Gasteizen Tuvisako langileen lanuzteak erabateko jarraipena izan du

  • Astelehenean aurreikusitako mobilizazioei ekin diete Tuvisako langileek, eta zerbitzurik gabe utzi du lanuzteak ia garraio publikoa Gasteizen 5:00etatik 9:00ak arte. Gainera, tranbia zerbitzua eten behar izan du Euskotrenek sareko linea guztietan goizean gertatu den matxura baten ondorioz.

Artikulu hau CC BY-SA 4.0 lizentziari esker ekarri dugu.

2023ko abenduaren 12an - 07:10

Lanuzteak deitu dituzte Tuvisan astelehenerako eta erabatekoa izan da jarraipena, sindikatuen arabera. Gutxieneko zerbitzuetan soilik egin dute lan. Udalarekin akordiorik lortzen ez bada, mobilizazio gehiago ditu aurreikusita enpresa batzordeak. Kalitatezko zerbitzu segurua "berreskuratu" nahi dute, azken aldian eman diren aldaketen ondoren: lanpostuak kentzea, zerbitzuaren prekarizazioa eta baliabideen pribatizazioa, flotaren egoera txarra, langileenganako "tratu iraingarri etengabea" eta, oro har, lan baldintzen okertzea salatu dituzte sindikatuek. Manifestazioak egingo dituzte abenduaren 13 eta 15ean; lanuzte partziala 18an; eta egun osoko bi greba egun deitu dituzte 19 eta 21ean.

Asteleheneko lanuzteak zerbitzurik gabe utzi du ia garraio publikoa Gasteizen 5:00etatik 9:00ak arte. Gainera, tranbia zerbitzua eten behar izan du Euskotrenek sareko linea guztietan goizean gertatu den matxura baten ondorioz. Arriaga-Lakua auzoko Landaberde eta Wellington Dukearen kaleen bidegurutzean izan da matxura, tranbiak katenariaren kable bat harrapatu eta bota du, eta hiri osoko tranbia sarean matxura elektriko larria eragin du.


Irakurrienak
Matomo erabiliz
Azoka
Kanal honetatik interesatuko zaizu: Langile borroka
Arrasaten zama gainera erori zitzaion garraiolaria hil da: "Lan istripuen gorakada gogorra jasaten ari gara"

LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]


50.000 afiliatuko langa gainditu du LABek, mende erdia bete berri

Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.


Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude