Txillardegi omentzeko ekitaldi sorta prestatu dute haren heriotzaren 5. urteurrenean

  • Jose Luis Alvarez Enparantza “Txillardegi” euskal idazle, hizkuntzalari, pentsalari eta politikariaren heriotzaren 5. urteurrena dela eta, ekitaldiak antolatu ditu Txillardegi liburutegia kultur ekimenak.


2017ko urtarrilaren 09an - 11:35

Euskal hizkuntzari “hainbeste” eman dion idazlearen oroimenak merezi duen lekua hartu beharko lukeela uste du Txillardegi liburutegia kultur ekimenak, eta egitarau zabala prestatu du bere heriotzaren 5. urteurrenaren harira. Lehenik eta behin, “Txillardegi gogoan” izeneko bideoaren aurre estreinaldia egingo dute antolatzaileek, Kote Camachoren eskutik. Urtarrilaren 13an izango da jardunaldia, 18:30ean Donostiako San Jeronimo kaleko kriptan.

Bigarren ekitaldia urtarrilaren 15ean izango da. Emanaldi literario-musikala egingo dute Rafa Egiguren eta Dorleta Urretabizkaiak, 11:30ean Donostiako Lasala plazan. Ondoren, kantu saioa antolatu dute Udal Liburutegian.

Existentzialismoari buruzko mintegi irekia ere prestatu du kultur ekimenak. Urtarrilaren 18an egingo da, 15:30ean EHUko Filosofia eta Hezkuntza Zientzien Fakultatean, eta Fito Rodirguez idazle eta irakaslea izango da gidaria.

Ekitaldiei amaiera emateko, Txillardegik ekologismoaren alorrean egindako lana ekarriko du gogora Eguzki taldeak, Markos Zapiain eta Martin Ansoren eskutik. 18:30ean egingo dute, Donostiako San Jeronimo kaleko kriptan.


Kanal honetatik interesatuko zaizu: Txillardegi
Txillardegi omendu dute, bere heriotzaren hamabigarren urteurrenean

Euskaltzalearen ekarpena nabarmendu eta Udal Liburutegia 'Txillardegiren izenean jartzeko' eskatu dute omenaldian.


2024-01-08 | ARGIA
Txillardegiren heriotzaren XII. urteurrena
Donostiako Udal Liburutegiari Txillardegi izena ematea aldarrikatuko dute beste behin

Txillardegi Udal Liburutegia Herri Ekimenak, urtero bezala, aitortze ekitaldia egingo dio Donostiako politikari, hizkuntzalari eta idazleari. Beste behin eskatuko dute Donostiako Udal Liburutegi Nagusiari bere izena jartzea.


Covitek Txillardegiri buruzko ikasleentzako bideo baten aurka jo du

Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.


2023-01-03 | Irutxuloko Hitza
Txillardegiren heriotzaren XI. urteurrena gogoratzeko ekitaldia urtarrilaren 14an egingo dute

Urte berriarekin batera, Txillardegi Udal Liburutegia herri egitasmoak tradizio bihurtu du Txillardegi bera omentzeko eguna. Haren heriotzaren XI. urteurrena gogoratzeko ekitaldia hilaren 14an egingo dute, 12:00etan, Txillardegi plazan –Antiguako Gaskonia plazan–... [+]


Eguneraketa berriak daude