Diru biltze kanpaina abiatu du Gure Irratiak, “egoera ekonomiko larria” gainditu nahian
40.000 euroko defizita du Lapurdiko irratiak, eta zuloa tapatzeko laguntza bildu nahi dute herritarren partetik, herriko etxeen partetik zein enpresen partetik ere.
Laguntza ekonomikoa galdetu die herritarrei Gure Irratia komunikabideak, "ahal den neurrian, baina iraunkorki". Gisa horretara, sortzera doan Irratia GIra komunitatearen parte izanen dira, hainbat abantaila ere jasota –sarien zozketan parte hartzeko aukera, programazioari buruzko iritzia helarazteko aukera eta beste–.
Asteazken honetan egin dute prentsaurrekoa Gure Irratiak-eko ordezkariek, komunikabidearen egoera ekonomiko larriaz ohartarazteko: 40.000 euroko egiturazko defizita du irratiak.
Herritarrez gain, enpresei eta herriko etxeei ere galdetzen diete sostengua: diru-laguntza bideratzen ez dutenei bideratzen hastea eta jadanik laguntzen dutenei, ahal den neurrian emaitza emendatzea. Enpresei begira mezenasgo bat abiatuko dute, eta dei berezia egin diete euskarari eta euskal kulturari lotuak diren egiturei.
Arrazoiak, bat baino gehiago
Gaur egun, Frantziako Estatuko irratiak diru publikoz laguntzen dabilen FSER funtsak eta EEP Euskararen Erakunde Publikoak bermatzen dizkie aurrekontuaren hiru laurdenak. Arazoa da diru zama horiek ez direla emendatu azken urteetan, baina gastuak bai. Adibidez, digitalizazioaren bidean DAB+ sistemaren alde egin du irratiak etorkizunari begira kokatzeko, eta horrek ere gastu gehigarriak ekarri ditu. Eguneroko gastuak eta soldatak ere igoera izan dute.
Are gehiago kezkatzen ditu jakiteak EEPren geroa zalantzan dela eta FSERren aurrekontuaren beherakada ere mahai gainean duela gobernuan.
Gure Irratiaren lelo historikoa da Gure Irratia, zure irratia, eta prentsaurrekoan nahi izan dute azpimarratu lekuko eta euskarazko irrati horren inportantzia: "Euskara eta kultur aniztasuna biziarazten dituen zutabe nagusietako bat da Lapurdin. Informazio fidagarri eta librearen alde lan egiten du, tokiko informazio zuzena eskaintzen du", Marga Forestier irratiko administrazio kontseiluko kidearen hitzetan. 1981ean sortu zen Gure Irratia; euskara hutsean ari zen Lapurdiko lehen irratia izan zen. Gaur egun, hiru langile ditu Gure Irratiak, eta Euskal Irratien federazioko kide da, Antxeta Irratia, Irulegiko Irratia eta Xiberoko Botzarekin batera.
Irailaren 21eko goizaldean, herritar bat labankadaz hil zuten Bilboko Solokoetxen. Hurrengo egunetan luze jorratu zuen gertaera El Correo egunkariak. “Matxetez” egindako borroka baten ondorio izan zen heriotza aurrenik; labankada bakar baten ondorio gero. Bi talderen... [+]
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Pedro Sánchezek adierazi zuen martxoan desinformazioa “mehatxu nagusia” zela demokraziarentzat. Baina, nola egiten dio horri aurre Espainiako Gobernuak? Dirudienez, gardentasunarekin eta argitasunarekin baino, ez-ikusiarena egiten.
Hasi ginenean ez genuen urrik ere emango, baina Beranduegi iritsi da bere seigarren denboraldira. Eta oraingoan, babesle eta guzti: Reparaz autoak. Guk ere agindu bat jaso dugu, George Orwellek San Mames betetzeko esan digu, baina gure aurretik Pellori utziko diogu, eta... [+]
Itsuki Irratia Bermeoko ahotsa izan zen 1985etik 2022ko otsailera arte. Orduan, zailtasun ekonomiko eta teknikoek proiektua bideraezin bihurtu zuten, eta irratiaren itxiera ekarri. Baina urtebeteko berrantolakuntza prozesu baten ondoren, irailaren 1ean berriro martxan jarri dute.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
ARGIAk aspaldi du harremana Alemaniako Red.media hedabidearekin, beren bideo batzuk topatuko ditu irakurleak ARGIAren webgunean. Baina haien aurkako jazarpen kanpaina baten ondorioz proiektua ixtea erabaki dute. Red-eko kideek arrazoiak publikoki azaldu dituzte eta artikulu... [+]
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
Landareen inteligentziari buruzko eztabaidak hor jarraitzen du, eta podcast honetan gustatzen zaigun gaia denez, berriro ere ekarri egin dugu. Memoria, kontzientzia eta komunikazioa gauzatzeko gaitasuna gizaki eta animaliez gain landareek ere ba ote duten da oraingo ikerketa... [+]