Valentziako administrazioak gazteleraz egin behar die Katalunia eta Balear Uharteetakoei, dio Espainiako Gobernuak

  • Espainiako Estatu abokatutzaren ustez, katalanaren batasuna “gertaera akademikoa” baino ez da eta legean oinarrituta ez dagoenez, Valentziako Gobernua beste administrazio katalanei gazteleraz baino ezin zaie zuzendu.

ARGIA @argia
2019ko urriaren 03a

Abokatutzak bere arrazoibidea defendatzeko Valentziako Estatut-eko terminologia jartzen du aitzakia gisa. Hala, partekatzen duten hizkuntza “valentziarra” dela dio lurralde hartako estatutuak eta ez “katalana”, eta beraz ez du katalana erabiltzen duten beste erkidegoekin katalanez harremanak izateko aukerarik, honen esanetan.

Ara.cat egunkariak Estatu abokatutzak Valentziako Justizia Auzitegi Nagusiari emandako idatziaren berri izan du. Idatzi horretan, Espainiako Gobernuak ez du aintzat hartzen Espainiako Konstituzio Auzitegiak emandako epai bat, valentziarra eta katalana berdinak direla esanez, “unibertsitate autonomiaren perimetroa” ez duelako gainditzen Konstituzionalaren pronuntziamenduak, Estatu abokatutzak dioenez.

Afera duela urtebetetik dago Auzitegi Nagusian; valentziarra “lehentasunezko” hizkuntza zela esaten zuen dekretua bertan behera utzi zuen honek, eta horren kontra elegitea jarri dute Valentziako Intersindikalak eta Valentziako Kontseiluak.

Valentziako hizkuntza elkarteek gogor kritikatu dute Abokatutzaren jarrera hori. Escola Valenciana Hizkuntzaren Aldeko Elkarteen Federazioko presidenteak, Natxo Badenesek, azaldu du egitate zientifiko guztiek garbi uzten dutela hizkuntza batasuna eta “valentziarra, Valentzian hitz egiten dugun katalana" dela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hizkuntza eskubideak  |  Katalana  |  Valentzia

Hizkuntza eskubideak kanaletik interesatuko zaizu...
Azkenak
EGILEA
Eguneraketa berriak daude