‘Zure txutea behar dugu!’: Hala Bediren kanpaina bazkide berriak egiteko
Azken urteko diru-sarreren gutxitzeari aurre egiteko kanpaina abiatu du Hala Bedik. Komunikabide independentea izaten jarraitzeko, bere independentzia ekonomikoa bermatu nahi du.
COVID-19ak eta bere kudeaketak sortutako krisiak Hala Bediri ere eragin diola azaldu du komunikabide independente arabarrak. Txosnak, jaialdi eta kontzertuak, merkatuak... dirua biltzeko ohiko hainbat bide murriztuak edo moztuak ditu, eta ondorioz egoera ekonomiko “delikatuan” dago proiektua. “Askea, autonomoa eta independentea izateaz harro” dagoela azaldu du Hala Bedik. Horrela izaten jarraitzeko independentzia ekonomikoa ezinbestekoa dela iritzita, Egin zaitez Halabelarri! Zure txutea behar dugu! Kanpaina abiatu du, herritarrei eskatuz proiektuaren bazkide egin daitezela.
Hemen kanpainaren bideoa:
