Emakumeak borrokan

Merkataritzaren Munduko Erakundearen gailurra asteazkenean bukatuko da Buenos Airesen, protesta artean

  • Abenduaren 10etik 13ra bilduta dago Munduko Merkataritza Erakundea (MME) Buenos Airesen. Gai-ordenan, besteak beste, nazioarteko salerosketetarako arau berriak adostea eta merkataritza elektronikoaren liberalizazioa daude. Milaka lagunek protesta egin dute gailur osoan zehar, MMEri “herrien eta naturaren espoliazioa” arautzeko helburua baizik ez duela leporatuta.

Unai Brea @unaibrea
2017ko abenduaren 13a
Argazkia: Fuera OMC.

164 gobernutako 4.000 ordezkari daude Buenos Airesen (Argentina) bilduta abenduaren 10etik, nazioarteko merkataritzaren araudia gaurkotu eta haren liberalizazioa areagotzeko  xedez. Goi-bileraren inguruan sortu den protesta mugimenduaren esanetan, “neoliberalismoaren gobernantzarako” tresna da MME, eta hura berrindartzeko Buenos Airesen egingo duten saiakera desarautze olatu zabalago baten barruan dago.

Hor kokatu behar dira, besteak beste, azken hamarkadetan indarrean jarritako merkataritza askeko akordioak, baita uneon negoziatzen edo ezartzen ari diren beste batzuk ere. Esaterako, Europar Batasunaren eta Kanadaren arteko CETA hitzarmena, momentuz Trumpek tiradera batera bidali duen Europa eta AEBen arteko TTIP, eta EBk berak Hego Amerikako Mercosurrekin Buenos Aireseko gailurra baliatuz sinatzear duena.

MMEren aurkako elkarretaratzea Bilbon, abenduaren 11n. (Arg.: Ecuador Etxea)

Euskal Herrian abenduaren 11n protesta elkarretaratzeak antolatu zituen TTIP/CETAren aurkako kanpainak azpimarratu duenez, akordio horien ezaugarri nagusiak dira arantzelen ezabatzea, transnazionalei erakunde publikoen arauen kontra ekiteko aukera ematen dieten ebazpen auzitegiak, eta erregulazio lankidetza delakoa. Alegia, “merkataritza edota inbertsioaren fluxuari eragin diezaioketen arlo guztien (lan eskubideak, ingurumenaren eta osasunaren babesa...) arauak bateratzea, estandarrak gutxituz beti ere”.

Merkataritza elektronikoa eta, hari lotuta datu pertsonalen babesa izango da Buenos Airesen aztertuko diren puntu garrantzitsuetako bat. Konpainiek datu horiek erabiltzeko ahalik eta oztopo gutxien izan dezaten saiatuko dira MMEko gobernuak, altermundialistek salatzen dutenez.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Globalizazio neoliberala kanaletik interesatuko zaizu...
2019-05-14 | ARGIA
Ereduen arteko talka bistarazi du Unai Rementeriaren txio batek

Ezkerraldeko “Andoni arrain-saltzailea” jo du eredugarritzat Rementeria Bizkaiko ahaldun nagusiak: prekarizatua, bizitzeko enplegu bat baino gehiago behar duena, kexatzen ez dena, eta prestaziorik eskatzen ez duena.


"Idai" eta "Kenneth" zikloiak: klima zoratuak hondoratu du zor ustelek itotako Mozambike

Klimaren aldaketa dagoenekoz hemen da eta herrialde txiroenak kolpatzen ditu gogorren. Afrika ekialdean batere ohikoak ez diren bi zikloi oso bortitz lurreratu dira Mozambike gainean, txikizio handiak eraginez mendeetako kolonialismoak, hamasei urteko gerra zibilak eta azkenaldian agintari ustelek herrialdearen bizkar sinatutako zor publiko izugarriak kinka larrian jarrita zeukaten herrialdean. Klimaren erotzeak baditu eragile irabazleak eta pairatzen duten galtzaileak.


