Jabi Asurmendi Sainz, Arakaldoko alkatea (EH Bildu), izango da Udalbiltzako lehendakaria 2019-2023 epealdian, Luis Intxausperi lekukoa hartuta.
Elkartean 20. urteurrenaren baitan, zuzendaritza berritzeko batzarra egin dute larunbatean Durangon. Lehendakariordeak, Asteasuko alkate Pili Legarra eta Vianako zinegotzi Irantzu Antoñana izango dira.
Eskerrik asko @Udalbiltza -ko kide ohiei emandako guztiagatik, ohore handia da zuen eta Loren Arkotxa, @MertxeAizpurua-ren eta @LuisIntxauspe-ren lekukoa jasotzea. pic.twitter.com/vO6wxl8CLh
— Jabi Asurmendi (@jabiasurmendi) November 17, 2019
Ardatz nagusiak
Euskal Herri osoko 1.050 hautetsik osatzen dute Udalbiltza. Durangoko alkate Ima Garrastatxuk batzarraren irekieran adierazi duenez, "bereizten gaituzten muga administratiboen gainetik zubiak eraikitzeko bokazioa duen erakunde publiko nazionala da Udalbiltza; gaur eta hemen, Euskal Herriaren eraikuntzan aurrera pausuak eman eta proposamen zehatzak garatzeko helburua duena, betiere, lurralde garapenaren, ekonomia sozial eraldatzailearen, jasangarritasunaren eta saretzearen ildoetatik tiraka".
Epe motzera begirako lanari dagokionez, ardatz nagusiak dira: Ikerbiltza, Hurbiltzen, Hartu-eman eta Hauspotu proiektuak; Lurgida app turistikoa eta Euskal Herriko historiaren memoria gunea.
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Udalbiltzak bere lehen kultur-egitasmoa martxan jarri du: Geuretik Sortuak proiektua. Artistek beren sormen lana burutzeko hiru aste bitarteko egonaldia egingo dute, bere bizilekua ez den herri batean. Udalbiltzak azaldu duenez, proiektu honek "euskal kultura Euskal Herriko... [+]
Artikulu honek udalgintza eraldatzailearen adibide praktiko bat azaltzen du: despopulazioa, langabezia edo zerbitzuen irisgarritasunean arazoak dituzten zonaldeetan ekonomia suspertzeko Udalbiltzak eta Olatukoopek elkarrekin martxan jarritako Hauspotu programa, hain zuzen... [+]