ARGIA.eus

2020ko maiatzaren 26a
JosÚ Mansilla antropologoa

"Turismoak eguneroko prekarietatea jasateko balio duten sareak suntsitzen ditu"

I˝aut Gonzalez de Matauko Rada @inautogdm
2019ko abuztuaren 26a
Bartzelonako kale bat jendez lepo.

Bartzelonan (Katalunia) “segurtasun falta” edo “segurtasun krisia” udako gaia izaten ari da. Joan den urtean “turismofobia” izan zena, aurtengo udan bisitari eta herritarren segurtasuna kolokan dagoela esatea modan jarri da. Honen inguruan galdetzean, José Mansillasek argi du udalek ez dutela arazoa errotik konpontzeko erabakirik hartzen: “Politikan kontratuak lau urtekoak dira, eta arazoa errotik konpondu ordez, momentuko segurtasun-ezaren sentsazioa lasaitzeko konponbide azkarrak bilatzen dira”, dio Mansillak.

“Narkopisuen kontuak argi uzten du ez garela arazoa errotik konpontzen ari: poliziaren presentziak Raval bezalako auzo batean droga trafikoa oztopatu du, baina arazoa periferiara eraman du, Sant Martí barrutira. Arazo estrukturalak bertan jarraitzen du, baina lekuz mugitu dugu”, esan du José Mansillak.

Herrien, probintzien eta estatuen mugak gainditzen dituzten enpresak daude egun zerbitzu askoren atzean, Airbnb tarteko. Aplikazio honek etxe turistikoak alokatzeko balio du, eta Europako herri eta hiri askotan arazoak sortzen ari da. Fenomeno hau kontrolatzeko, baina, lekuko politikak mugak dituela argi du Mansillak: “Fenomeno hauek sortzen diren maila berean kontrolatu behar dira, eta hiri mailako mugak jartzeak arazoa sakabanatzen du”, dio Mansillak.

Turismoak hiria antropologikoki aldatzen du, baita herritarren arteko harremanak ere. Identitate galera, bizilagunen saretzearen galera, egonkortasuna mantentzeko zailtasuna… dira beste gauza batzuen artean turismoak ekartzen dituen arazoak. Pisu turistiko gehiago egoteak bizilagunen arteko erlazioaren galera dakar, eta langileriaren bizitza prekarioa dela eta sortutako frustrazio eta etsipenak jasateko balio zuen elkartasun-sarea galtzen doa.

Aurten hedabideak kale saltzaileekin dauden arazoetan zentratu dira, eta José Mansillak uste du honek pentsamendu arrazistak gehitu ditzakeela: “Gizartearen sektore batzuk estigmatizatzen jarraituz gero, eraso arrazistek gora egin dezakete. Jende hau ezberdina dela zabaltzen dugu, gure hiriaren errealitatea aldatzen dutela”, gehitu du Mansillak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Turismo masiboa

Turismo masiboa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude