Udalbiltza Zuberoan: gasnategi batekin akordioa itxita eta Alozeko ikastola bidean

  • Udalbiltzak Pirinioak sendotzen programaren baitan lehen ekimena aurkeztu du Maulen. Azkorria gasnategiarekin akordioa sinatu du eta era berean Alozeko ikastolari diru laguntza bat ematea aztertuko du.


2014ko otsailaren 21an - 00:00
Azken eguneraketa: 2015-02-26 13:37:33
Gasnategiko, Alozeko ikastolako eta Udalbiltzako kideak Mauleko Herriko Etxean elkartu dira proiektua aurkezteko. Argazkia: Udalbiltza.info

Aizkorria gasnategiarekin mailegu kontratu bati buruzko akordiora iritsi da Udalbiltzak jakinarazi duenez. “Mendialdean lan egiten, eremu txikiko etxaldeak laguntzen, herriari loturiko laborantza garatzen eta ingurumena babesten segitzeko, Udalbiltzak ekonomikoki laguntzea erabaki du”, azaldu du Daniel Olzomendik, erakundeko lehendakariordeak. Mailegu gisa 10.000 euro utziko dizkiote gasnategiari, 2016an eta 2017an itzultzeko baldintzarekin.

Alozeko ikastolaren kasuan, 6.000 euroko diru laguntza ematea aztertuko dute Garapen eta Kohesio Fondoaren Kontseilu Orokorrak egingo duten hurrengo bileran. Orain arte Zazpiak Bat sareak ematen zion diru laguntza ikastolari eta honen lekukoa hartuko luke Udalbiltzak proiektua aurrera ateratzen bada. “Ipar Euskal Herriko ikastolek sekulako lana egiten dute euskarazko hezkuntza jaso dezaten haur eta gaztetxoek”, baieztatu du Olzomendik.

Pirinioak sendotzen

“Euskal Pirinioetan lan eta bizi” egitasmoa martxan jarri zuen Udalbiltzak joan den urtarrilean. Garapen ekonomiko eta sozialerako egitasmoa Baxe Nafarroa, Xiberoa eta Nafarroa Garaian eragina izatea du helburu. Proiektuak bost laguntza programa abiatuko ditu, eta horretarako bertako instituzio, eragile eta herritarrekin hitz egingo du nazio erakundeak.

 


Kanal honetatik interesatuko zaizu: Udalbiltza
‘Hamarreko bitxia’ ipuin liburu kolektiboa argitaratu du Udalbiltzak

Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.


Udalgintza eta herrigintza eraldatzailea: Euskal Herriko ekimen burujabeak saretzeko jardunaldiak Hernanin

Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]


2021-04-27 | ARGIA
Udalbiltzaren "Geuretik Sortuak" proiektua
26 artistek bere herria ez den batean landuko dute bere obra

Udalbiltzak bere lehen kultur-egitasmoa martxan jarri du: Geuretik Sortuak proiektua. Artistek beren sormen lana burutzeko hiru aste bitarteko egonaldia egingo dute, bere bizilekua ez den herri batean. Udalbiltzak azaldu duenez, proiektu honek "euskal kultura Euskal Herriko... [+]


2020-12-27 | Estitxu Eizagirre
Udalbiltzaren 'Hauspotu' programa
Lur gorrietan ekonomia eraldatzaileaz herritarren bizitza eraikitzen

Artikulu honek udalgintza eraldatzailearen adibide praktiko bat azaltzen du: despopulazioa, langabezia edo zerbitzuen irisgarritasunean arazoak dituzten zonaldeetan ekonomia suspertzeko Udalbiltzak eta Olatukoopek elkarrekin martxan jarritako Hauspotu programa, hain zuzen... [+]


Eguneraketa berriak daude