Tortura ikertzeko batzorde independentea eskatu dute Nafarroako Legebiltzarrean

  • Nafarroako Torturatuen Sarea Nafarroako Legebiltzarrean egon da ostiral goiz honetan, Jorge Chocarro eta Ainara Gorostiaga elkartekideen eskutik. Herritarrekiko Harremanetarako Batzordean hartu dituzte.

Chocarro eta Gorostiaga foru legebiltzarraren aurrean. (Arg.: Ahotsa.info)

2022ko maiatzaren 20an - 12:25

Jorge Chocarro 1996an eta 2002an atxilotu eta torturatu zuten, lehenengoan Espainiako Poliziak eta bigarrenean Guardia Zibilak. Ainara Gorostiaga Guardia Zibilak torturatu zuen 2002an. Elkarteak zabaldu duenez, parlamentariei azaldu diete nola sortu duten Nafarroako Torturatuen Sarea, eta elkartearen helburua Nafarroan behingoz torturaren inguruan argia egitea dela eta zigorgabetasunarekin amaitzea.

Behingoz, egia, justizia eta ez errepikapena nahi dute Nafarroako torturatuek eta, bide horretan, herrialdeko torturatuen errolda egiten ari dira. Horrez gain, Nafarroan tortura ikertuko duen batzorde independentearen eraketa eskatzen dute. Orain arte bildutako datuen arabera, kalkulatzen dute 60. hamarkadatik Nafarroan 1.000 bat pertsona torturatuak izan direla.

Aipatu dute, halaber, torturaren ondorioz bi nafar hil direla: Antonio Goñi Igoa, 1970ean Espainiako Poliziak hamazortzi egunez torturatu ondoren bere buruaz beste egin zuena, eta Mikel Zabalza, 1985ean Guardia Zibilak hil arte torturatu zuena. Gogora ekarri dute Eurokako Giza Eskubideen Auzitegiak Igor Portu eta Mattin Sarasola torturatzeagatik Espainiako Estatuaren aurka emandako epaia, eta auzitegi berak Oihan Ataun, Jon Patxi Arratibel, Xabier Beortegui eta Iñigo Gonzalezen tortura salaketak ez ikertzeagatik egindako ebazpenak. Azalpen hauekin batera, Gorostiagak Guardia Zibilaren eskuetan jasan zituen torturak deskribatu ditu.

Torturatuen Sareak eskerrak eman dizkie talde parlamentarioei "agerraldian erakutsitako errespetuagatik eta enpatiagatik", eta uste du "horrek lagundu egiten duela Nafarroan torturatutako pertsonak aitortzeko eta erreparatzeko bidean oinarri sendo bat eraikitzeko eta adostasunak zabaltzeko". Elkarteak gogoratu du ekainaren 25ean, Torturaren Biktimen Aldeko Nazioarteko Egunaren bezperan, manifestazioa deitu dutela Iruñean, eta 18.30etan abiatuko dela Baluarte plazatik.

Hondoko bideoan ikus daiteke Ahotsa.info-k legebiltzarrera sartu aurretik Chocarrok eta Gorostiagak egindako adierazpenak:


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude