Azken komunioa


Mikel Asurmendi @masurmendi
2012ko martxoaren 25a

Xabier Lete zuzenean / Azken kontzertua.

Errenteria 1999-IX-25 (CD bikoitza).

Diskoetxea: A&M Kultur Promotora.

Musikariak: Xabier Lete, Pascal Gaigne, Txema Carces, Pello Ramirez, Joxan Goikoetxea, Karlos Gimenez.

Xabier Leteren Azken kontzertua bere azkeneko komunio handia izan zelakoan nago. Errenterian gauzatua, bi partetan emana, bi CDtan jasoa heldu zaigu. Hari baten bila ibili naiz komunio gogoangarri haren oihartzunak zabaldu eta partekatzeko. Aitortu dezadan hasteko eta behin: musikan neofito naiz, beraz, nire hari musikala ahul samarra dukezu.

Goraipatu ditzadan hasmentan bost musikariak, euren soken eta teklen doinu trebe-ausart-herabeak goratu ere. Bostekoaren musika-noten uztarketak aho zabalik uzten nau. Bat-bederaren emana apartekoa begitandu zait, eta guztiena, batera, sotiltasunaren emaria. Hainbesteraino liluratu nau emaitzak, ezen, kantuak estudioan moldatuak ote ziren pentsarazi zidala une batez. Hots, musikariek berek pasarte zenbait berriz ere joak zirela eta egungo teknikarien eskutik kantak berrosatuak ote ziren. Koitadu halakoa! Ez andereak, ez jaunak, kontzertuan jotako notak entzun ziren legez ditugu entzungarri. Pascal Gaigneren notak magistralak dira, Joxan Goikoetxearen eta Pello Ramirezen notetan eztiki kulunkatzen zara aldi berean. Txema Carcesen baxua presente dago betiere, nabarmendu barik baina.

Karlos Gimenezen nota(k) ezin nabarmendu gabe aipatu, ordea: bikaina. Xabier Leteren inoizko grabazioa duzu Azkenekoa, Leteren hitzak eta Gimenezen musika moldaketak –hainbat kantaren konposaketa, barne– berezko nortasunaz uztartu dituena. Bi CDtan, emanaldia 11 + 10 musika piezaz gorpuztua dago, hitzak eta doinuak mihisetan harilkatuak geratu dira behin betiko; autorearen 20 predikuz edo aitzinsolasez apaindua. Xabier Letek ez zuen, bizirik zegoela, Azkeneko hau argitara eman nahi. Emaitza heriorena ere bada modu batez, ezin heriotza eta bizitza bereizi poeta honenganako gure irudimenean.

Pertsonok barne eta kanpo bizipenek osatuta gaude, eta kantuotan halaxe ageri ere oiartzuarraren izaera: Biografia, Malkoak euri balira, Agian, Zuk badiozu, Jardin bat zuretzat, Xalbadorren heriotzean, Ni naiz, Nafarroa, arragoa... eta Lizardi! kantetan dautza bere baitatik baitarako hitzak. Bere barnetik haragoko oihartzunak berriz, Habana, Txile, Katalunia, Paris, Pio Baroja, George Brassens eta Jacques Brelengan aurkituko dituzu.

Pentsa dezakezu betiko kantak daudela bilduman. Eta halaxe dituzu. Alabaina, emaria iturri zaharretik heldu den ur berritua duzu. Xabier Leteren izatearen elikagai zaharrak, solasek eta kantek utzitako irudi hilezinak: gorputz eta zuhaitz baten tristura eta pozaren abarrak. Oiartzungo poeta-kantariak azkeneko arnasekin ordaindu nahi izan zizkigun antzinako zorrak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Xabier Lete

Xabier Lete kanaletik interesatuko zaizu...
2013-02-07
Xabier Leteren omenezko kantaldia
MULTIMEDIA - ekitaldia

Donostiako Koldo Mitxelena Kulturuneko areto nagusian, Gipuzkoako Foru Aldundiak Xabier Lete gogoan izenburupean antola zuen kantaldia. Pier Paul Berzaitz, Antton Valverde, Arantxa Irazusta, Mikel Markez eta Pako Aristi aritu ziren kantari eta errezitatzaile lanetan, eta musikariak Karlos Gimenez (pianoa), Joxan Goikoetxea (akordeoia eta teklatuak), Txema Garces (gitarra baxua) eta Xanet Arozena (gitarra) izan ziren.

