Deliveroo banaketa-aplikazioaren kontrako epai batek zalantzan jarri du haren negozio-eredua
Deliveroo bidez lan egiten duten banatzaileak ezin dira autonomotzat hartu, Valentziako epaitegi batek eman duen sententziaren arabera. Epaiak zalantzan jarri du mota horretako aplikazioen negozio-eredua.
Ekonomiaren beste alorretan Airbnb eta abarrek modan jarri dituzten konpainien ildoan antolatua, Deliverook inolako kontraturik gabe erabiltzen ditu berak Internetez kontrolatutako zerbitzuak fisikoki bizikletaz banatzen dituzten mezulari teorian eta kontratuz autonomoak baina enpresak zorrotz lotuak.
Victor Sanchez banatzaileak eraman zuen auzitara Deliveroo, argudiatuz enpresa horretan egin zuen lana "sasiautonomo" gisa egin zuela, ez benetako autonomo gisa. Beraz, Deliverook hartu behar zituen bere gain langilearen Gizarte Segurantzako gastuak eta ez langileak, Deliverooren ereduan ohikoa den bezala.
Sartu beharreko ordu kopurutik hasi eta egin beharreko lanak zehazteraino, enpresak prozesu guztia kontrolatzen duenez, banatzaile gisa aritzen direnak soldatapeko langiletzat jo behar liratekeela dio epaiak.
Epaiak zalantzan jartzen du Deliverooren negozio-ereduaren muina bera, izan ere, mota honetako enpresen arrakasta bidalketa gastuak asko gutxitzean datza; eta beraz, enpresak lortzen duen irabazi-marjina langileen gastuak murriztean oinarritzen da: soldata baxuak bizikletan banatzaile ari denarentzat eta Gizarte Segurantza bere kontu.
Espainiako Estatuan mota honetako epai bat agertu den lehenbiziko aldia da, baina "ekonomia kolaboratibo" eufemismoarekin izendatu dituzten mota honetako negozioek zeresana eman dute azken urteetan, beraientzat lan egiten duten pertsonek jasaten duten muturreko prekarizazioagatik.
Besteak beste, iazko uztailean Deliveroo-ren mezulariek greba egin zuten Espainiako Estatuan.
2017ko urrian iritsi zen banaketa-enpresa polemikoa Bilbora.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.