TTIPek udal autonomiari egiten dion mehatxua salatuko dute Bartzelonan Europa osoko hautetsiek

  • TTIP eta CETA merkataritza askeko akordioen aurka agertu diren Europako hainbat udaletako ehun alkatek eta hautetsik hartuko dute parte Bartzelonan egingo den Europako Tokiko Erakundeen bilkuran, apirilaren 21 eta 22an.


2016ko apirilaren 20an - 12:00
TTIPen aurkako protesta.

Bartzelonak 2015eko urrian sinatu zuen TTIPen eta CETAren aurkako ebazpena, akordioak “arriskuan” jartzen duelako herritarren interesen alde lan egiteko burujabetza, korporazio handien mesedetan. Hain zuzen ere, TTIP hitzarmenak udalen eta tokiko erakundeen autonomiari egingo dion mehatxuari buruzko txostena aurkeztu zuen Ekologistak Martxanek apirilaren 14an.

Talde ekologistaren esanetan, TTIP indarrean sartzen bada udalek eta autonomia erkidegoek (Espainiako Estatuaren kasuan) ahalmena galduko dute hainbat arlotan kudeaketa egiteko. Udalek, esaterako, ezingo lukete “kontratazio publikoetan garapen jasangarri irizpiderik ezarri edota arriskutsutzat jotzen diren teknikak debekatu”, txostenean irakur daitekeenez.

Bartzelonako bilkuran mehatxu horren aurrean hartu beharreko jarreraz jardungo dute udal ordezkariek. Bide batez, bilera eginez mezu argia bidali nahi diote Bruselari. Antolatzaileek gogorarazi dutenez, 3.400.000 sinadura inguru bildu dira EB parte hartzen ari den merkataritza askeko akordioen kontra.

Hendaiako Herriko Etxea, TTIPen aurka

Europa osoan 1.200 udalek sinatu dituzte akordio horien aurkako mozioak. Azkenetakoa  Hendaia izan da; bertako Herriko Etxeak TTIP hitzarmenaren kontrako jarrera agertu du “bizimoduan, elikagaien arloan, osasungintzan edota ingurumenean ekarriko dituen ondorioengatik”. Hendaiako bost sarrera nagusietan seinaleak jarriko dituzte TTIPik gabeko herria dela adierazteko. Jarrera hori hartu duen Ipar Euskal Herriko lehen herria izan da.


Kanal honetatik interesatuko zaizu: Merkataritza askeko akordioak
2020-12-11 | ARGIA
Hegoaldeko herrialdeek COVID-19arentzako botikei patentea kentzea nahi dute, Iparraldeko aberatsek ez

Eztabaida garrantzitsua Merkataritzaren Mundu Erakundean: Lurreko Hegoaldeko herrialdeek eskatu dute patentea eten dakiela COVID-19arekin zerikusia duten botikei, pandemiari aurre egin ahal izateko. India eta Hego Afrikak egina daukate eskaria baina Ipar aberatseko herrialdeek... [+]


2020-11-16 | ARGIA
Munduko BPGren herena biltzen duten hamabost herrialdek merkataritza blokea osatu dute

Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.


PODCAST #31 | COVID-19 eta merkatu librea: estatuak auziperatzeko bidea badute multinazionalek

Jenofa Berhokoirigoinek kontatu digu nola koronabirusaren izurriteari aurre egiteko hartutako babes eta osasun neurriak izan daitezkeen multinazionalentzako diru iturri. Nola? Merkatuaren liberalizazioa dakarten akordioek bideratutako auzitegi pribatuetan estatuen kontrako... [+]


2018-05-03 | Miren Osa Galdona
Merkataritza hitzarmen "eraso berrien aurrean" gogoeta jardunaldiak antolatu ditu TTIP/CETAri Ez kanpainak

Maiatzaren 4an eta 5ean Euskal Herria kapitalaren eraso berriaren aurrean izeneko jardunaldiak egingo dira Bilboko La Bolsan. Europar Batasuna bultzatzen ari den merkataritza eta inbertsio hitzarmen-bolada berrian begirada ipintzea beharrezkotzat jotzen dute antolatzaileek.


2017-12-13 | Unai Brea
Merkataritzaren Munduko Erakundearen gailurra asteazkenean bukatuko da Buenos Airesen, protesta artean

Abenduaren 10etik 13ra bilduta dago Munduko Merkataritza Erakundea (MME) Buenos Airesen. Gai-ordenan, besteak beste, nazioarteko salerosketetarako arau berriak adostea eta merkataritza elektronikoaren liberalizazioa daude. Milaka lagunek protesta egin dute gailur osoan zehar,... [+]


Eguneraketa berriak daude