ARGIA.eus

2022ko urtarrilaren 26a

Urteko lehen bederatzi egunetan Barakaldon hiru eraso matxista salatu ditu Argitan-ek

  • Barakaldoko Argitan elkarte feministak manifestazioa deitu du urtarrilaren 14rako, "herrian bizitzen ari garen erasoen olatuaren aurrean". Izan ere, urteko lehen bederatzi egunetan dagoeneko hiru indarkeria kasuren berri izan dute. Lema hau jarri diote: "Indarkeria matxistaren aurrean; erantzun kolektiboa, elkartasuna eta autodefentsa feminista".

ARGIA @argia
2022ko urtarrilaren 11

Urtea hasi besterik egin ez denean, egunez egun eraso matxistak jasaten dituztela salatu du Argitanek, eta Barakaldon gertatutako kasuak zerrendatu ditu:

Urtarrilaren 2an 30 urteko gizon bat atxilotu zuten taberna batean sexu gehiegikeriak egiteagatik. Urtarrilaren 6an gizon bat atxilotu zuten bere bikote ohia erasotzeagatik. Urtarrilaren 7an Portugaleten 37 urteko gizonezkoa atxilotu zuten, emakume bat bortxatzea egotzita. Urtarrilaren 8an udaltzainak 20 urteko gizonezkoa atxilotu du emakume bati sexu erasoak egiteagatik.

"Emakumeen aurkako indarkeria pandemia bat da eta gure aukera bakarra irmoago erantzutea da"

Argitanek oroitarazi du "bizi dugun indarkeria estrukturala dela eta emakumeek bizi ditugun diskriminazio eta desberdinkerien ondorio zuzena dira". Horren aurrean "modu kolektiboan eta irmoki" erantzun behar dela nabarmendu dute: "Ezin dugu gertatzen utzi, bizitzen ari garen indarkeria matxistaren pandemiaren aurrean gure aukera bakarra irmoago erantzutea da. Kaleak gureak dira eta kalean aldarrikatuko dugu gure espazioa eta indarkeria matxistatik libre diren bizitzak bizitzeko eskubidea".

Autodefentsa feminista aldarrikatu dute eta erakunde publikoei eskatu diete "politika publiko orokorrak, errealak eta eraginkorrak" ezartzeko, "indarkeria matxistaren pantemia bukatzeko".

Urtarrilaren 14an manifestazioa

Arratsaldeko 19:30ean abiatuko da manifestazioa Herriko Plazatik. "Herriko kaleak zeharkatuko ditugu argi oihukatuz Barakaldon inolako erasorik ez dela geratuko erantzunik gabe".

Argitan elkarteak 25 urte daramatza Barakaldoko emakumeei doan eskainiz bere eskubideei buruzko informazioa, asesoramendu juridiko eta soziolaborala eta arreta psikologikoa. Bertara jotzeko aurrez hartu behar da hitzordua, 944 782 102 zenbakira deituta.

 

 

Kanal hauetan artxibatua: Feminismoa  |  Indarkeria matxista  |  Barakaldo

Feminismoa kanaletik interesatuko zaizu...
2022-01-26 | ARGIA
Bilgune Feministaren hogeigarren urteurrena ospatzeko Topagune Feminista egingo dute ekainean

Hogei urte beteko ditu aurten Bilgune Feministak, eta urtemugaren ospakizunari merezi duen tokia egin diote urteko eginbeharren zerrendan. 20 urtez paradisuak erretzen... Eztandak dardara gaitzala lelopean, datozen hilabeteetan hainbat herritan ospakizun ekimenak egiteko asmoa... [+]


2022-01-23 | Aitor Aspuru Saez
“Estatu Islamikoak eta Turkiak mentalitate atzerakoi eta patriarkal bera dute”

Rawda Hasan, Nariman Evdike eta Manal Mohammed kurduak Siriako Iparralde eta Ekialdeko Autoadministrazioko ordezkariak abenduan Euskal Herrian egon ziren, Suargi elkartearen eskutik. Durangoko Azoka, Eusko Legebiltzarra edota Nafarroako Parlamentua bisitatu zituzten ideiak... [+]


2022-01-21 | Hala Bedi
Abortatzeko eskubidearen aurkako kartelak jarri dituzte Gasteizko markesinetan

Abortatzeko eskubidearen aurkako publizitate kanpaina bat abiatu du elkarte katoliko batek, abortuak egiten diren kliniketako bezeroen jazarpena defendatuz. Bost kartel jarri dituzte Gasteizen, autobus geltokietako markesinetan.


2022-01-17 | Leire Artola Arin
COVID-19aren aurkako txertoak hilekoaren zikloan aldaketa iragankorrak eragin ditzakeela dio ikerketa batek

Extremadurako Unibertsitateko ikerlari-talde batek zuzendu du ikerketa, eta galdekatutako 17.515 emakumeetatik ia erdiek hilerokoan alterazioak sumatu dituzte: iraupenean, isuritako odol kantitatean edota menstruazio aurreko sintometan.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude