu erdiko tartea soilik daukat eta beraz, liburuaren aurkezpenak hartuko du zati gehiena, baina badut asmoa sendabelar bat eramatekoa eta inguruan ikusten ditudan sendabelarrak komentatzekoa.
Aurrez aurreko elkarrizketak gozo egiteko erraztasuna duzu. Ziburuko Azoka bezalakoek zer elikatzen dute?
Potentzialtasun handia dute. Badago jende bat entzutera etortzen dena gaiaz ia ezer jakin gabe, eta beste irakurle askok etxean jada badute tradizio bat, praktika, ohitura bat; badakite sendabelarrekin lan egiten. Niretzat oso aberasgarria da, hitzaldiak ematera joaten naiz baina askotan jasota itzultzen naiz. Koaderno bat erosi dut hitzaldietan jasotzen dudana, entzuten dudana biltzeko. Sare sozialetan ere badago truke hori baina askoz mugatuagoa da.
Sustatu nahi dut auzolanak egitea, taldean egitea, ikastaroetara datozenei esaten diet elkartzeko eta irteerak egiteko sendabelar bila. Dinamika horiek posible dira aurrez aurreko harremanetan.
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
Ziburuko Euskal Liburu eta Disko Azoka iragan da ekainaren 7an, 40 bat argitaletxe eta diskoetxe eta milaz gora bisitari elkarturik herriko plazan. Euskaraz bagara lelopean iragandako seigarren edizio horren balorapen baikorra egin dute Baltsan eta ARGIA antolatzaileek: euskara... [+]
Ziburuko Euskal Liburu eta Disko Azoka iragan da ekainaren 7an, 40 bat argitaletxe eta diskoetxe eta milaz gora bisitari elkarturik herriko plazan. Euskaraz bagara lelopean iragandako seigarren edizio horren balorapen baikorra egin dute Baltsan eta ARGIA antolatzaileek: euskara... [+]
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Ziburuko Azokaren seigarren edizioa iraganen da larunbatean Ziburuko plazan. 33 argitaletxe, 10 diskoetxe, 39 idazle eta 111 berritasun, uzta ederra izanen dugu aurtengoan ere.
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]
Ziburuko Azokaren karietara abiatu zen Azokaroak aurrera jarraitzen du Ipar Euskal Herrian eta ostiral honetan poema errezitaldi musikatuaz gozatu ahal izango dute Euskal Urruñako Berttoli kultur elkartean, 19:00etan: Maddi Sarasua itsasuarrak idatzitako Biharraren hegietan... [+]
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]