New Yorkeko alkatetzarako hauteskundeak irabazi ditu Zohra Mamdanik. Dirudunei zergak handitzea, alokairuak izoztea eta autobusa eta haurtzaindegiak doan izatea agindu ditu. Palestinaren alde egin du eta Netanyahu hirira etorriz gero atxilotu egingo duela aipatu izan du.

Behin behineko emaitzen arabera, ia bederatzi puntuko aldea atera dio Andrew Cuomo hautagai independenteari, bozen %41 eskuratuta. Hirugarren postuan gelditu da Curtis Sliwa hautagai errepublikanoa, bozen %7 eskuratuta. Hauteskunde gauean Zohran Mandanik “taxilariei, amona mexikarrei eta langileei” eskaini die garaipena.

Trump presidenteak “komunistatzat” jo du alkatea. Hauteskunde kanpainan zehar metropolia funts federalik gabe uzteko mehatxatu eta Mamdaniren aurrean primarioak galdu zituen demokrata babestu du, Curtis Sliwa errepublikanoaren kalterako. “New Yorkek mehatxuei erantzun dio, ahots argiz esan du itxaropena bizirik dagoela”, esan du alkateak ospakizun gauean. “Inork erakuts badiezaioke Donald Trumpi nola garaitu, jaiotzen ikusi zuen hiria izango da”, aurre egingo dio Mamdanik.