Zergatik babestu dute ultra-aberatsek Trump?
AEBetako Silicon Valley hamarkadetan demokraten gotorlekua izan da. Orain, Donald Trumpen alderako bira egin du. Teknologia-enpresa handiek eta haien buruek, munduko aberatsenek, hautagai errepublikarrari lagundu diote garaipena lortzen.
aurre egingo dieten hedabide independenteak
Publico hedabideak landutako artikulu luzean, azken hauteskundeetan Trump hautagai errepublikarrarentzat diru emaile izan diren aberatsenen errepasoa egin dute. Artikuluak laburbildu duenez, Silicon Valley, Wall Street eta Ekonomia Zaharrak, hirurek, errepublikarraren alderako bidea egin dute. Silicon Valleyri buruz hala adierazi du: “Eskuinera jotzen ari da, eskrupulurik gabe”. Hedabideak gogoratu du inbertsio-enpresek eta petrolio-industriak errepublikarren aldean egoten jarraitzen dutela. Eta teknologia-enpresa handiak, berriz, aldez aldatu dira Adimen Artifizialarentzat, kriptomonetentzat eta teknologia militarrarentzat une erabakigarrian.
Publico-k Trumpek diru-emaile izan dituen aberatsak nola limurtu dituen kontatzen du erreportajean eta Democracy aholkularitzako kide baten esaldia jaso du: "Trumpek esan zien, gorritu gabe, bere hautagaitzari milioika dolar ematen bazizkioten, beharrezkotzat jotzen zuten bezala arautzeko ahalegin guztia egingo zuela".
Elon Musk, laguntzailerik finena
Trumpi presidente izaten gehien lagundu dion ultra-aberatsa da Musk, Teslaren eta X sare sozialaren jabea eta munduko pertsonari aberatsenetakoa. Ofizialki 130 milioi dolar eman dizkio hautagai errepublikarrari kanpainarako. Ordainetan erakundeak eta agentzia federalak gogorki murrizteko misioa izango du, hala, ongizate estatu ahula “are gehiago txikitzeko” aukera izango du. Publico-k dioenez, Trumpek Muskekin adostu du hurrengo hamarkadan defizita eta zorra “gobernu murrizketen artaziz” zuzentzea. Zenbait ahotsek diote Trumpen agintaldian Muskek arduraren bat har dezakeela administrazioan, nahiz eta sektore publikoan ez daukan inolako esperientziarik.
Jeff Bezos, The Washington Post-en talaiatik
Jeff Bezos da Trumpen alde egin duen beste aberatsetako bat. Bezosek esan duenez, Trumpi zor zaio “beste ezein naziok baino aukera gehiago ematea” eta “maite dugun Amerika batzeko” gaitasuna duen politikari bakarra izatea. Gaur egun The Washington Post egunkariaren jabea da eta iragan berri diren hauteskundeetan, Gorka Peñagarikanok artikulu honetan landu zuenez, hamarkadan lehen aldiz, egunkariak ez du hautagai demokrataren edo errepublikarraren aldeko jarrerarik hartu. 2008tik 2020ra arteko hauteskunde guztietan hautagai demokraten alde egin zuen egunkariak.
Mark Zuckerberg-ek ere pastel zatia nahi du
Mark Zuckerberg Metaren burua da. Meta monopolioen aurkako lege gogorrek zaintzen duten beste enpresetako bat da. Trump gobernuan dela, Publico-k dio, araudi aldaketez edo “inpartzialtasun zalantzagarriko erabaki judizialez” balia daitekeela. 2019an, publikoki babestu zuen gaur egungo AEBetako presidentea.
Trumpek asteartean baieztatu du Venezuelako ontzi bati eraso egin eta bertan zeuden 11 lagunak hil dituela. Hildakoak Tren de Aragua "talde terroristako" kideak zirela eta droga trafikoan ari zirela adierazi du Donald Trumpek. Venezuelak dio bideoa Adimen Artifizialez... [+]
AEBetan, Apelazio Auzitegiak Donald Trump presidenteak ezarritako muga zerga gehienak bertan behera utzi ditu. Dena den, ez ditu urriaren 14ra arte indargabetuko, eta bitartean, ia segurua da Trumpek helegitea jarriko duela. Presidenteak uste du Auzitegi Gorenak arrazoia emango... [+]
Jeffrey Kruse buru zen Defentsa Departamentuko inteligentzia zerbitzuek eginiko txosten baten arabera, AEBek Irango gune nuklearrei eginiko erasoek ez zuten Teheranen gaitasun nuklearra "guztiz suntsitu", bizpahiru hilabetez atzeratu baizik. Trumpek, ordea, adierazi zuen... [+]
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Asteko albiste nagusietako bat izan da, zalantzarik gabe: ehuneko 50eko muga-zerga ezarri die Trump administrazioak Indiatik datozkien esportazioei. Brasilekin parekatuta, zerga estatubatuar astunenak pairatu beharko dituen ekonomia handia izango da, aldaketarik ezean,... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Von der Leyenek eta Trumpek akordioa lortu eta astebetera egin du mehatxua AEBetako presidenteak, Europako herrialdeek hitzartutakoa beteko ez dutela kezkatuta. Europako produktuei %15eko muga zergak ipintzeaz gain, Europako Batasunak AEBetan 600.000 milioi euro gehiago... [+]
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Historia garaikideko basakeriarik handienetakoak dira Hiroshimaren eta Nagasakiren bonbardaketak. 1945eko abuztuan, hiru eguneko epean, bi bonba atomiko jaurti zituzten lehen aldiz historian eta bi hiritako biztanleak modu indiskriminatuan hil zituzten. 1945aren amaierarako,... [+]
AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.
Horrez gain, Europa behartu egin du gasa AEBei erostera, 750.000 milioi euro xahutu beharko ditu horretan datozen hiru urteotan; beste 600.000 milioi euro gehiago inbertitu beharko ditu han, "inbertsio estrategikoetan"; eta, "ehunka milioi euro", zehaztapen... [+]