Irudiak: Koldo Mitxelena Kulturgunea


2012-12-03
Zazpi poeta AlÚn da fronteira
MULTIMEDIA - ekitaldia

[2012.10.26] Euskal Idazleen Elkarteak, 2012ko Galeuscaren haritik, antolaturiko ekitaldia.
Testuak: Luigi Anselmi, Bernardo Atxaga, Jon Gerediaga, Tere Irastortza, Xabier Lete, Xabier Montoia, Joseba Sarrionandia
Irakurleak: Xosé Estévez, Jose Angel Irigaray, Luis Rei
Musika: Ruper Ordorika eta Arkaitz Miner

Iturria: KOLDO MITXELENA Kulturunea


2012-10-08
Xabier Leteren "Egusentiaren esku izoztuak"
MULTIMEDIA - ekitaldia

Xabier Letek "Egunsentiaren esku izoztuak" liburuko poemen irakurketa, Koldo Mitxelena Kulturunean 2009ko otsailaren 5ean egindakoa.


2012-05-02
Xabier Lete Euskarazko Nazioarteko I. Poesia Saria
MULTIMEDIA - ekitaldia

2012ko martxoaren 30ean egin zen Donostiako Koldo Mitxelena aretoan.

Gipuzkoako Foru Aldundiak sortutako sariketa honen lehenengo saria Karlos Linazasoro tolosarrak irabazi zuen, Ezer gehiago behar gabe lanagatik. Epaimahaia Igor Estankonak, Joserra Garziak, Tere Irastorzak, Jose Angel Irigarayk eta Lourdes Otaegik osatu zuten. Linazasororen lana beste 22 lanen artean aukeratua izan da, saria jasotzeko. Bideoan, Josean Goikoetxea, Ikerne Badiola eta Garazi Lopez de Etxezarreta ere... [+]


2012-04-19
Sortuko dira besteak emanaldiaz
MULTIMEDIA - erreportajea

Xabier Leteren omenez Euskal Herri osoan egiten ari diren "Sortuko dira besteak" emanaldiari buruz Gipuzkoa Kulturak egindako erreportaje zabala. Bertan Arrasaten egindako kontzertueko irudiak eta musikarekin batera (bertan Petti, Eñaut Elorrieta, Alex Sardui, Mikel Urdangarin, Pier Paul Berzaitz eta Arantxa Irazustak hartu zuten parte), zenbait musikari elkarrizketatzen dituzte beren bizipenei buruz galdetzeko.


2011-11-23
Xabier Leteren azken kontzertua CDan aterako dute. Entzun aurrerapen kantua

Xabier Letek 1999ko irailean Errenterian (Gipuzkoa) eskaini zuen azken kontzertua CD bikoitzean jarriko du abenduaren 4an salgai A&M Kultur Promotorak: Xabier Lete zuzenean. Hogeita bat kantu bildu dituzte orotara, horietatik hamaika sekula grabatu eta diskoan jaso gabeak. Tartean dago ARGIAk entzungai jartzen dizuen kantu hau: Jardin bat zuretzat.


2011-09-28
Xabier Lete eta Lurdes Iriondoren omenezko kantaldia urriaren 11n Urnietan

Urnietan (Gipuzkoa) jaio zen Lurdes Iriondo, eta bertan bizi izan zen urte askoan Xabier Leterekin. Urriaren 11n haien omenezko kantaldia egingo dute hango kiroldegian, Xabier Lete gogoan biraren baitan. Eñaut Elorrietak (Ken Zazpi), Pier Paul Berzaitzek, Arantza Irazustak, Antton Valverdek, Pettik eta Amets Arzallus bertsolariak parte hartuko dute emanaldi horretan. Kontzertua 22:00etan hasiko da.

- Sarrerak on-line: www.kutxasarrerak.net


2011-09-13
Xabier Lete omenduko dute Xalbador Egunean

Urriaren 8an eta 9an egingo da Xalbador Eguna Urepelen (Nafarroa Beherea), Deiadarra elkarteak antolatuta. Aurten, Xalbador hil zela 35 urte beteko direnean (azaroan), hari kantatu zion (Urepeleko artzaia) Xabier Lete musikaria gogoan izango dute. Jaialdiaren aurreneko egunean Benito Lertxundik kontzertua eskainiko du, eta 9an Xabier Lete eta Ez Dok Amairuri buruzko bideo emanaldia eta Joxe Mari Iriondoren hitzaldia izango dira. Herri kirolak, dantza emanaldiak, Erramun Martikorenak eta... [+]


ASTEKARIA
Azkenak
EGILEA
Eguneraketa berriak daude