Torturatua izan arren, Frantziak Iratxe Sorzabal Espainiara bidaliko du

  • Iratxe Sorzabal euskal presoaren auzia kontu berria edo ezezaguna da orainokoan, hala adierazi du Giza Eskubideen aldeko Ligak (Ligue des droits de l'homme). Bake Bideak ere sendo salatu du Paisko Dei Auzitegiak onartu izana.


2019ko urriaren 31n - 08:27

Parisko Dei Auzitegiak onartu du Espainiako Auzitegi Nazionalak euroagindu eskaera, hirugarrenez eskatu ostean. Presoaren defentsa abokatu Xantiana Cachenautek erran duenez, Sorzabal Guardia Zibilak 2001ean atxilotua torturapean egindako adierazpenetan oinarritzen da Auzitegi Nazionala.

Iratxe Sorzabal 2015ean atxilotua izan zen. Espainiako auzitegiek presoari egotzitako salaketak –ETAk 1995ean Alacanten (Herrialde Katalanak) egindako atentatua–  frogatzeko prozedura martxan jartzeko eskatu zion Cachenaut abokatuak Frantziako instrukzio epaileari.

Kari hartara, Istanbulgo protokoloa deitu prozedura ireki zioten presoari, eta azterketa medikoa egin zioten Fresnesko presondegian: “Sendagilearen iritziz, Sorzabalen tortura salaketak sinesgarritasun osoa du; estres post-traumatikoa diagnostikatu zion”, erran du Xantiana Cachenaut abokatuak.

Abokatuaren iritziz, aukera gutxi dago euroagindu bat bertan behera uzteko.  Alta bada, 2016tik Europako Batasuneko Luxenburgoko auzitegiak kasu batzuk zabaldu ditu, baita jurisprudentziak sortu ere. Hala balitz, hauxe frogatu beharko lukete presoaren defentsa abokatuek: euroagindua torturapean egindako  adierazpenetan oinarritua dela. Horixe litzateke eskaera ukatzeko arrazoia.

 


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude