Uraren kudeaketa esku publikoetara itzultzea nahi dute Ermuko herritarrek
Ermuan sutan daude ura dela eta. 1989tik, Aquarbe enpresa arduratzen da etxeetara iristen den uraren kudeaketaz, baina Udalak dauka haren –alegia, uraren– jabetza eta, ondorioz, berak ezartzen du prezioa. Iaz, PSEk eta PPk osatutako gobernu taldeak erabaki zuen 2014rako tarifa sistema berria ezartzea. Aldaketak zalantza eragin zuen hasieran, haserrea ondoren. Ura garestiegi ordaintzen ari direlakoan, herritarrak kalera atera dira, oposizioko alderdien laguntzarekin.
Baina ermuarrak ez dira konformatu lehengo prezioetara itzultzeko eskatzeaz; kudeaketa osoa Gipuzkoako Urak partzuergoaren esku egon dadin nahi dute. Gaurko Udalbatzan erabakiko da zer bide hartuko duen Ermuak.
Herritar Batzarraren izenean mintzatu zaigu David Saceda. Dioskunez, mobilizazio esanguratsua eragin du uraren aferak herrian. Apirilaren 4an, 400 lagun bildu ziren Ermua Antzokian; handik hiru egunera, 2.500 lagun inguru atera ziren kalera, Batzarrak deitutako manifestazioarekin bat eginez (16.000 biztanle inguru dauka Ermuak). Ondoren, Udaletxeko alderdiekin bildu eta oposizioko hiru taldeen (EAJ, Bildu eta Ezker Anitza) erabateko atxikimendua lortu zuten.
Gaur egun, Ermuan metro kuboko 0,66 euro kobratzen zaie erabiltzaileei, kontsumoa pertsonako zazpi metro kubotik behera dagoen bitartean. Hortik gora, prezioa asko handitzen da: 1,05 euro metro kuboko. “Konparatzen hasi ginen eta ikusi genuen alboko herri batzuetan (Eibar, Elgoibar…) dezente merkeago ordaintzen zutela”, diosku Sacedak. Herri horiek Gipuzkoako Urak partzuergoaren barruan daude, eta lehen tartean 0,55 ordaintzen dute metro kuboko; bigarrenean berriz, 0,65. “Bigarren tartea garestiagoa izatea neurri egokia da, zigorra ezartzen baitio alferreko gastuari, baina gurean jarri zituzten prezioak ez ziren arrazoizkoak”. Azkenean, Herritarren Batzarrak erabaki zuen Gipuzkoako Uretan sartzea zela irtenbide onena, eta horixe eskatzen dute.
“Argi utzi nahi dugu, eta oposizioko hiru taldeek gaur aurkeztuko duten mozioak ere hala dio, uraren kudeaketa integrala partzuergoaren esku egotea nahi dugula”, azpimarratu du Sacedak. Izan ere, PSEk eta PPk, herritarren mobilizazioari erantzunez, partzuergoarekin nolabaiteko harremana proposatu dute konponbidetzat, “baina ez dute zehaztu norainoko harremana litzatekeen”. Herritarrak beldur dira Udalak gaur prezioak jaitsi eta etorkizunean berriz igotzeaz, horregatik nahi dute partzuergoa erabateko integrazioa: “Hartara, prezioa ezingo luke ezarri Gipuzkoako Urak ez den inork”.
Gainera, Aquarberekin kontratua eteteak ez lekarke aparteko kalterik, klausula batek esaten baitu Udalak hala egiteko eskubidea duela, kalte-ordainik pagatu gabe, maila goreneko erakunde batean txertatuz gero. Partzuergo batean, alegia. Hori bai, prozesuan enpresako langileen eskubideak kaltetuak izan ez daitezela eskatu du Herritarren Batzarrak
Gipuzkoako Urak-en sartzeak beste arazo bat konpontzeko bidea zabalduko lukeen esperantza ere badute: herriaren zati bateko hondakin-urak araztu gabe joaten dira ibaira oraindik ere, inork ez baitu arazoa konpontzeko ardura bereganatzen. David Sacedaren esanetan, Udalak eta Jaurlaritzak elkarri egozten diote lanak egiteko erantzukizuna.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Esako handitze lanek ez dituzte soilik urtegian behera euren segurtasuna ezbaian ikusten duten herritarrak kezkatzen, goiko bailaretan ere eragin kaltegarria izan dezakete.
Esako handitze lanek ez dituzte soilik urtegian behera euren segurtasuna ezbaian ikusten duten herritarrak kezkatzen, goiko bailaretan ere eragin kaltegarria izan dezakete.
Jakina da gizakiok eta izaki bizidunok bizitzeko nahitaezko dugula ura. Nazio Batuen Erakundeak ere gizaki guztiok ura izateko dugun eskubidea txertatua du bere oinarrietan. Baina, nola bizi dute eskubide hori, esaterako, Hamadako desertu idorrean bizi direnek? Saharako errefuxiatu kanpamentuetan kalitatezko ura lortzeko zailtasunek erronka bihurtu dute herritar guztiek urerako sarbidea bermatua izatea. Horretarako laguntza lanean dihardu Arabako SEADen Lagunen Elkarteak.
Usurbilgo alkate Xabier Arregik eta Añarbeko Urak partzuergoko kudeatzaile Joxean Ercillak azalpenak eman dituzte joan den astean herrian izandako gastroenteritis piztualdiaz. Arregik adierazi duenez, momentuz Añarbeko uraz baizik ez dira hornituko usurbildarrak, udalaren ur baliabideak biltzen dituen Erroizpeko biltegian kutsadura zerk eragin zuen argitu arte, nahiz eta une honetan garbi dagoen hango ura ere.
2001ean Jaume Matas Espainiako Ingurumen ministroak Esako presa berriaren lehenengo harria jarri zuenetik, epeek eta aurrekontuek gora egin dute modu geldiezinean, baita presa sostengatzen duen magalaren mugimenduek ere. Herritarren artean ezjakintasuna da nagusi, eta Ebroko Ur Konfederazioaren erantzuna isiltasuna da. Handitzearen benetako eraginak jakin bitartean obrak geldi ditzatela eskatzen du gizarteak, eta eskaera horri batu zaio Nafarroako Gobernua.
Urak dakarrena, urak daroa… baldin eta ur hori urtegi erraldoi batean ez badute biltzen hamaika negozio egiteko.
Sustrai Erakuntza fundazioak jakinarazi duenez, Espainiako Auzitegi Gorenak baliorik gabe utzi du Jurramendiko Mankomunitatearen ur horniketa handitzeko helburua duen Udalaz Gaindiko Plan Sektoriala (UGPS). Plan horrek inguruko hainbat talde eta udal izan ditu aurka hasieratik, baita Sustrai Erakuntza bera ere. Bat-bateko balorazioan esan dutenez –geroko iragarri dute epaiaren analisi sakonagoa–, Auzitegi Gorenaren erabakiak agerian uzten du Lokizko akuiferotik egiten diren ur... [+]
Ega Bizirik elkarteak eta Sustrai Erakuntza fundazioak iragarri dute Nafarroako Arartekoan salaketa ipiniko dutela Egaibar bailaran, Lokizko akuiferotik ura ateratzeko Jurramendiko Mankomunitatea egiten ari den bi putzuen obrak direla eta. Ur erauzketak dagoneko eragiten duen kalte ekologikoa areagotzeaz gain, lanak irregularki egiten ari direla adierazi dute.
Urteak daramatza Irlandak krisiaren ondorio latzak jasaten: hezkuntza, osasun eta zerbitzu publikoetan murrizketak, zor publikoaren ordainketak… 2014an Troikak Irlandari maileguak emateari utzi zion eta horri gobernuak urari zergak ezarri izana gehitu behar zaio. Protesta ugari sorrarazi du irlandar gizartean. 2014an sortu zen “Right2Water” uraren pribatizazioaren aurkako plataformaz hitz egin dugu Brendan Ogle Irlandako sindikalista eta aldi berean “Right2Change”... [+]
1996ko apirilaren 6an Itoitzekin Elkartasuna taldeko zortzi kidek urtegiko obren kableak moztu eta presaren eraikuntza hainbat hilabetez gerarazi zuten. 20 urteren ondoren zero gunera itzuli gara.
