Utopiari esker

  • Gala Bedi sari banaketaren kronika. Maiatzaren 18an, Gasteizko Jimmy Jazz aretoan.

Jon Aranburu Artano @jonaranburu
2018ko maiatzaren 21a

Utopia bat espazioan. Hori da Gasteizko Hala Bedi komunikazio proiektuak bere 35. urteurrenerako darabilen leloa. 1983an irratiaren ideia izan eta martxan jarri zutenean inork gutxik pentsatuko zukeen 2018an, trabak traba, halako indarrez egongo zenik. Eta horixe irudikatu nahi izan zen pasa den maiatzaren 18an Jimmy Jazz aretoan, lehenbiziko Gala Bedia eginda. Gala eta sari banaketa izan zen eta bertan herri mugimenduaren hainbat espresio ikusarazi nahi izan ziren eta denen topaleku egin, bestela ere mugimendu askoren topaleku baden komunikabideak antolatuta. Lau sari eman ziren bertan, umorez, musikaz eta aldarrikapenez josita.

Lehena Halabeditarrak saria izan zen. Honekin, komunikazio proiektua babesten duten Halabelarri edo irratiaren bazkide direnak eskertu nahi izan ziren. Taula gainean, irratiko txikienak: Alai Bedi haurren irratsaiokoak. Mugimendu feministari, Pentsionistak Lanean elkarteari, Gasteizko Gaztetxeari eman zitzaizkien eskerrak, eta eurek ere eskertu zuten komunikazioan emandako laguntza. Bakarkako bazkideak ere eskertu nahi izan ziren, oholtzara bazkide egin den azkena igoarazita.

Segidan, eta Bertxoko saio irreberenteko lagunak kantuan, Herria Bizirik saria eman zitzaion GES gazteen emantzipaziorako sareari. Urtean zehar egin duen lana saritu nahi izan zen honekin, ez baita gutxiestekoa talde berri honek aurten egin duena: alde zaharrean utzita zeuden hainbat etxebizitza okupatu eta bizileku bihurtu dituzte. Eurek, halaber, Udalarekin izan dituzten ika miketan lagun izan duten abokatuari saria eman nahi izan zioten, eta etxebizitza baten giltzak eman.

Hirugarrenik, Kakatzarra arte eszenikoen irratsaiokoek Utopia saria eman zioten Aiaraldeko Ekintzen Faktoriari: hedabidetik, komunitate proiektu kooperatibo integral batera egin dute salto, euskara oinarri hartuta. Harriduraz hartu zuten saria eta halaxe adierazi: “gure utopia euskararen herria da, eta euskaren Aiaraldea bilatu nahi dugu”.

Azkena Hala Mierda saria izan zen. Izen horrekin, azalpen askorik ez da behar zein sari mota izan zen jakiteko, ezta? Sarituak Gasteizko Udaltzaingoa eta Delinkentzia Kanpora elkartea. Hala Bideok egindako muntaia batek azaldu zuen sarien zergatia: udaltzainena nahiko argia zen, eta elkartearena ere bai gasteiztarrontzat, Astegieta auzoan ijito familia bati bizitzen ez uzteko egin dituztenak sobera baitira ezagunak.

Sari eta sari artean izan ziren musika tarteetan Jaio Kantaktriz eta Ziakhus-ek hartu zuten parte, baita Miren Ricok ere poesia irakurraldia eginez.

Finean, Hala Bedik berak herri mugimendua eskertu nahi izan zuen urteetako sostenguagatik eta esker horiek bueltan eman zitzaizkion. “Sukaldariak” denok jatera gonbidatu aurretik, esaldi honexekin amaitu zen ekitaldia: “Ara comença el Mambo!” Hortik aurrekoak, sentitzen dut, baina ez dizkizuet kontatuko. Hurrengoan, etorri.

Hona hemen Hala Klik-ek galari ateratako argazkien galeria:

 

 

 

 

 

 

 

 

 

 

 

 

 

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hala Bedi  |  Herri mugimenduak  |  Gasteiz

Hala Bedi kanaletik interesatuko zaizu...
2018-10-05 | Topatu.eus
Ospatzeko eta aldarrikatzeko, OkupaTU Gasteiz
MULTIMEDIA - erreportajea

Aurten urteurren borobilak dituzte Hala Bedi irratiak, Gasteizko Gaztetxeak, Auzolana pilotalekuak eta Errekaleor auzo askeak. Urriaren 6an ospatuko dituzte OkupaTU Gasteiz egunean. Udalaren debekuen gainetik, ospakizun eta aldarrikapen egunera gonbidatu dute jendea, kalea denona baita.


