Victor Jararen hilketagatik prozesatutako lau militar atxilotu dituzte

  • Victor Jara kantautore txiletarraren (1932-1973) hilketagatik prozesatutako zortzi ofizial ohietatik lau atxilotu egin dituzte. 1973ko irailaren 11n militar txiletarrek Unibertsitate Teknikoa hartu eta milaka ikasle eta langile atxilotu zituzten. Haien artean zegoen Victor Jara. Gehienak Txileko Estadiora eraman zituzten. Jara torturatu eta irailaren 16an hil egin zuten. 2003az geroztik estadioak Victor Jara izena du.


2013ko urtarrilaren 03an - 00:00
Azken eguneraketa: 2015-02-26 13:37:33
Victor Jara, hil baino apur bat lehenago. (Argazkia: AP)

Berrogeita lau tiro jaso zituen Jarak, eta haren gorpua kalean utzi zuten militarrek. Beilatokira eraman eta Jararen bikoteak (Juanak) ezagutu egin zuen. Hilerri batean lurperatu eta Txiletik isilpean ihes egin zuen gero.

Prozesatutako zortzi ofizial ohietako bi ustezko hilketa delituagatik akusatu dituzte: Hugo Sanchez Marmont (jada atxilotu dute) eta Pedro Barrientos tenientea (bera atxilotzeko nazioarteko agindua eman dute). Gainerako sei akusatuak hilketaren konplizetzat hartzen dituzte.

Nork hil zuen Victor Jara? (Chilevisión telebistak iazko maiatzean emititutako erreportajea)


Kanal honetatik interesatuko zaizu: Txile
Kissinger eta Pinochet: dokumentuak argitara, kolpista guztien lotsarako

Augusto Pinochet diktadoreak Txilen estatu-kolpea eman zuela mende erdia bete denean, hamaika berba entzun dira herrialdeak bizi duen zatiketaz. Hamazazpi urtetako diktaduraren errepresioa ukatzea da zenbait eskuindarren egungo arma, negazionismo gisa ulertu den diskurtsoarekin... [+]


2023-09-10 | Estitxu Eizagirre
Mari Paz Aedo Zuñiga
"Txiletarrok gara mundu osoaren elektrifikazioa ordainduko dugunak"

"Egun on" baino gehiago "larrialdi" hitza erabiltzen dugun honetan, Mari Paz Aedoren hitzek lagunduko dizute ikasturte honetako zure utopien lanketei gogotsu eta pozetik ekiten. Txilen, Santiagon jaio zen duela 45 urte. Gatazka sozioekologikoak aztertzen ditu... [+]


2023-08-29 | Ilargi Manzanares
AEBek Txileko estatu kolpearen inguruko dokumentuak desklasifikatu dituzte

1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]


Eguneraketa berriak daude