Bederatzi idazle hauek aurkeztuko dituzte liburuak Euskal Liburu eta Diskoen Ziburuko Azokan
Bederatzi idazlek beren lanak aurkeztuko dituzte ekainaren 4an Ziburun egingo den euskarazko liburu eta diskoen hirugarren azokan: Asel Luzarraga, Lizar Begoña, ZaldiEroa, Koldo Izagirre, Garluk Agirre, Dani Fano, Idoia Santamaria, Garbiñe Larrea eta Jokin Urain. Ekaineko lehen larunbatean Ziburun gozatu ahalko den egitarau osoaren berri duzu albiste honetan.
Goizeko hamarretan irekiko da azoka eta Janbattit Dirassar idazleari omenaldia egingo zaio. Jarraian, 10:15 aldera, "Zubiburu" mahai ingurua burutuko dute lehen aldiz Dirassarrek berak eta Amaiur Epher idazle gazteak. Hain justu, ekimen berri honekin azokak idazle belaunaldi zahar eta berrien arteko zubi lana indartu nahi du.
Haurrek Amalurrak pausa behar du emanaldi berezia gozatu ahalko dute Iturri Zaharraren plazan, 10:30ean hasita. Maddi Zubeldiak egindako ipuina plazaratuko dute egileak berak eta Bernadette Lurok, kantu eta txotxongiloen laguntzaz. Emanaldi honetarako Ziburuko ikastetxe guztiek euskal kantutegiko kantu ezagun bat landu dute, eta honela ikasleek emanaldian parte hartuko dute kantu hauek kantatuz.
Eguerdi aldera (12:30ean) komikia eta bertsoa uztartzen dituen Zirriborroka bat-bateko emanaldiak zirikatuko ditu entzuleak. Miren Artetxe eta Igor Elortza arituko dira kantuan eta Axpi eta Zaldi Eroa marrazten.
Bederatzi idazleen aurkezpen hitzaldiak
Hona idazleek Ziburuko azokan aurkeztuko dituzten liburuak eta ordutegiak:
11:30ean Asel Luzarragak "Esan gabe doa" (Txalaparta) nobela aurkeztuko du.
12:00etan Lizar Begoñak “Gepardo japoniarrak” (Susa) olerki bilduma plazaratuko du.
15:45ean Xabiroi-ren bi komiki aurkeztuko dituzte egile hauek guztiek: ZaldiEroak “Arranotxu” aurkeztuko du eta Koldo Izagirre, Garluk Agirre eta Dani Fanok “Sasi artean Elgeta”.
16:30ean Idoia Santamariak itzuli duen “Austerlitz” WG Sebald" liburua izango du mintzagai.
17:15ean Garbiñe Larrea "Sendabelarrek dakitena" (Argia) liburuan oinarrituta gaiaz arituko da.
18:00etan Jokin Urainek “Txomin Aurrera Bolie” (GARA) lana azalduko du.
Bazkalorduan eta iluntzean kultur ikuskizunak
Eguerdian 13:00etan itxiko da azoka eta 15:00etan zabalduko ditu berriro ateak, indarrak hartu ostean. Baina tarte horretan ere izango da girorik Ziburuko plazan: folk irlandarra eskaintzen duen Ni Banna taldeak joko du 14:00etan Boga ostatuan eta jarraian, 14:30 aldera, Atalaia ostatuan.
Arratsaldean azoka Pantzo Irigarairen umore bakarrizketak zabalduko du, 15:15ean, kafea gozatuko duen umore zorrotzaz.
Azoka 19:00etan itxiko da baina plazan elkartutakoek elkarrizketak luzatuko dituztela ziurra da, 20:00etan kontzertua eskainiko baitu Adar taldeak: Arnaud Bibonne gaskoiak eta Maider Martineau Zubieta euskaldunak osatzen duten folk taldeak boha, podoritmia, alboka, trikititxa, panderoa eta kantua elkartuz bizitasun eta indarrez emango diote bukaera hirugarrenez egingo den euskara hutseko Ziburuko azokari.
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]
Apirilaren 30etik aurrera Azokaroa-ren lehen printzak sumatuko dira Ipar Euskal Herriko zenbait txokotan. Uxue Alberdi egongo da Hetero liburua aurkezten, Maialen Lujanbiok errezetaldia eskainiko du eta Maddi Sarasuak bere liburuaren aurkezpen musikatua egingo du senide eta... [+]
Euskara hutseko liburu eta disko azoka euskaraz “normalki, lasaiki eta naturalki” bizitzeko gunea bilakatu da. Urtez urte ekitaldiak aurrera egiten du eta euskaltzaleentzat ekitaldi garrantzitsuenetako bat bihurtu da, azokaren antolatzaileek nabarmendu dutenez... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Argitaletxeez gain, diskoetxeak egonen dira Ziburuko Azokaren baitan. Horietariko batzuen sorkuntzak zuzenean deskubritzeko parada izanen da aurtengoan ere azoka.
Urtean bertan argitaratutako lanak izaten dira protagonista Ziburuko Euskarazko Liburu eta Disko Azokan. 2024an argitaratu eta Ziburuko azokara eramango dituzten liburu eta diskoen zerrenda iragarri dute bertan egongo diren 33 liburu-argitaletxe eta 3 diskoetxeek. Era guztietako... [+]