Xabier Leteren azken kontzertua CDan aterako dute. Entzun aurrerapen kantua
Xabier Letek 1999ko irailean Errenterian (Gipuzkoa) eskaini zuen azken kontzertua CD bikoitzean jarriko du abenduaren 4an salgai A&M Kultur Promotorak: Xabier Lete zuzenean. Hogeita bat kantu bildu dituzte orotara, horietatik hamaika sekula grabatu eta diskoan jaso gabeak. Tartean dago ARGIAk entzungai jartzen dizuen kantu hau: Jardin bat zuretzat.
Letek, azken kontzertu horretan, Pascal Gaigne (gitarra), Txema Garces (baxua), Pello Ramirez (txeloa), Joxan Goikoetxea (akordeoia) eta Karlos Gimenez (pianoa) izan zituen taldekide.
'Xabier Lete gogoan' kontzertua Donostian, abenduaren 4an
Abenduaren 4an Xabier Lete gogoan kontzertu birako hamaikagarren emanaldia egingo da Donostiako Kursaal auditorioan. Kontzertu berezia izango da, egun horretan beteko baita urtebete Lete hil zela. Kantari arituko direnen artean daude, besteak beste, Paco Ibañez, Bernardo Atxaga, Antton Valverde, Amaia Zubiria, Amets Arzallus eta Erramun Martikorena. Musikariak, bestalde, Luis Fernandez, Xanet Arozena, Beñat Serna, Francisco Herrero eta 1999ko kontzertuan Lete lagundu zuten Txema Garces, Karlos Gimenez eta Joxan Goikoetxea izango dira.
Han aurkeztuko dute Xabier Lete zuzenean. Errenteria 1999.IX.25. Azken kontzertua CD bikoitza.
Kontzertua 19:00etan hasiko da. Sarrerak www.kutxasarrerak.net webgunean eskura daitezke.
Gogor samarra epaia... Dena den, zerk eraman zintuen zu kantagintzara?
Xabier Leteren heriotzaren 10. urtemugan sortzailearen mundu artistikoa eta intimoa ezagutzeko aukera ematen digu dokumentalak.
Letek sortutako kanta esanguratsuak artista batzuen ahotan entzungo dira: Eñaut Elorrieta, Inar Sastre, Joxan Goikoetxea, Arantxa Irazusta,... [+]
Xabier Leteren poetika: aldaeren azterketa eta bilakabidearen irakurketa, horixe dugu Alexander Gurrutxaga (Zarautz, 1988) EHUko Hezkuntza Fakultateko irakaslearen doktore tesia. Aurten irakurria du, udaberriko konfinamenduaren bezpera egunetan, poetaren heriotzaren hamargarren... [+]
Fermin Erbiti kazetariak Xabier Leteri buruzko irratsaio monografikoa egin du Euskalerria irratian. Olerkigile eta kantaria hil zela hamar urte beteko dira ostiralean.
Donostiako Koldo Mitxelena Kulturuneko areto nagusian, Gipuzkoako Foru Aldundiak Xabier Lete gogoan izenburupean antola zuen kantaldia. Pier Paul Berzaitz, Antton Valverde, Arantxa Irazusta, Mikel Markez eta Pako Aristi aritu ziren kantari eta errezitatzaile lanetan, eta... [+]
[2012.10.26] Euskal Idazleen Elkarteak, 2012ko Galeuscaren haritik, antolaturiko ekitaldia.
Testuak: Luigi Anselmi, Bernardo Atxaga, Jon Gerediaga, Tere Irastortza, Xabier Lete, Xabier Montoia, Joseba Sarrionandia
Irakurleak: Xosé Estévez, Jose Angel... [+]
Xabier Letek "Egunsentiaren esku izoztuak" liburuko poemen irakurketa, Koldo Mitxelena Kulturunean 2009ko otsailaren 5ean egindakoa.
2012ko martxoaren 30ean egin zen Donostiako Koldo Mitxelena aretoan.
Gipuzkoako Foru Aldundiak sortutako sariketa honen lehenengo saria Karlos Linazasoro tolosarrak irabazi zuen, Ezer gehiago behar gabe lanagatik. Epaimahaia Igor Estankonak, Joserra Garziak, Tere... [+]
Xabier Leteren omenez Euskal Herri osoan egiten ari diren "Sortuko dira besteak" emanaldiari buruz Gipuzkoa Kulturak egindako erreportaje zabala. Bertan Arrasaten egindako kontzertueko irudiak eta musikarekin batera (bertan Petti, Eñaut Elorrieta, Alex... [+]
Urnietan (Gipuzkoa) jaio zen Lurdes Iriondo, eta bertan bizi izan zen urte askoan Xabier Leterekin. Urriaren 11n haien omenezko kantaldia egingo dute hango kiroldegian, Xabier Lete gogoan biraren baitan. Eñaut Elorrietak (Ken Zazpi), Pier Paul Berzaitzek, Arantza... [+]
Urriaren 8an eta 9an egingo da Xalbador Eguna Urepelen (Nafarroa Beherea), Deiadarra elkarteak antolatuta. Aurten, Xalbador hil zela 35 urte beteko direnean (azaroan), hari kantatu zion (Urepeleko artzaia) Xabier Lete musikaria gogoan izango dute. Jaialdiaren aurreneko egunean... [+]
