Zaborrekin FCCk Bartzelonan egindako iruzurra agerian: “Kontuan izan, nahastu ezazue errefusarekin”
Bartzelonako bilketan datuak faltsutu zituen 800.000 euro gehiago irabazteko. Konpainiak kudeatzen du Euskal Herriko zaborren zati handi bat eta Gipuzkoako errauskailua egin nahi du.
Fomento Construcciones y Contratas konpainiak Bartzelonan duen delegazioak azken urteetan hiri hondakinaren bilketa datuak manipulatu ditu, bildutakoa puztu eta diru-sarrera handiagoa izateko. El País egunkariak argitaratu duenez iruzurra 800.000 eurokoa izan daiteke eta Bartzelonako Udalak kasua fiskaltzari igorri dio.
Prisa taldeko egunkariak konpainiako ordezkarien arteko e-postak eta mezuak eskuratu ahal izan ditu eta euretan ageri da iruzurra nola egiten zuten: ontzi arinak eta altzari zaharrak kopuru jakin batetik gora jasoz gero, horiengatik tonako kobratzen duena gutxiago izaten da, horregatik beste hondakin mota batzuekin nahasten zituzten.
Kamioiak erdizka betetzen zituzten ontzi arinekin eta ondoren errefusa botatzen zuten gainetik, errauskailura eraman eta horrengatik gehiago kobratzeko: “Kontuan izan, nahastu ezazue errefusarekin”, dio e-mailetako batek.
FCCko arduradunek hasiera batean iruzurra ukatu badute ere, egunkariak informazio hori argitaratu ondoren adierazi dute prest daudela argitzeko eta “barne ikerketa” bat irekiko dutela.
Ada Colauen gobernuak, bere aldetik, udalaren Gardentasun Bulegoaren esku utzi du iruzurra eta honek fiskaltzara jo du, deliturik ba ote dagoen aztertu dezan.
Zubietako errauskailua egiteko hautagai
FCC konpainiak euskal herritarrek sortzen dugun zaborren zati handi bat kudeatzen du, eta besteak beste Zubietan Gipuzkoako Hondakinen Kontsortzioak (GHK) egin nahi duen errauskailua eraiki eta kudeatzeko hautagaietako bat da.
Hain justu José Ignacio Asensio ingurumen diputatuak asteazkenean jakinarazi du noiz erabakiko duen obrak zeini esleitu: abenduaren 27an izango da. FCCz gain, Sacyr eta Urbaser ere aurkeztu dira lehiaketara. Operazioarekin 1.000 milioi eurotik gora daude jokoan.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu... [+]
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]