Urkulluk eta Etchegaray-k elkarlana sustatzeko xedeak berretsi dituzte

  • Eusko Jaurlaritzako Iñigo Urkullu lehendakariak eta Euskal Elkargoko Jean René Etchegaray presidenteak EAEko eta Ipar Euskal Herriko bi komunitateen lankidetza areagotzeko nahia agertu zuten atzo Gasteizen egindako bileraren ondoren.  


2019ko martxoaren 05an - 08:45
Jean-René Echegaray eta Iñigo Urkullu Ajuria Enean. Ondoan, Amestoy, Elorza eta Anton kabineteko buruak. Argazkia: Mikel Arrazola.

EAEko lehendakariak Ajuria Enean hartu zuen Jean-René Etchegaray. Bi agintariak hainbat arlo izan zituzten mintzagai, gobernu bien arteko elkarlana indartu aldera: kultura, euskara, kirol, nekazaritza eta turismo arloak izan zituzten aztergai, besteak beste.

Euskara arloan, “erabilpena” izan zuten gai garrantzitsua, bi mandatariek bat egiten zuten euskararen aldeko ekimenak elkarrekin garatzeko beharraz. Kultura arloan, berriz, proiektuen arteko koordinazioa eta berauen kalitatea beharrezkoa dela azpimarratu zuten.

Turismo eta laborantza arloak elkarren ondoan garatu beharra baitezpadakoa dela esan zuten: turismoa jasangarria izan dadin, tokiko baserritarren kalitatezko mozkinak bultzatu beharra dagoela adierazi zuten biek. Hau da, bi ekimenek, turismoak eta nekazaritzak, tokian tokiko ezaugarrien marka agertu behar dute.

Bi gobernuen asmoa da ere, immigrazioa, garraioa eta lurralde politika hobeto sustatzea: Share proiektua jarri dute abian horretarako. “Kari horretara, bi gobernuen arteko elkarlana medio, iheslari, migratzaile eta adingabeko bidaiariekiko erantzukizuna partekatuko dugu”, gehitu zuten. Jaurlaritzak Araban, Bizkaian eta Gipuzkoan lantzen dituen politikak Ipar Euskal Herrian ezartzen laguntzeko nahia agertu zuen Urkulluk.

Urkulluk halaber Iparraldeko Hirigintza Agentziarekin aspaldi sinatu zuten memoranduma gauzatzeko beharra gogoratu zuen, “bi komunitateen lurralde plangintza politika batera garatu ahal izateko”.

Azkenik, bilkuraren azken puntuan Frantziako Tourra izan zuten hizpide. Bi mandatariek Tourra Euskal Herritik abiatzea nahi dute. Areago, lehen etapaz gain, Hego eta Iparra lotuko lukeen etapa bat ere proposatu diote Tourreko antolatzaileei. 2022 edo 2023 urtean izan liteke.


Kanal honetatik interesatuko zaizu: Politika
2024-05-22 | Mikel Zurbano
Gezur Handia

Mariana Mazzucato eta Rosie Collington egileek Gezur Handia liburua argitaratu berri dute. Efizientzia ekonomikoaren izenean bulego pribatuek gobernuen politikak diseinatzean sortzen dituzten eragin negatiboak aztertzen dira bertan. Liburuaren azpitituluak edukiaren haria... [+]


Euskal sindikatuen aldarrikapen historiko bati atea ireki eta lurralde-hitzarmenak lehenetsi ditu Espainiako Gobernuak

Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.


2024-05-21 | ARGIA
Nafarroan epaitu gabe gelditu den bortxaketa bikoitza aztertuko du Estrasburgok

2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]


Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".


Eguneraketa berriak daude