ARGIA.eus

2021eko irailaren 28a

Unibertsitatea ia doan, ikasgaiak gaindituz gero

  • Berrikuntza inportantearekin hasi dute ikasturtea Andaluziako unibertsitate publikoetan: hemendik aurrera, gainditutako kredituen %99 administrazioak ordainduko ditu, ez ikasleak. Hala, ikasgai guztiak gainditu dituen ikasleak, 60 kredituko ikasturteagatik 757 euroko matrikula ordaindu beharrean 7,6 euro inguru ordainduko ditu.

Mikel Garcia Idiakez @mikelgi
2017ko irailaren 19a

Konparaziorako, EHUn 1.012 euro inguru ordaintzen ditu ikasleak 60 kredituko matrikulagatik, eta NUPen 1.152 euro inguru. Frantziako Estatuko unibertsitate publikoetan, matrikula-gastuen %80 baino gehiago gobernuak ordaintzen duenez, batez beste 184 euroren truk matrikula daitezke ikasleak.

Andaluziako Juntaren hitzetan, gainditutako kreditu bakoitzagatik kenkaria jasotzeak ikasleak motibatuko ditu, eta goi-mailako ikasketak doakotasunera hurbiltzeko modua ere izan nahi du erabakiak. Austria, Danimarka, Finlandia, Norvegia, Suedia, Eskozia, Turkia eta Txipren, adibidez, doakoa da unibertsitatea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Unibertsitatea  |  Andaluzia  |  EHU  |  NUP

Unibertsitatea kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude