Urtebeterako espetxean sartu dute Julen Ibarrola, errotulagailuz "terrorismoa goratzeagatik"
Igande arratsaldean sartu zuten Basauriko espetxean gazte amurriarra, Auzitegi Nazionalaren aginduz. Ez da bakarrik joan, lagun eta senideen besarkadak eta babesa izan ditu bidean.
Julen Ibarrolari errotulagailuz pintaketa bat egin eta “terrorismoa goratzea” leporatzen diote eta urtebeteko espetxera zigortu du Espainiako Auzitegi Nazionalak horren ondorioz. Gazteak azaldu duenez ordea, gazte mugimendua du helburu epaiak: “Helburuak argiak dira: alde batetik, datozen gazte belaunaldiei beldurra zainetaraino sartzea; ez konprometitzea, indibidualistak eta sumisoak izatea. Eta, bestetik, urteetan zehar herriko gazte mugimenduan egindako lana zigortzea”, azaldu dio Aiaraldea atariari elkarrizketa batean espetxean sartu aurretik.
Ibarrolari jarritako zigorra salatu eta gazteari babesa emateko sortu zuten Julen Libre! Plataforma. Joan den astean, esaterako 750 lagun inguru bildu ziren bere herrian, Amurrion. Igande arratsaldean ere ez zitzaion inguruan jendea falta izan.
Julen Basauriko kartzelara bidean dago momentu honetan. Ez zoaz bakarrik, herri oso bat zurekin dago!
EUSKAL GAZTERIA AURRERA! GORA ZU! pic.twitter.com/upTTSF9H4q
— #JulenLIBRE (@JulenLIBRE_) 2018(e)ko otsailak 11
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Azken egunotan, Nafarroako Gobernuak Maravillas Gaztetxearen desalojo kautelarra eskatu zuenetik eta bereziki, operatiboaren prestaketa dela eta helikoptero bat Gaztetxea aztertzen aritzen denetik, Geroa Bai-ren aldetik botatako adierazpenek bultzatzen naute idaztera.
Udaberrian loraldia izatea ohikoena da, baina Nafarroan autogestioa oinarritzat hartzen duten proiektuak aurtengo udan loratu dira: Burlatan, Lizarran, eta Tafallan hiru gaztetxe berri sortu dira. Eta hauekin, aldaketa politikoa Nafarrora iritsi zenetik, zerrenda haunditzen doa: Arrotxapeako gaztetxea, Maravillas gaztetxea, Berriozarko Taupada gaztetxea, Lodosako Matadero gaztetxea, Mendillorriko Antzara proiektua, Plazara Iruñeko Alde Zaharreko gune komunitarioa...
Gune hauetan... [+]
Maria Solana Nafarroako gobernuko bozeramaileak adierazi du elkarrizketareko borondatea daukala Exekutiboak, baina, aldi berean, esan du hustea "eman daitekeela eta seguraski emanen dela", baina ez "pentsatzen den giroan".
Irunen pilatzen ari dira Hego Euskal Herritik Ipar Euskal Herrirako muga igaroz Frantziako Estatura joan nahi duten migranteak. Azken asteetan Hendaiara pasatzen direnen kopurua jaitsi egin bada ere, Bidasoaren alde batetik bestera igarotzen diren pertsonen mugimenduak etengabekoak dira. Asko ordea, bitartean, non jan eta non egon lekurik gabe geratzen dira. Migranteei laguntzen ari diren hainbat elkarterekin batera, Irungo Lakaxita gaztetxeko kideek aterbea eman diete.
Asteartean egindako agerraldian, Iruñeko Maravillaseko kideek nabarmendu dutenez, “beste auzo eredu baten alde” egiten du lan gaztetxeak.
Ernaik Oraina Borrokatzeko Koordenadak, Euskal Herria zerumuga berri baterantz liburuxka kaleratu du. Lur Albizu Etxetxipia (Artazu, Nafarroa, 1993) eta Asier Zamorano Arri (Algorta, Bizkaia, 1993) batu ditugu. Liburuxka “inkonformismo garrasia” dela diote, Euskal Herrian Bizi dinamikaren markoa izan asmo duena. Pare bat urterako lanketa gisa ikusten dute.
Loiolako Herri Harresian parte hartzeagatik jarritako zigorra ordaintzea lortu dutela informatu du Eleak-Libre mugimenduak. Esteban Orbegozo azpeitiarrari eta Beñat Hach Embarek ormaiztegiarrari 23.663 euroko isuna jarri zieten eta herriz herri egindako ekimenen bidez lortu dute ordaintzeko dirua.
"Euskal Herriko zinema aretorik txikienaren" aurrestreinaldia uztailaren 20an egingo du Dynamo zineklubak Eyharts taldearen ikuskizun batekin; Novedades aretoko 18 aulki, oihal originala eta beste zenbait apaindura ditu, zinema areto baten kutsua emateko.
GazteBira ekimena, Euskal Herrian Bizi dinamikaren barruan, Hego Euskal Herriko hiriburuak zeharkatuko dituen egitasmoa da, Ernai gazte Antolakundeak aurkeztu duena.
Urte luzeetan zehar Lizarrako Pinupe Gaztetxea gazte mugimenduaren erreferente bat izan eta gero, Lizarrako Gazte Asanbladak okupazio berri bat gauzatzea erabaki du eta Lizarrako erdialdean kokaturik dagoen eraikin publiko batean sartu dira autogestio proiektu bat martxan jartzeko asmoarekin.
