Mecanerreko langileakaz batera mobilizatu dira Bizkaiko 60 enpresa inguru industria-politikan jarrera aldaketa bat eskatzeko

  • Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara" igarotzeko garaia dela, eta oraindino ere Mecaner lantokia salbatzeko astia dagoela. Horregatik, exijitu diote Eusko Jaurlaritzari beharginak defendatzeko eta multinazionalen eskakizunak alde batera uzteko.


2024ko apirilaren 17an - 09:44

Bizkaiko 60 industria-enpresa inguruk adierazi dute Mecanerren kasua ez dela egoera isolatu bat: "Gaur egun industriak erabiltzen dituen lurrak merkataritza-gune handiek edo enpresa logistiko handiek okupatzen dituzte. Bertan, langileen baldintzen ezaugarri nagusia prekarizazio maila handia da".

Gogoratu dute hurrengo urteetan, EAEko eta Bizkaiko ekonomiarentzat funtsezkoak diren automozioko eta energiako industria sektoreek trantsizioari egin beharko diotela aurre, "beren ekoizpena gaur egungo larrialdi-klimatiko egoerara egokitzeko".

Hala, nabarmendu dute ezinbestekoak direla erakunde sendoak eta industria-politika aktiboak. Eusko Jaurlaritzari exijitu diote "enpresen itxierei laguntzeari uzteko eta lanpostuen defentsan eta herrialdearen etorkizuneko industrian protagonista izaten hasteko".

Mobilizazio komitearen gehiengoa Bizkaiko ESK, LAB eta CCOOko industria delegatuakaz sortu da. Hurrengoak dira enpresak: Itp externals, Alba Macrel, Gamesa, Zf Sachs, Gecsa, Alconza, Gth, Enersys, Navacel, ZIV, Mesa, Lamincer, Unilever, Smarmec, Pine, Ingemat, Gestamp, Ecs, T.Ermua, Gol, Tva, Estamcal, Ona, Alko, Fumbarri, Rothenberger, Bruss, Oñate, Alzuaran, Nemak, Lekoizpe, Ormazabal, Sidenor, Knauff, Vicinay, CNC, ACELEC, ANTENAS GAME SERVEO, Darrait, PCB, Aqualia, Betsaide, Tenneco, Pierburg, Arcelor Mittal Etxebarri, Hitachi, Alstom, Petronor Opemasa, Tubos Reunidos, Comfica, DIGI, Suez, GES, Siemsa eta Degremont.

© LAB


Kanal honetatik interesatuko zaizu: Langile borroka
Euskal sindikatuen aldarrikapen historiko bati atea ireki eta lurralde-hitzarmenak lehenetsi ditu Espainiako Gobernuak

Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.


2024-05-15 | Itxaro Borda
Maiatz ederrak

Maiatzean nahi dena egiten ahal dela dio frantsesezko erran zahar batek eta hala dela iruditzen zait. Egunak luzatzen dira, tenperatura hupatzen eta halako axola-gabezia aire zerbaitek inarrosten dizkigu buru zokoak. Egia aitortze aldera, nire garuna martxo bukaeran hasten da... [+]


Bilbobuseko greba bertan behera, langileek aurrekoardioari baiezkoa emateko zain

Bilbobusen greba mugagabea "bertan behera" geratu da momentuz, UGT, CCOO eta USO sindikatuek aurreakordioa itxi ostean Biobiderekin, Bilboko Udalak zerbitzu publikoa eskaintzeko azpikontrataturiko enpresa. Langileek ostegunean batzarrean erabaki beharko dute adosturiko... [+]


Eguneraketa berriak daude