Teoria neoliberala deseraikitzen: egungo koiuntura geopolitikoaz aritu da Atilio Borón, Bilbon

Mario Vargas Llosak iaz egindako argitalpena hankaz gora jartzen duen liburua idatzi du argentinarrak; errotik aztertu, kritikatu eta apurtu ditu egungo sistema kapitalistaren koiuntura soziopolitikoaren teoriak. Astelehenean aurkeztu du lana Euskal Herrian.


2019-04-07
Zapatistek 25 urte
Ospakizun gazi-gozoa Chiapasen

Jérôme Baschet (1960) historialaria da. Frantziako EHESS Gizarte Zientzien Goi Ikasketen Eskolan irakasle eta ikertzaile aritu ondoren, gaur egun irakaslea da Chiapaseko unibertsitate autonomoan. San Cristobal de Las Casasetik kontatu du matxinada zapatistaren 25aren ospakizun mingotsa.


Geoingeniaritza nola arautu erregai fosilen ugazabek klima are gehiago honda ez dezaten

Nazio Batuen Erakundeak batzar berezia egin zuen Nairobin, Kenya, martxoaren 11 eta 15 artean, klimaren geoingeniaritzaren gobernantzaz arau berriak adosteko. Negoziaketak, ordea, aurrez blokeatuta zeuden eta luzaz proposamena landua zuen Suitzak berak atzera egin zuen azkenean kutsatzaile handienek bidea itxita. Klima aldaketa geoingeniaritzaz konpontzeko esperimentuak mundu mailan arautzeko dagoen ezintasunaren adierazgarria izan da Nairobikoa.


Turismoa, milioika mundutar aberatsen luxu masifikatu baina lurrak jasan ezin hori

2018an mugaz gaineko 1.400 milioi bidaia zenbatu ziren munduan, duela 50 urte luxua zena zenbateraino demokratizatu den seinale. “Demokratizatu”, diozu? Lurra planetako hamabost biztanletatik batek bisita ditzake gainerako hamalauak, baina hauek ezingo dute joan bakar haren sorterrira... ez bederen opor usainean. Atsedenezko bidaien koste-etekinen banaketak injustizia neurri bera dauka: turismoak jendeen arteko desberdintasunak handiagotzen ditu.


2019-03-05 | Xabier Martin
Sidenor-Azkoitia: Enpresa Kultura Berria, Troiako Zaldi zaharra

Sidenor Azkoitiak jaso du Adegi patronalaren azken Enpresa Kultura Berria saria, Gipuzkoako enpresarioburuen arabera, hainbat balio gauzatzeagatik eguneroko jardueran: errespetua, konfiantza, elkar-lana, giza harreman etikoak eta gardenak, kudeaketa partekatua... Errealitatea, ordea, oso bestelakoa da, "Dokumentuak" honetan Xabier Martin kazetariak argi uzten duen moduan.


2019-02-07 | ARGIA
Greba egiteagatik ehungintza industriako 5.000 langile inguru kaleratu dituzte Bangladeshen

Gobernuak soldata igoera agintzearekin bat, greba bukatutzat eman zuten langileek. Lantokietara bueltatzerakoan, baina, kaleratuak izan zirela jakin zuten gutxienez 750 langilek. Zifra horrek nabarmen egin zuen gora hurrengo egunetan.


2019-01-20 | Sonia González
Libre, liberal eta libertario

Askatasunera deiek eta errespetu aldarriek betetzen dituzte telebista orduak eta egunkari orriak, irakur-entzuleak formulaziotik harago joango ez diren segurtasunarekin. Ze, nork ez du aske izan nahi? Giza-seme eta emakume guztiok izan nahiko genuke libre.

(Neo)liberalismoaren askatasuna kapitalen eta salgaien mugimendura mugatzen dela gauza jakina da. Gabonetan jan ditugun arkumeak Marokotik edo beste nonbaitetik ekarri eta, Estatuan akabatzeagatik, espainiar jatorria onartu diete,... [+]


2019-01-15 | ARGIA
Bangladeshko ehungintza sektoreko milaka langile greban dira

Ehungintza sektoreko milaka langilek astebetetik gora dihardute greban Bangladeshen. 50 lantegi inguruk itxi dituzte ateak, eta poliziak istiluetan erabilitako indarkeriak hildako bat eragin du.


Azkenak
EGILEA
Eguneraketa berriak daude