Uber enpresa Bilbon: VTC-ekin ezin lan egin, janari-banatzaile prekarioekin bai
Eusko Jaurlaritzak VTC ibilgailuen sektoreari galga jarri dien arren, Uber enpresak kudeatutako etxez etxeko janari-aplikazioak ez du inolako eragozpenik aurkitu Bilbon.
Hemendik aurrera, Uber Eats-en banatzaileek euren motxilak paseatuko dituzte hirian zehar, dagoeneko antzeko zerbitzuak eskaintzen dituzten Glovo edo Deliveroo bezalako aplikazioen banatzaileek bezala. Dagoeneko 120 jatetxetara egin daiteke eskaria multinazional horren aplikazioaren bidez.
Uber enpresaren barruan, janari-banaketaren adarrak negozioaren %16 hartzen du dagoeneko, eta 36 herrialdetako 350 hiritan dago kokatuta. Zifrak etengabe hazten ari dira gainera. Baita sektore horretan lan egiten duten banatzaileen egoera prekarioa ere –Espainiako Estatuan, banatzaileok autonomo gisa lan egin izan dute, Gizarte Segurantzaren kostu guztiak beren gain hartuz; gai hori auzitara eraman zuen langile batek eta epaiketa irabazi–.
Uber Eats-ek ez du zehaztu momentuz zenbat langile dituen Bilbon. “Ez dugu banatzaileen kopurua ematen, askotan zenbaki zehatza ez delako oso esanguratsua. Bada egunean ordu batzuk bakarrik konektatzen den jendea eta eguna beste lan mota batekin osatzen duena, baita beste plataforma batzuekin ere”, adierazi dio Deia egunkariari Manel Pujolek, Uber Eats-en Espainiako dibisioko zuzendari nagusiak.
Banatzaile horien estatusa beste plataformetan bezalakoa da Uber Eats-en ere, Pujolek adierazitakoaren arabera: banatzaileekin “kolaboratzen” dutela esan dio Deiari, “ez dira gure langileak”. Esplikatu duenez, langileak “konektatu daitezke egun batez bakarrik, arratsaldez banaketa batzuk egin nahi dituztelako. Inork ez die eskatuko non dauden edo noiz konektatzen diren azaltzeko”.
LABek jakin ahal izan duenez, Iruñeko garraiolari bat hil da asteazken goizaldean Erriberrin, lanerako zerabilen kamioia bidetik atera eta irauli ostean.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
