Emakumeak borrokan

Venezuelari elkartasuna adierazteko agenda bateratua sortu dute Caracasen bildutako nazioarteko 400 ordezkarik

  • Hiru egunez, Caracasen mundu osoko 400 ordezkari baino gehiago elkartu dira Herrien Nazioarteko Asanbladan, tartean Euskal Herritik etorritakoak.

Ibai Trebiño @ibaitrebino
2019ko martxoaren 01a
Argazkia: AVN

Ekimenaren "azken delegatu" gisa, Venezuelako presidente Nicolas Madurok itxi du asteazkenean Caracasen egin den Herrien Nazioarteko Asanblada. Ordu ta erdiko konferentzia baten bidez, presidenteak "eskerrak" eman dizkio batu diren delegatuei. Egungo egoera hizpide, Madurok gogor kritikatu du Venezuelako gatazkan hainbat herrialde izaten ari diren papera, bereziki Kolonbia eta Espainia aipatu ditu. Espainiako gobernuaren jarrera salatzeko asmoz, apirilaren 28ko Espainiako hauteskundeetan bera ere aurkeztuko dela adierazi du ironikoki Madurok eta "bozken %50a baino gehiago lortuko lituzkela" adierazi du.

Zentzu berean, egunotan Cucutako (Kolonbia) mugan izandako istiluez luze mintzatu da Maduro eta hainbat bideo erakutsi du oposizioaren bortizkeria agerian uzteko asmoz.

Euskal delegaritzako kideak
Euskal delegaritzako kideak. Argazkia: Ibai Trebiño

Autodeterminazioaren aldarria, euskal delegazioaren eskutik

400 baino gehiago izan dira asanbladan parte hartu duten mundu osoko delegatuak, tartean Espainiako Estatutik etorritako estaturik gabeko nazioetako sindikatu, alderdi eta eragile sozialak –Euskal Herritik Ernai, Sortu eta Askapena–. Venezuelaren egoerak behartuta, Iraultza Bolibartarrari elkartasuna ematea izan du ardatz nagusi nazioarteko bilkurak.

Herrien Nazioarteko Asanbladako idazkaritzako kide Leire Azkargorta euskal herritarrak "positiboki" baloratu du Caracasen egindako bilkura. "Helburua bete dugu eta besteak beste, Venezuelari elkartasuna adierazteko agenda bateratua sortu dugu", esan du Azkargortak. Venezuelako blokeoa sustatzen duten hainbat enpresen aurkako boikot kanpaina abiatuko dela iragarri du. Aldi berean, Galizia, Katalunia eta Euskal Herriko delegazioek autodeterminazio eskubidea eztabaidaren erdian jartzea lortu dutela nabarmendu du Azkargortak, "nazio-estatuen aferan kontraesan handia dagoela erakutsiz". "Bide horretatik jarraitu behar dugu", azpimarratu du Azkargortak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Venezuela  |  Sortu  |  Internazionalismoa  |  Ernai  |  Askapena

Venezuela kanaletik interesatuko zaizu...
2019-05-10 | Z. Oleaga
Xabier Arruti Imaz
"Herritarrak ito nahi dituzte Maduroren aurkako altxamendu herritar bat egon dadin"

Xabier Arruti Imaz lazkaotarra da jaiotzez baina ia 40 urte daramatza Venezuelan, 1981ean errefuxiatu gisa heldu zenetik. Prozesu bolibartarrean murgildu zen hasieratik, gobernu egituretan hainbat kargu izan ditu garai ezberdinetan, eta egun Monseñor Iturriza udalerriko alkatetzan lanean ari da. Egungo egoera kezkaz eta borrokarako grinaz bizi du. Aukera guztiak zabalik ikusten baditu ere, baikor azaltzen da aurrera begira.


2019-05-06 | ARGIA
Venezuelaren alde eta kolpearen aurkako manifestazioa egin dute Bilbon

Ehunka herritar batu ditu Euskal Herria Venezuelarekin ekimenak Bilboko kaleetan larunbat arratsaldean. "Yankiak Latinoamerikatik kanpora" eta "Venezuela aurrera" izan dira lelo errepikatuenak.


2019-04-30 | ARGIA
Estatu kolpeak porrot egin duela eta egoera kontrolpean duela dio Madurok

Venezuelako egoera politikoaren jarraipena egiten ari gara artikulu honetan. Apirilaren 30ean Juan Guaidók Guaidok altxamendu militarrera deitu ditu herritarrak eta etxean preso zegoen Leopoldo López opositorea "askatu" dute.


2019-04-30 | ARGIA
Guaidok altxamendu militarrera deitu ditu venezuelarrak

Sare sozialen bidez zabaldu duen bideo baten bitartez herritarrak eta indar armatuak Maduroren aurka altxatzera deitu ditu. Venezuelako Gobernuak estatu kolpe saiakera indargabetzen ari dela jakinarazi du.


Zergatik bai Guaidóri?

Hasteko oharra: “Denbora-pasaren erantzuna bukaeran”.

Lehenik, Guaidóri ez esateko motibo batzuk etorri zaizkit burura. Josep Borrell kanpo aferetarako espainiar ministroak Salvados telesaioan emandako erantzunek ondorio logiko zenbaitetara eraman ninduten. Bere esanean, Trump dago Guaidóren auto-izendatzearen atzean. Ezin argiago iradoki zuen. Trumpek, bestalde, dio aukera guztiak daudela mahai gainean. Beraz, segiziokoek hainbeste badakite: Irak, Afganistan,... [+]


2019-04-21 | Ibai Trebiño
Jesus Faria, ekonomialaria eta PSUV alderdiko zuzendaritzako kidea
"AEBen zigorrek ez dute gaitasunik izango Venezuelako gobernu iraultzailea botatzeko"

Herri mugimenduetatik gertu egon den pertsona da Jesus Faria (Caracas, 1964). Alemaniako Errepublika Demokratikoan ekonomia politikoa ikasi eta ekonomia arloan hainbat ardura izan du Venezuelako Gobernuan, besteak beste Kanpo Merkataritzarako herri ministroa izan da. Gaur egun Asanblada Nazional Konstituziogileko kidea da.


Subiranotasunik gabe ez dago demokraziarik

Mendebaldeak gustuko ez dituen herrialdeen kontra egiteko erabiltzen dituen aitzakiak dira, demokrazia falta edota giza eskubideen errespetu eza. NATOko herrialdeak beti dira epaileak eta inoiz ez epaituak. Beraiek gutxi-asko demokrazia hauteskunde prozesu lehiakor eta garbi batera murrizten dute. Alabaina, ez dago demokraziarik subiranotasunik ez badago. Estatu batek munduko hauteskunde garbienekin gobernua hautatuko balu, ez litzateke demokrazia bat izango, baldin eta gobernuak herritarren... [+]


Iraultza bolivartarra defendatzeko garaia da

20 urte bete dira Hugo Rafael Chávez Frías izeneko militar pobre eta mulato bat Gobernura iritsi eta Venezuelan garai berri bat hasi zenetik. Eta berarekin, ordurarte baztertuak zeuden miloika herritar hasi ziren herrialdearen gidaritza hartzen, bigarren independentziaranzko bidea egiten.


2019-03-15 | Ibai Trebiño
Venezuela, eszenatoki berrien zain

Maduro presidentearen gobernuak egindako akats estrategiko larriak onartuta ere, Mendebaldeko iruditeria kolektiboan bakarrik existitzen den fenomeno gisa ulertu behar da “Juan Guaidó fenomenoa”. Fenomenoa baino, AEBen apustua.


2019-03-13 | Ibai Trebiño
Caracas, krisirik sakonenean murgilduta dagoen hiria

"Azken 200 urteetan izandako erasorik handiena" batzuen arabera, "historiako egoerarik latzena" besteen iritziz. Bizitzak eta agenda politikoak ez dute etenik seigarren egunez ur gabe bizi den hiriburuan.


Azkenak
EGILEA
Eguneraketa berriak daude