Hala Bediren Izan Media tailerrak, urtarrilaren 21 eta 22an Oihaneder Euskararen Etxean
Hala Bedik Izan Media tailerren edizio berria antolatu du. Tailer hauen helburua herri mugimenduak zein norbanakoak komunikazioaren arloan ahalduntzea da, eta bide batez, Hala Bediren proiektu komunikatiboan inplikatzea.
aurre egingo dieten hedabide independenteak
Komunikatzen ez dena, azken batean, ez da existitzen. Zerbaiten parte izan nahi duenak, beraz, komunikatzeko beharra dauka. Edo beste era batera esanda: izan nahi dugulako komunikatzen gara. Eta horretarako, eskura ditugun tresnak ahalik eta ondoen erabili behar ditugu.
Aurtengo hitzordua urtarrilaren 21 eta 22an izango da, Oihaneder Euskararen Etxean. Eta bideogintzan, irratigintzan, kartelgintzan eta prentsa eta sare sozialen kudeaketan sakontzeko lau tailer eskainiko dituzte.
Hori da, hain zuzen ere, Hala Bedik antolatutako Izan Media tailerren helburua. Irratsaio bat, bideo bat zein kartel bat egiten trebatzeaz gain, herri mugimendutik prentsa eta sare sozialen lanketa egokia egiteko formakuntza ere izango da. Gainera, Hala Bedi hobeto ezagutzeko eta bertan parte hartzen hasteko aukera aproposa da honako hau.
Irratigintza
Ahozkotasuna irratigintzan, irrati mahaiaren erabilera eta programa batekin audio edizioa eta grabazio praktikak landuko dira.
Prentsa / Sare Sozialak
Herri mugimenduak komunikabideekin garatu behar duen harremana jorratuko da, sare sozialak baliatuta, estrategia komunikatiboa aurrera eramateko irizpideak landuz,
Kartelgintza
Kartelgintzarako erreminta ezberdinak ikasiko dira, adibide praktikoekin eta kartel ezberdinak egiteko aukerarekin. Norberak bere ordenagailu propioa ekar dezake, baina ez da ezinbestekoa.
Bideogintza
Ikus-entzunezko proiektu bat sortu ahal izateko, irudien eta soinuen grabazioaren oinarrizko teoria jaso eta bideo grabazio praktikoak egingo dira. Programako erremintak, irudien eta soinuen nahasketa, errotuluak, bideoei formatuak eman eta sarean zabaltzeko azalpenak ere emango dira.
Norberak bere ordenagailu propioa ekarri beharko du. Kamara propioa ere ekar dezake baina ez da ezinbestekoa.
Parte hartzeko irizpideak
Parte hartzeko izena eman behar da Halabediren webgunean. Izen ematea urtarrilaren 14an itxiko da.
Halabediren webgunearen helbidean izango den formularioa betetzea nahikoa izango da. Matrikulazioa eginda, 10 euro ordaindu beharko dira egunean bertan, eta Hala Bediko USB bat banatuko da, tailerren eduki teorikoekin eta hainbat baliabide eta erremintekin.
Ostiralean, 16:30etatik 20:00ak arte izango da tailerra, eta larunbatean aldiz, 09:30etatik 14:00ak arte eta 16:00etatik 19:30ak arte. Guztiak Oihaneder Euskararen Etxean burutuko dira.
Larunbatean, denok batera bazkaltzeko aukera ere egongo da, baina horrela zehaztu beharko da formularioan.
Azkenik, plaza mugatuak izango dira, beraz inskripzioaren ordenaren arabera, ikastaro bakoitza betetzen denean, itxiko da izen-emateko aukera.
Bajak
Esan beharrik ez dago, behin izena emanda, parte hartzeko konpromisoa hartzen dela. Eta ikastaroa utzi behar izatekotan, norbanakoaren erantzukizuna da bajaren abisua urtarrilaren 14a baino lehen jakinaraztea honako helbide honetan: izanmedia@halabedi.eus, plaza bete gabe geratu ez dadin eta beste inork izena emateko aukera izan dezan.
Bizikleta hartu eta errepidera ateratzeko gogoa. Olatu gainean surf egiteak zein sentsazio eragiten duen probatzeko irrika. Mendirik mendi ibiltzearen plazera sentitzea. Mendian, hainbestean, baina emakumeak ez du erraza izan gizonenak izan diren kirol eremuetan sartzea... [+]
Okindegiko ilaran, bi emakume. Itxuraz erdi-ezagunak, hitz egiteko duten moduagatik. Pareko egunkaria hartzeko keinua egin du bietan zaharrena dirudienak, eta zera esan dio besteari: “Dauden albisteekin, agian gaur nahiago izango dut animalien dokumental bat ipini”... [+]
Sorkuntzarako, gozamenerako eta aldarrikapenerako espazio moduan dute oholtza musikari askok, baina bere ingurumarietan katramilatzen dira sarri, eta espazio "bortitz" bihurtzen da hegemonikoak ez diren gorputz askorentzat. Presio estetikoa, egiteko modu deserosoak,... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Apirilean argitaratu zuen Amorante frantsesa (Susa) Miren Agur Meabek (Lekeitio, 1962). Thriller ukitua du poemen bidez idatzitako nobela deigarriak eta, istorioa fikziozkoa den arren, badu idazlearen aurreko lanak markatu dituen kutsu autobiografikoaren arrastorik. Hortaz,... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Kostako zaizu Adurtza baino auzo zaharragorik aurkitzea Euskal Herrian: aurten 1.000 urte bete ditu, Donemiliagako Goldea dokumentuan ageri denez (ikusi Gakoak honetan Josu Narbartek idatzitako erreportajea horri buruz), eta merezi bezala ospatu dute bertan bizi direnek. Baina... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
1985. NATOn mantentzearen kontrako manifestazioak egin ziren Hego Euskal Herriko hiriburuetan azaroaren 10ean, tartean Donostian. Milaka lagun irten ziren kalera Koordinadora Antimilitaristaren deiari erantzunez, orduko agintariak karikaturizatzen zituzten mozorroekin. Kanpaina... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]