UPNk “baldintza ideologikoak” ezarri zituen ETBren seinale digitala Nafarroan jasotzeko
Miguel Sanz eta Patxi Lopezen gobernuek bilera egin zuten Gasteizen 2009ko ekainean eta haren aktak adierazten du UPNk aldaketa ideologikoak eskatu zituela ETB Nafarroan ikusi ahal izateko.
aurre egingo dieten hedabide independenteak
Eguraldiaren mapa izan da UPNk erabili ohi duen argudio sinbolikoa ETB Nafarroan ikustea eragozteko. Horretaz baliatu da urteetan esateko EITBk ez zuela Nafarroako errealitate instituzionala errespetatzen. Argudio hori bera izan zen bileraren ardatza. Lopezen aholkulari eta komunikazio arduradun Andoni Unzalu eta UPNren Gobernuko komunikazio arduradun Joaquín Ortigosa bildu ziren Gasteizen hitzarmena jorratzeko.
Maparen aldaketa eskatzeaz gain, bilera hartan Ortigosak informatiboetako kolaboratzaileak aldatzea proposatu zuen eta Diario de Navarrako bi kazetariren izenak ere iradoki zituen. ETBk Nafarroarako egiten duen Navarra Directo saioa kentzea ere aipatu zuen, “nazionalismoaren alde nabarmen egiten zuelako”. Adibide gisa jarri zion aurreko hauteskundeetan Uxue Barkos eta Patxi Zabaletaren alde egin zutela. PSE-EEko ordezkariak erantzun ei zion EITBko arduradun berriek informatiboak “profesionalizatu” behar zituztela. Ortigosak erantzun zion ez zuela ezagutzen Espainian gobernuzalea ez zen telebista publikorik.
Tarteko eskaintza gisa, Eusko Jaurlaritzak “ETB2ko ordu bat” eskaini zion Nafarroako Gobernuari, “hark nahi zuen programa egin zezan ordutegi on batean”. Erakargarria egin zitzaion Ortigosari, baina arriskutsua ere bai, “ETBren zati txiki bat onartzean, Euskadiren zati txiki baten gisa agertu gaitezkeelako”. Beste arazo bat ere azpimarratu zuen: “Legebiltzarrak saioak fiskalizatu nahiko lituzke nabarrista eta elebakar izan ez daitezen”. “Kolaboratzaileen mapa ere aldatzea” eskatu zuen Ortigosak “eztabaidetan nabarrismoa ez dagoelako ordezkatua”. Unzaluk ongi hartu zuen proposamena eta “HBrekin harremanak zituztenak” kentzeko borondatea agertu zuen.
Diario de Noticias egunkarian Ibai Fernandez kazetariak sinatutako albistean ematen da bileraren berri. Eduki hauetako gehienak, dena den, ez ziren hilabete beranduago sinatutako hitzarmenean jaso. Hitzarmena ez zen inoiz indarrean sartu, egunkariaren esanetan “desadostasun ekonomikoengatik” eta “borondate politiko ezagatik”, eta EITBk seinale analogikoarekin jarraitu behar izan zuen Nafarroan.
Uxue Barkosen Gobernuak bideratu zuen azkenean seinale digitala jaso ahal izatea, baina, UPNk jarritako salaketaren ondorioz, iragan maiatzean Industria Ministerioak seinale digitala bertan behera uzteko agindu zion EITBri. Uztailerako telebista-irrati zerbitzuei buruzko hitzarmen berria iragarri dute Nafarroako Gobernuak eta EITBk.
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea... [+]
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.