Errusiak bakea adosteko beste proposamen bat helarazi dio Ukrainari eta bere aldetik Ukrainak ere Mariupol hirian bildu eta negoziatzeko proposamena egin dio Errusiari. Apirilaren 21 honetan, Mariupol hiri estrategikoa Errusiaren esku artean dagoela aldarrikatu du Vladimir Putinek.
Adostasun batera heldu nahian dabiltzala, egunez egun aurrera doa Ukrainako gerra. Atzo, apirilaren 20an, Errusiak berriz ere bidali zion bakerako proposamen berria Ukrainari. Maria Zakharova Errusiako Atzerri Ministerioko bozeramaileak zehaztera eman duenez, horra nagusiki zein diren baldintzak: Ukrainak estatus neutrala izatea, Krimea Errusiaren parte dela eta Donetskeko eta Luhanskeko herri errepubliken independentzia onartzea, eta errusiera hizkuntza ofizial bilakatzea.
"Negoziaketa saio berezia" eskatu dio bere aldetik Ukrainak Errusiari. Zehazki, Mariupol hirian elkartzeko irekidura erakutsi dio. Horren berri eman du Mykhailo Podolyak Ukrainako negoziatzaileak txio bidez: " Baldintzarik gabe. Prest gaude negoziazio-saio berezia antolatzeko Mariupolen. Bat baten aurka. Bi biren aurka. Gureak salbatzeko, Azov, militarrak, zibilak, haurrak, biziak eta zaurituak. Mundu guztia. Gureak direlako. Nire bihotzean daudelako. Betiko".
Yes. Without any conditions. We’re ready to hold a “special round of negotiations” right in Mariupol. One on one. Two on two. To save our guys, Azov, military, civilians, children, the living & the wounded. Everyone. Because they are ours. Because they are in my heart. Forever.
— ??????? ??????? (@Podolyak_M) April 20, 2022
Mariupolen geratzen den Ukrainaren erresistentzia gune bakarrenetako bat da Azovstal altzairutegia eta horra begira daude alde guztiak. Azkenean, Vladimir Putinek zehaztu du Errusiako armada ez dela bertara sartuko: "Industria gunean sartzeko agindua ez da egokia eta bertan behera uzteko eskatzen dut". Interfax albiste agentziaren arabera, soldatu eta ofizialen bizitzak babesteko beharraren azalpena eman du Putinek. 2.000 soldatu ukrainar daude bertan, hamar bat kilometroko eremuan, lur azpian zein gainean. Errusiako armadak eta Donbasseko herri errepubliketako soldaduek duela zenbait aste inguratu zuten, eta aste honetan bukatu da altzairutegia husteko ukrainar soldaduei egindako ultimatuma.
Badu asteak Mariupol hirian dabiltzala bi aldeak elkarren kontra, gogor eta hiria xehatua da. Azovstal altzairutegia salbu, beste guztia kontrolatzen du Errusiak eta "arrakastatzat" jo du garaipen hori Putinek.
Ramzan Kadirov Txetxeniako Errepublikako presidenteak gaur goizean zehaztu du apirilaren 21 honetan hartuko duela hiria kontrolpean Errusiako armadak. Horrelakorik ez du onartzen Ukrainako Gobernuak.
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.