Euskaraz bagarela aldarrikatzeko hitzordua: larunbatean Ziburun
Ziburuko Azokaren seigarren edizioa iraganen da larunbatean Ziburuko plazan. 33 argitaletxe, 10 diskoetxe, 39 idazle eta 111 berritasun, uzta ederra izanen dugu aurtengoan ere.
Aurtengo edizioaren kari plazaraturiko Euskaraz bagara irakurri duen orok jakinen du azoka soil bat baino anitzez gehiago dela Ziburuko Azoka: "Euskaraz hitz egiten eta sortzen, irakurtzen eta entzuten, zabaltzen eta berri ematen dugularik gure territorio libre bakarra libreago egiten dugu, eta gure herria biziago, zerbait eta norbait bagara".
Euskara hutsezko plaza bat eskaintzeko helburuari segika hasi ziren Ziburuko Azoka antolatzen 2019an Baltsan elkartea eta ARGIA komunikabidea. Urtez urte errotzen eta sendotzen doan azoka da, eta aurtengoan 33 argitaletxe eta 10 diskoetxe izanen dira bertan, orotara, 111 berritasun eta 39 idazle ezagutzeko aukera eskainita.
Madame Birrots, Esanezin, Sara Zozaya eta Ekhi Lambert kontzertuz; eta Ane Zubeldia (Kontra. Susa), Garbiñe Ubeda eta Garluk (Maurizia, biziminaren hotsa. Xabiroi), Celine Mounole (Iparrorratza. EHU), Joxe Austin Arrieta (Palinpsestoa. Maiatz), Ainhoa Urien (Ehun zaldi trostan. Elkar) eta Maialen Berasategi (Carmilla-ren itzulpena. Igela/Erein) liburu aurkezpenetan entzungai izanen ditugu. Noski, ohiko umorezko bakarrizketa, bertso-marrazki saioa, eta bi idazleen arteko Zubiburu solasaldia ere izanen ditugu aurtengoan ere.
Aurelia Arkotxari omenaldia
Urtero bezala euskal sortzaile bat omenduz hasiko dute eguna. Aurtengoan Aurelia Arkotxa idazle, ikerle eta euskaltzain osoaren aldi izanen da. Euskal sorkuntzari egindako ekarpenaz gain, ikerketa arloan ere egindakoa plazaren erdira ekarriko dute, eta Zubiburu ariketan, Rakel Pardo idazle gaztearekin solasean ariko dira, Leire Vargas idazlearen galderei tiraka.
Azoka 10:00etan hasi eta 19:00etan bukatuko da:
10.00 Irekitze ekitaldia, Aurelia Arkotxari omenaldia
10.10 Zubiburu: Aurelia Arkoxa eta Rakel Pardo
11.00 Ipuin kontaketa, Kiribil konpainia Iturri zaharrean
11.00 Kontzertua: Madame Birrots
11.30 Aurkezpena: Kontra, Ane Zubeldia (Susa)
12.00 Aurkezpena: Maurizia, biziminaren hotsa, Garbiñe Ubeda eta Garluk (Xabiroi)
12.30 Zirriborroka bertso-marrazki saioa: Amaia Karrere, Asisko Urmeneta, Haira Aizpurua Ibargarai eta Patxi Iriart
13.00 – 15.00 Azoka hetsia
15.00 Kontzertua: Esanezin
15.30 Umorezko saioa: Maialen Berra
15.30 Herriko Etxeko sarreran: Rol joko partidak (Rolariak elkartea)
16.00 Aurkezpena: Iparrorratza Celine Mounole Hiriart Urruti (EHU)
16.30 Kontzertua: Sara Zozaya
17.00 Aurkezpena: Palinpsestoa Joxe Auxtin Arrrieta (Maiatz)
17.30 Aurkezpena: Ehun zaldi trostan Ainhoa Urien (Elkar)
18.00 Aurkezpena: Carmilla Sheridan Le Fanu - Itz.: Maialen Berasategi (Igela / Erein)
18.30 Kontzertua: Ekhi Lambert
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]
Ziburuko Azokaren karietara abiatu zen Azokaroak aurrera jarraitzen du Ipar Euskal Herrian eta ostiral honetan poema errezitaldi musikatuaz gozatu ahal izango dute Euskal Urruñako Berttoli kultur elkartean, 19:00etan: Maddi Sarasua itsasuarrak idatzitako Biharraren hegietan... [+]
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]
Apirilaren 30etik aurrera Azokaroa-ren lehen printzak sumatuko dira Ipar Euskal Herriko zenbait txokotan. Uxue Alberdi egongo da Hetero liburua aurkezten, Maialen Lujanbiok errezetaldia eskainiko du eta Maddi Sarasuak bere liburuaren aurkezpen musikatua egingo du senide eta... [+]
Euskara hutseko liburu eta disko azoka euskaraz “normalki, lasaiki eta naturalki” bizitzeko gunea bilakatu da. Urtez urte ekitaldiak aurrera egiten du eta euskaltzaleentzat ekitaldi garrantzitsuenetako bat bihurtu da, azokaren antolatzaileek nabarmendu dutenez... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]