2018-10-05 | Hala Bedi
OkupaTU Gasteiz Eguna: debekatu nahi izan duten egun baterako gida praktikoa

Nola izango da urriaren 6ko bazkaria? Zein izango da eguneko ekimen nagusia? Zenbat zutabe daude antolatuta? Zein da eguneko eskaintza kulturala? Galdera hauek eta askoz gehiago erantzun ditugu larunbateko OkupaTU Gasteiz Eguneko gida praktikoan.


Okupatu Gasteiz Egunaren antolatzaileek: "Ukatzeko arrazoi bakarra izena da".

Okupatu Gasteizeko kideek Okupatu Gasteiz Egunera gerturatzeko deia mantendu dute, debekua “zentsura politikotzat” jo eta Gasteizko Udalaren jarrera salatu dute.


2018-09-20 | ARGIA
Falangeak Hala Bediri egindako mehatxuak "adierazpen askatasun" ekintzatzat jo ditu auzitegi batek

Hilabeteetako jazarpenaren ostean, Falange Vasconavarraren sare sozialetako kontua salatu zuen Hala Bedik. Gasteizko laugarren instrukzio-epaitegiak emandako erantzunaren arabera, mehatxuok ez dituzte “adierazpen askatasunaren mugak gainditzen”.


Eusko Jaurlaritzak atzeratu egin du Mozal legearekin zigortutako Hala Bediko kazetariari jarritako isuna

Errekaleorren poliziaren esku-hartze bat grabatzeagatik Mozal legea ezarri zioten  Hala Bediko Mikel Saenz de Buruaga kazetariari eta urtebeteko prozesu administratiboa eta gero “kautelazko” neurriak hartu dituzte.

 

 


2018-06-01 | Hala Bedi
Entzun 'OkupaTUGasteiz' abestia, Ekaitz Samaniegoren letrarekin

Abestiaren basea Dj Lorok egin du eta ahotsetan Arabako zenbait musikarik parte hartu dute, Ekaitz Samaniego gasteizko preso politikoaren letrekin. Bestalde, urriaren 6ko egun handirako beroketa-lanak egiteko, jaialdia egingo dute ekainaren 10ean Gaztetxean, DJ lokalekin lagunduta.


Gala Bedi sari banaketa
Utopiari esker

Gala Bedi sari banaketaren kronika. Maiatzaren 18an, Gasteizko Jimmy Jazz aretoan.


2018-04-25 | ARGIA
Mozal Legea indargabetzeko exijitu dute Eusko Legebiltzarreko Segurtasun Batzordean

Hala Bedi, Eleak/Libre eta Kaleratzeak Stop Araba Eusko Legebiltzarreko Segurtasun Batzordean izan dira apirilaren 25ean. Alderdi politiko guztietako ordezkarien aurrean, Mozal Legea indargabetzeko exijitu dute beste behin, baita Mikel Saenz de Buruaga kazetariari ezarritako isuna bertan behera uzteko ere.


2018-04-18 | ARGIA
Hala Bedik auzitara eramango du Eusko Jaurlaritza, kazetari bati Mozal Legea ezartzeagatik

Ia urtebeteko prozesuaren ostean, Mikel Saenz de Buruaga Hala Bediko kazetariari ezarritako isuna berretsi du Eusko Jaurlaritzako Segurtasun Sailak: Herritarren Segurtasunerako Legea aplikatu zioten kazetariari Gasteizko Errekaleor auzoan polizia-operazio bat grabatzeagatik. Alegazio guztiak baztertuta, Mozal Legeak zigortutako Euskal Herriko lehen kazetaria izango litzateke Saenz de Buruaga.


2018-02-07 | Hala Bedi
"2018: Utopia bat espazioan". Etorkizunari begira ospatuko du Hala Bedik 35. urteurrena

Ia 35 urte pasa dira Hala Bedi irrati libreak uhinetara salto egin zuen abuztuko egun hartatik. 1983an jaio zen helburu argi batekin: ahotsik ez zutenei ahotsa ematea. Asko aldatu da dena denbora honetan zehar, eta garai berrietara etengabe moldatu den proiektu komunikatibo erreferentziala da gaur egun Hala Bedi, irrati libre bat baino askoz gehiago.


Eguneraketa berriak daude