Emakumeak borrokan

Txus Martinen ebakuntza egunean, gaixo dauden presoen egoera salatu du Sarek

  • Txus Martin Hernando presoari ebakuntza egin diote Txagorritxu ospitalean, gutxiegitasun aortikoa dela-eta. 2002tik espetxean, eskizofrenia paranoidea eta antsietate desorden orokorra ere baditu, baina gaixotasun larria eta sendaezina izan arren, askatasuna ukatzen diote. Espetxean larriki gaixo dauden 22 euskal presoak izan ditu gogoan Sare Herritarrak.

ARGIA @argia
2018ko abenduaren 19a

“Argi dugu giza eskubideen urraketa baten aurrean gaudela. Preso diren pertsonen bizia arriskuan jartzen duen auzi bat da eta Gobernu berriak aldaketak iragarri arren, egun oraindik ere mendekua oinarri duen espetxe politikak indarrean jarraitzen du. Berau aldatzea ezinbestekoa ez ezik, guztiz urgentziazkoa da”, dio Sarek.

Txus Martinek 55 urte ditu, 2002tik dago espetxean eta bost urte egin ditu isolamendu edo bakartze egoeran. “Muturreko egoera honek eragin zuzena du preso den pertsonaren osasunean”. Larriki gaixo egon arren, Audientzia Nazionalak baldintzapeko askatasuna ukatu zion 2012an. Orain bigarren graduan dago eta bere konfiantzazko psikologoarekin egoteko aukera ere ukatu diote.

“Egoera inhumano honen aurrean, halako muturreko egoerak ahalbidetzen dituen espetxe politika” salatu du Sarek eta datorren urtarrilaren 12an Baionako zein Bilboko “kaleak betetzera” deitu ditu herritarrak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal preso politikoak  |  Espetxe politika

Euskal preso politikoak kanaletik interesatuko zaizu...
2019-05-22 | ARGIA
Mikel Karrera Sarobe euskal presoa Lannemezango espetxera gerturatu dute

Mikel Karrera Sarobe euskal presoa Lannemezango kartzelara gerturatu du Frantziako Gobernuak, Etxerat elkarteak informatu duenez.


(In)justizia sistema patriarkalaren aurrean, Nekane, guk sinisten dizugu!

Orain arteko bidea ez da erreza izan Nekane Txapartegirentzat. 18/98 sumarioaren epaiketaren harira, 2007an, torturapean egindako testigantzetan oinarrituz 11 urteko espetxe zigorrera kondenatua izan zen. Gauzak horrela, Euskal Herritik alde egitera behartuta ikusi zuen bere burua; halere, euro aginduaren eta estradizio eskaeraren ondorioz, 2016an atxilotua izan zen.


2019-05-20 | Ahotsa.info
Euskal errepresaliatuak etxerako bidean jartzeko premia aldarrikatu dute Lasterbidean

Lakuntza eta Arbizu artean ospatu da Lasterbidean lasterketaren zazpigarren edizioa, "Leisterka denak itxaa!" lelopean. Korrikaren kirol eremutik jaiotako euskal errepresaliatuekiko eta beren gertukoekiko elkartasun herri ekimen honetan ehunka lagunek hartu dute parte. Eguraldia ez dute lagun izan, baina hala ere giro paregabea izan da egun osoan zehar.


2019-05-14 | ARGIA
Korrikak eta AEK-k elkartasuna adierazi diete presoen argazkiak eramateagatik atxilotutako lagunei

“Alderdien arteko tirabiren jokoan” eragiteko nahia ikusten dute atxiloketen atzean Korrikak eta AEK-k. Sortuk eta Amnistiaren Aldeko eta Errepresioaren Aurkako Mugimenduek ere kritikatu dute polizia operazioa.


2019-05-13 | ARGIA
Oier Urrutia presoaren lagun batek auto istripua izan du

Istripua gertatu da Urrutiaren laguna Logroñoko espetxera bisitan zihoala. Laguna onik da, baina bisita galdu dute presoak eta lagunak.


2019-05-09 | Z. Oleaga
"Epaiketaren datak gainera datozkigu eta buru-belarri lanean hasi gara"

Jasotzen ari diren “berotasun eta hurbiltasuna” eskertu dute ohar batean. Epaiketaren aurka eta preso eta erbesteratuen egoera konpontzearen alde “mobilizazio herritar indartsu bat” aurreikusi dute.


2019-05-08 | Ahotsa.info
Xabier Sagardoy
"Nahiz eta espetxean 10 urte pasa, harro nago militatu izanaz"

Xabier Sagardoy Barañaingo gaztea 2008an atxilotu zuen Guardia Zibilak Segi gazte erakundeko kidea izateagatik. Kale borroka ekintza batzuk ere leporatu zizkioten. Tortura latzak salatu zituen Sagardoyk. Hurrengo asteetan, inkomunikazio egunetan lortutako informazioarekin atxiloketa ugari egin zituzten Guardia Zibilak eta Espainiako Poliziak.

 


2019-05-06 | ARGIA
30 urte preso daraman Xistor Haranburu askatzen duten aztertuko dute astearte honetan

Iragan apirilean Frantziako Estatuan 30 urteko espetxe zigorra bete duen Xistor Haranbururen bigarren askatze eskaera aztertuko dute astearte honetan, hilaren 7an. Presoen aldeko Bagoaz elkarteak elkarretaratzea deitdu du gaurko Senperen.


2019-05-03 | Aiaraldea.eus
Omenaldi jendetsua egin diote Isidro Murgari

Iragan larunbatean zendu zen Isidro Murga. Gaur arratsaldean omenaldi jendetsua egin diote Egin egunkariko sustatzaile eta herri mugimendu ugaritako kidea izan zenari. Laudioko Lamuza parkean egin dute ekitaldia, eta ehunka herritar bertaratu dira zitara, gizarte eta politika munduko ordezkari ugarirekin batera.


2019-04-25 | ARGIA
Andoni Goikoetxeari zazpi urteko espetxe zigorra ezarri dio Espainiako Auzitegi Nazionalak

Andoni Goikoetxea pasa den apirilaren 9an epaitu zuten Espainiako Auzitegi Nazionalean. Zazpi urteko kartzela zigorra ezarri dio. Ibarran (Gipuzkoa) jarritako kontrolean atxilotu du Guardia Zibilak asteazken arratsaldean.


Azkenak
EGILEA
Eguneraketa berriak daude