Trebiñu Araban sartzeko “aurrerapausorik” ez dela eman salatu dute enklabeko zinegotziek
Bizilagunek "egia eta politika" merezi dutela adierazi dute, oraindik konponbiderik bilatu ez zaizkien arazo ugari edukitzen jarraitzen baitute. Ikasketei eta osasun arretari loturiko arazoak nabarmendu dituzte.
Arabako Batzar Nagusien mahaiaren aurrean astelehenean eginiko agerraldian kexatu dira Trebiñuko zinegotzi Yolanda Urarte eta David Dulanto. Alderdi politikoei eskatu diete enklabea Araban sartzeko bidean lan egitea, eta ez mugatzea "prentsako titularretara". Herritarrek hamaika arazori aurre egin behar izaten dietela salatu dute: esaterako, zerbitzu publikoak "berdintasunez" eskuratzeko Araban erroldatu behar direla.
Aipatutako arazoen artean, ordea, ikasketak eta osasun arreta nabarmendu dituzte zinegotziek. Ikasleei dagokienez, gazte trebiñarrek Euskal Herriko Unibertsitatean ikasi dezaketela azaldu dute, baina ezin dutela Eusko Jaurlaritzak eskainitako bekarik jaso, ezta Gaztela eta Leongo Gobernuak eskainitakorik ere.
Zentzu horretan, gaitzetsi dute Trebiñuko nerabe ugari 18 urte betetzen dituztenean EAEn erroldatzera behartuta daudela, eta EAEn soilik "ikasle gisa" bizi direla, benetan ez baitira autonomia erkidego horretakoak. Eusko Jaurlaritzak arazoa konpontzeko "borondaterik" ez duela adierazi dute: "Trebiñu Araba dela aldarrikatzen du, baina Trebiñun erroldatuta egoteari utzi behar diogu beste arabarren laguntza berak jasotzeko".
Zenbait osasun zerbitzu jasotzeko zailtasunak
Azkenik, trebiñarrei Osakidetzako itunpeko zentroetan zenbait zerbitzutarako –onkologikoa eta logopedia, besteak beste– sarbidea oztopatzen dizkietela aipatu dute Urartek eta Dulantok: "Euskal Osasun Zerbitzuak esaten digu ez dagokigula zerbitzu horiek eskuratzea, Gaztela eta Leonen erroldatuta baikaude".
Osakidetzako Larrialdi Zerbitzuen zentroetan errezetatu diren sendagaiak ezin dituzte erosi Trebiñuko herritarrek, enklabeko farmazien sisteman ez baitira agertzen. Ondorioz, herriko osasun zentroko medikuei euren txarteletan sendagaiaren errezeta sartzeko eskatzen diete.
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Iruñea ez da oso handia, baina Beñat Iturbek elkarrizketarako lekua hautatu duen arte ez dut jakin institutu berean ikasi genuela. Madril eta Iruñea artean bizi da, han hemen baino gehiago, oraingoz. Etxera egin duen bisita bat probestu dut harekin... [+]
Bazterkeria egoeran dauden pertsonen elikadura beharrei erantzuteko, Paris 365 jantoki solidarioa martxan jarri zuten Iruñean, 2009an. Ordutik, euro baten truke egunero hiru otordu bero ematen dituzte. Urtarrilaren 27an iragarri zuten aurrez aurreko afariak emateari... [+]
Irungo Landetxa auzoko pala txapelketa mistoan, hogei bikotetik bakarra da emakumeek osatua, 40 lagunetik bi baino ez dira emakumeak: Idoia Karrera eta Loiola Zuazu. Lehiaz, txapelketa misto eta ez mistoen arteko aldeez eta joko-mailaz mintzatu gara haiekin. "Emakumeok... [+]
Gastronomy Open Ecosystem (GOe) eraikinaren lanak azken etapan sartu dira dagoeneko, Joxe Mari Aizega Basque Culinary Centerreko (BCC) zuzendariak azaldu duenez, astelehenean Donostian egin duten bisita instituzionalean.
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
1945ean Neuengammeko nazien kontzentrazio esparruan hil zen Jean Iribarne gamerearraren diru-zorroa berreskuratu eta bere senideei eman diete. Ipar Euskal Herrian gutxienez 350 herritar deportatu zituzten erresistentzian parte hartzeagatik, eta ia erdia ez ziren bizirik atera.
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
Maki gerrillari antifrankistek Euskal Herrian ez zuten presentzia bereziki nabarmena izan, baina batzuk pasatu ziren, baita erregimenaren errepresio bortitza pairatu ere. Guardia Zibilak hiru hil zituen Ibaetan 1947an eta bat Zubietan 1948an, ahaztuta badaude ere.