ARGIA.eus

2022ko abenduaren 08a

Xabier Goienetxea presoaren bikotekideak auto istripua izan du bisitatik bueltan

  • Larunbat arratsaldean izan zuen istripua senideak, errepidera irten zitzaioan orkatza jo ostean, baina onik da. Lannemezan espetxean dago preso Goienetxea, Frantziako Estatuan, Errenteria sorterritik 220 kilometrora.

Autoak kalteak jasan zituen. Argazkia: Etxerat
ARGIA @argia
2022ko azaroaren 21a - 13:32Azken eguneraketa:15:25

Etxerat elkarteak eman du istripuaren berri: “Orkatz handi bat gurutzatu zen bat-batean kotxearen aurrean eta, talkaren ondorioz, aurreko txapa kaltetua gelditu zen eta motorrari ere eragin zion. Zorionez, presoaren senideak ez zuen kalte fisikorik izan eta taxi batean jarraitu zuen bidea”.

26 preso Euskal Herritik kanpo

Euskal preso, iheslari eta deportatu politikoen senide eta lagunen elkarteak salatu du oraindik ere 26 preso Euskal Herritik kanpoko espetxeetan daudela, hamabi Frantzian eta hamalau Espainian. Frantziako Estatuan daudenei dagokionez, preso bat Parisen dago eta gainontzeko hamaikak Lannemezanen. “Zigorra betetzeko espetxerik ez dago Ipar Euskal Herrian eta euskal presoek onartu zuten Lannemezanen betetzea”, azaldu du Etxeratek oharrean.

Bidaia bakoitza “arrisku” bat dela salatu du elkarteak, gogoratu du larunbatekoa urteko bigarren auto istripua dela, eta iaz beste lau gertatu zirela. “400 bat ezbehar izan dira urrunketa politika indarrean denetik. Kaltetutako senide eta lagunak 1.000 inguru izan dira eta, tamalez, hamasei senide eta lagunen bizitzak bidean geratu dira”. Preso, iheslari eta deportatu guztien euskal herriratzeari “oztoporik ez jartzeko” eskatu du beste behin Etxeratek.

Kanal hauetan artxibatua: Euskal preso politikoak  |  Euskal gatazka

Euskal preso politikoak kanaletik interesatuko zaizu...
2022-12-07 | ARGIA
‘Txori Urdinak’ liburuaren irakurraldi publikoa Oreretan, espetxea “beste ikuspuntu batetik” ezagutzeko

Herriko eragile, sindikatu, alderdi edo kultur arloko 20 pertsona inguruk liburuaren pasarteak irakurriko dituzte abenduaren 15ean Reina Aretoan. Sarek antolatu du saioa, Errenteriako Udalaren Giza Eskubideen Jardunaldien VIII. edizioaren barnean.


20 urte bete ditu Ataramiñe argitaletxeak, eta antologia bat ondu du urteotako hainbat lanekin

2022an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]


2022-11-22 | Leire Artola Arin
Sarek salatu du "argudio faltsuak" erabiltzen ari direla euskal presoei hirugarren graduak atzera botatzeko

Joseba Arregi oñatiarra espetxera itzuli duten seigarren presoa da, astelehenean Auzitegi Nazionalak atzera bota diolako 3. gradua. Sare Herritarrak salatu du fiskaltza “salbuespenezko jarrera eta politikak” erabiltzen ari dela presoen etxeratzea oztopatzeko... [+]


2022-11-21 | ARGIA
Berangoko auzipetuen sumarioan zenbait militantziaren aurkako jazarpena antzeman daitekeela salatu dute

Azaroaren 17an eta 18an deklaratu behar izan dute 15 pertsonak, Iban Aginaga euskal preso ohiaren ongietorrian parte hartzeagatik terrorismoa goratzea leporatuta. Larunbatean agerraldia egin dute Berangoko frontoian, auzipetutakoei babesa helarazteko eta gertakizunen... [+]



Irakurrienak
Argia buletina
Egunaren laburpena
zure e-postan
Eguneraketa berriak daude