Zer egin eta zer ez, norbaitek esaten badizu suizidatu nahi duela
Lagundu nahi eta kontrakoa eragin dezakegu, ez badakigu gestionatzen zer esan eta egin, gertuko norbaitek aitortzen digunean egoerak gain hartu diola eta bere buruaz beste egingo duela. Jarraibide erraz batzuk eman ditu Pablo R. Coca psikologoak, hain egoera konplexuari aurre egiteko lagungarri.
Zer ez egin? Bere egoera kontatzera etorri zaizunak sentitzen duenari ez kendu garrantzia; ez saiatu ideia suizidak kentzen; ez epaitu edo zalantzan jarri dioena; ez eman bat-bateko aholkurik; ez egin bete ezingo duzun promesarik.
Zer egin? Ikerketen arabera, galdetzeak eta gaiaz hitz egiteak norbere buruaz beste egiteko arriskua txikitzen du eta hitz egin ahala egoera emozionala lasaitzen doa, beraz, galdetu bere sentimendu eta pentsamendu suiziden inguruan, beldurrik gabe; utzi lasai adierazi dezala kontatzeko duena; entzun; solasaldiak iraun bitartean sor daitezkeen isiltasun uneei ez beldurrik izan; saiatu enpatizatzen eta ulertzen hil nahi izateko dituen arrazoiak.
Halako sentimendu eta pentsamenduak dituenarentzat ez da erraza horretaz hitz egitea, beraz entzun eta ez utzi bakarrik, garbi utzi hor zaudela beretzako.
Eta hurrengo pausoa, jakina, laguntza profesionala eskaintzea da, jo horretarako dauden baliabide eta telefonoetara.
Psikologoaren esanetan, suizidatzeko ideiak indarra hartu eta ekintzara pasatzen den unera arte 90 minutu inguru pasatzen dira batez beste. Horregatik, pertsona hori bakarrik ez uztea eta lasai hitz egiten jardutea garrantzitsua da.
Pablo R. Cocak hari honetan eman ditu jarraibideak. Psikologoak bi liburu ditu idatziak suizidioa prebenitzearen inguruan.
Euskal Herriko Unibertsitateko zenbait ikertzaileek harrera-egoitzetako nerabeen jokabide suizidak aztertu dituzte, eta ondorioztatu dute gazteen laurdena bere buruaz beste egiten saiatu dela. Salatu dute langile gehienek ezagutza “baxua” dutela.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Eskolan suizidioa prebenitu eta esku hartzeko protokoloa 613 aldiz abiatu dute EAEn, protokoloa martxan jarri den lehen ikasturtean. Bai irakasleak, bai ikasleak gaian trebatzea da helburua, buruko osasun arazoak ikasleen artean ere arazo larri bihurtu diren garaiotan.
Suizidioaz informatzeak lagundu diezaieke pentsamendu suizida duten pertsonei, baina horretarako egoki informatzea funtsezkoa da, tabu honen inguruan dauden uste okerrak, estereotipoak eta sentsazionalismoa saihestuz, eta arrisku faktoreak, prebentzio neurriak eta dauden... [+]
Incidence of mental disorders in the general population aged 1–30 years ikerketak osasun mentalaren inguruko datuak argitaratu ditu. Egungo egoeraren berri eman eta bizitzako etapa garrantzitsuenak zein diren argitu ditu besteak beste.