"Espainiako Konstituzioaren gezurrak" zenbatzen dituen erakusketa aurkeztu du Udalbiltzak
Euskal Herriko udaletxe askotan abenduaren 6a lan eta aldarrikapen eguna izango dela adierazi dute Luis Intxauspe Udalbiltzako presidenteak eta Patricia Perales Iruñeko Udaleko zinegotziak.
Espainiako Konstituzioaren 40. urteurrena dela eta, Konstituzioaren testuan dauden “gezurrak” salatu eta estaturik gabeko nazioengan duen eragina azaltzen duen erakusketa aurkeztu du Udalbiltzak.
Ahotsa.info-n irakur daitekeenez, “ezer ospatzeko” ez dagoela eta Euskal Herria, Katalunia eta tankerako herriek konstituzio “propio” baten beharra dutela, defendatu dute Intxauspek eta Peralesek.
Joseba Asiron Iruñeko alkateak erakusketa herrian aurkeztearen garrantzia azpimarratu du, XVI. mendetik lurraldetasun-gatazka “gogorren” pairatu den tokia dela argudiatuz. Bide batez, Espainiar Konstituzioak herrien eskubideak “ez dituela onartzen” eta autonomia erkidegoen aurkako gero eta “eraso gehiago” daudela gaitzetsi du alkateak. Erakusketa eta bere zentzuaz bideo bat ere kaleratu du Ahotsak.info-k.
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Udalbiltzak bere lehen kultur-egitasmoa martxan jarri du: Geuretik Sortuak proiektua. Artistek beren sormen lana burutzeko hiru aste bitarteko egonaldia egingo dute, bere bizilekua ez den herri batean. Udalbiltzak azaldu duenez, proiektu honek "euskal kultura Euskal Herriko... [+]
Artikulu honek udalgintza eraldatzailearen adibide praktiko bat azaltzen du: despopulazioa, langabezia edo zerbitzuen irisgarritasunean arazoak dituzten zonaldeetan ekonomia suspertzeko Udalbiltzak eta Olatukoopek elkarrekin martxan jarritako Hauspotu programa, hain zuzen... [+]