Otsailaren 6an amildu zen Zaldibarko zabortegia eta urtebete ondoren gertatu zenari buruzko erantzukizunak eskatu dituzte hainbat herritan egindako elkarretaratzeetan. Hondamendia argitzeko ere eskatu dute.
Zaldibar Argitu plataformak antolatu zituen urteurreneko ekitaldiak Elgetan, Eibarren, Ermuan, Zaldibarren, Markina-Xemeinen, Etxebarrian eta Zallan.
Zabortegian hil ziren bi langileak, Alberto Sololuze eta Joaquin Beltran, izan dituzte gogoan. Herri guztietan ekitaldia hasi dute bi langileen omenez aurreskua dantzatuz eta ondoren lore sorta eskaini zaie. Segidan elkarretaratzeak egin dira zazpi herrietan. “Langileak. Osasuna. Erantzukizunak. Zaldibar argitu” leloa aukeratu zuen plataformak mobilizazioetarako.
Ondorengo bideoa Eibarko elkarretaratzekoa da. Eta kittto.eus hedabideak bere webgunean eskainitakoa.
Plataformak herri guztietan irakurtzeko prestatutako oharrean salatu zuen erantzukizunak argitu gabe daudela urtebete igaro eta gero: “Gaur-gaurkoz Eusko Jaurlaritzako arduradun politiko bakar batek ere ez du ardurarik hartu. Inork ez du bere erantzukizuna hartzen”. Otsailaren 6an gertatutakoa desastre sozial, humano eta politikotzat jo du plataformak: "Desastre sozial eta humanoa, bi langile, etxera itzuli ez zirelako. Desastre ekologikoa, amiantoz nahasturiko zaborrezko mendi bat erori zelako; gure lur, ur eta airea kutsatuz. Eta desastre politikoa: kontrol faltak, isiltasun konplizeak, laguntxoen arteko negozioak, gardentasun falta... nabariak izan direlako. Otsailaren 6an, zabortegiarekin batera, batzuek inposatu nahi diguten bizi eredua ere erori zen".
ARGIAn, Estitxu Eizagirre Kerejetak elkarrizketa mamitsua egin dio Ahoztar Zelaieta Zamakona ikerketa kazetariari "Zaldibar. Zona cero" (Txalaparta) liburuari buruz. Lotura honetan duzue elkarrizketa.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.