Torturengatik zigortu zuten guardia zibil batek Espainia ordezkatu zuen Europako Torturaren Prebentziorako Batzordean
Beste bi guardia zibilekin batera Kepa Urra torturatzeagatik zigortu zuten José María De las Cuevas Carretero 1997an. 1999an Aznarren Gobernuak indultua eman zion eta bi urte geroago Polizia Judizialaren ordezkatzaile moduan bidali zuen Europako Torturaren Prebentziorako Batzordera, Garak aditzera eman duenez.
ETAren aurkako operazio batean atxilotu zuten Kepa Urra, 1992an, eta torturatu egin zuten. Bizkaiko Lurralde Auzitegiak lau urteko espetxe zigorra eta seiko gaitasungabetzea ezarri zizkien José María De las Cuevas Carretero, Manuel Sánchez Corbi eta Antonio Lozano Garcíari, tratu txarrengatik. Ondoren, Auzitegi Gorenak kartzela zigorra urte batera gutxitu zien, baina ez zien gaitasungabetzea kendu. Azkenean, Espainiako Justizia Ministerioak indultatu zituen 1999an.
Ordutik De las Cuevasek mintzaldiak ematen ditu Guardia Zibilaren izenean, atxilotuei eman beharreko tratuari buruz, besteak beste. 2001ean Europar Batzordearen Torturaren Prebentziorako Batzordeak Espainiara egindako bisita periodiko batean Estatuaren ordezkari gisa bidali zuten. Une horretan Barne Ministroa Mariano Rajoy zen.
NBEren Torturaren Aurkako Batzordeak (CAT) Espainiar estatuaren aurkako txosten bat kaleratu zuen 2005ean. Kepa Urraren torturatzaileen indultua kritikatzen zuen, inpunitatea babesteko neurri bat zela argudiatuz.
José María De las Cuevas Carretero sarjentua zen Kepa Urra torturatu zuenean, eta postu hobeak eskuratzen joan zen, kapitain izatera heldu arte, egun duen kargua.
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.